¹ (Kristus sa Ka isa) Nariane, puloknai-puloknai kuki, basananglah huang Tuhan. Kuki bakoi keberatan nulis lagi hal-hal sa sameh ge kayo gene hal iti ngajaga kayo. ² mamaeh bo nihi tahu-tahu, mamaeh boh nihi ulun sa ngulah karaat, nihi mamaeh bo nihi ire sa menyunat tenga. ³ gene takamlah ulun-ulun sa basunat sejari sa menyembah huang Roh Allah, memuliakan Yesus Kristus, nihi sa bakoi nonok harap ge hal-hal sa lahiriah. ⁴ bele kuki, sabujure naan alasan de baagak gi hal-hal lahiriah. amun naan ulun lain sa bapikir bahwa aye naan alasan de baagak gi hal-hal sa lahiriah, lebih lei kuki: ⁵ Kuki de sunat tangar andrau ka walu,ulun Israel asli,tekei suhu Benyamin,ulun Ibrani sa babasa Ibrani. menurut hukum Taurat, kuki aye hio ulun Farisi. ⁶ Huang hal semangat, kuki ti penganiaya umat, nihi huang hal sabujure tangar kapit Hukum Taurat,aku bakoi naan kurange. ⁷ Tapi,kaluhan sesuatu sa sadi nampa untung ge kuki,andrau ina anggap kuki rugi gene Kristus. ⁸ Bujur, kaluhan sesuatu kuki anggap rugi nabandinglei nihi pangataru sagar Yesus Kristus, Tuhan kuki,sa lawit labih bauman tekei inon bo.gene Kristus, kuki haot ka jawoh kaluhane hio sabab kaluhan hio andrau ina anggap kuki ratek! mat kuki tau kiut Kristus. ⁹ kuki nakahalu huang Kristus bakoi huang sabujure sa tekei tenga kuki kakareb sa na iyut kuki tekei Hukum Taurat, tapi sa hawi nangkah Iman huang Kristus, aye hio sabujure tekei Allah berdasarkan Iman. ¹⁰ Kirae kuki tau kataru Aye, nihi kuasa kebangkitan-Aye, lahui hayak huang kasusah-Aye de jari ngalut aye huang pampatei-Aye. ¹¹ Lahui nariane kuki halu kebangkitan tekei helang ulun matei. (Bagarak maju ge terauan Surgawi) ¹² Tapi,bakoi baarti kuki haot kahalue atawa haot maeh, tapi kuki nutahe ge kuki nyapute sameh nihi Kristus Yesus haot nyaput kuki. ¹³ puloknai-puloknai, kuki bakoi ngantuh bahwa kuki haot nyapute.Tapi, isa hal sa na ulah kuki : kuki bakoi ngingat sa tangar lutuk kuki nihi mengarahkan tenga ge inon sa tangar muka kuki. ¹⁴ kuki tarus basurung ge sa natuju ge kahalu hadiah, aye hio terauan surgawi tekei Allah huang Yesus Kristus. ¹⁵ Ayu lei takam isa maeh bapikir sameh hio, Allah sagar pakinie nihi jelas ge kayo. ¹⁶ Tapi kalahio, ayo lei taka tarus welum cocok nihi sabujure sa haot ampun taka. ¹⁷ Puloknai-puloknai, uma lei sontoh kuki nihi mamparhati lei nihi saksama ulun-ulun sa welum lei sa cocok nihi sontoh sa na ini kaon tekei kami. ¹⁸ Gene, naan ajoh ulun sa welum jari musuh-musuh salib Kristus. Masalah hal iti, kuki ringket nyurahe ge kayo lahui andrau ti kuki nyurahe lagi nihi ranu mate. ¹⁹ Narian welum ire aye hio pampatei, gene allah ire aye hio wuntung ire. nihi pujian ire aye hio hal-hal sa nampangan. Pikiran ire ekat lei ge hal-hal duniawi. ²⁰ Tetapi, kapandudukan taka aye hio tangar Surga, tangar awe taka nihi penu samangat ngandrei-ngandrei lei juru salamat, aye hio Tuhan Yesus Kristus. ²¹ Aye sagar ngubah tenga sa hina taka jari sameh nihi tenga kemuliaan E. Nihi kuasa E hio, Kristus tau nuna kaluhane suntup ge Aye.