¹ Udi hio, eau Yesus gi here, aku mawara sabujur e gi kayo,naan ulun sa mindri tangar ina bkaoi sagar matei hampe here kakini kerajaan Allah hawui hamput kuasa e. ( Yesus Nihi Musa , Elia ) ² Balalu, enem andrau udi hio, Yesus nuna Petrus, Yakobus nihi Yohanes, balalu nuna here kakarab gi gunung sa etu, lalu Yesus baubah ra'i mate tangar hadapan here. ³ Balalu, lamaa e jari basinar nihi mahilak tu'u. Bakoi naan tukang hampa hilak kain mahilak tangar dunia tau sameh hio. ⁴ Balalu, timbul tangar hadapan here, Elia hayak Musa, here rahat basurah nihi Yesus ⁵ Udi hio, petrus ngeau gi Yesus, guru maeh tuu gi kami muneng tangar ina, oboh takam ngulah telu kemah, isa gi kayo isa gi Musa, isa gi Elia ⁶ Ulah, Petrus bakoi karasa nuing inon ulah here kaluhan takut ⁷ Balalu, timbul awan nyalungan here, tarangei lei lengan tekei awan hio eau'e iti lah anak ku sa na kalelu, ngarengei boh aye ⁸ Waktu hio lei, here ngini kawi kawan, bakoi naan hie-hie bo nihi here ekat Yesus. ⁹ Nihi, waktu here minau tekei gunung, Yesus nunyu here ada mawara gi ulun lain inon sa na ini here, hampe anak murunsia buan nekei ogang. ¹⁰ Ulah hio, hire negei paneran hio gi here kareb nelang nane-nane inon arti e buan tekei ulun matei. ¹¹ Balalu here nane tekei Yesus, woah inon ahli Taurat ngeau Elia harus hawi dahulu ? ¹² Balalu, eau Yesus gi here, Elia mula hawi dahulu ham pakaeh kaluhane nihi, kalawe sa tatulis tentang anak marunsia bahwa aye harus ajoh ka rara balalu na hina. ¹³ Tapi, Aku mawara gi kayo, Elia mula haot hawi, nihi here ngaulah aye sameh aheng here, sameh sa ta tulis tentang aye. (Here Murid Bakoi Kiyut Nyandas Roh Raat Tkei erang Kulun) ¹⁴ Balalu, waktu hio Yesus, Petrus, Yakobus nihi Yohanes waleng ge murid-murid, hire kakini kumpulan tenga ajoh tangar kawi kawan murid-murid hio, balalu hire ahli Taurat rahat ba soal jawab nihi hire. ¹⁵ Balalu, hinang udi kaluhan kumpulan tenga hio kakini Yesus hire jari ka embah nihi nempat pakai nahalu aye. ¹⁶ Balalu, Yesus hane tekei here, inon sa rahat na soal jawab kaon nihi ahli-ahli Taurat hio ? ¹⁷ Erang kaulun tekei tenga ajoh hio nuing aye, guru aku nu'na nakia laki kuki gi kayo ulah aye sanaro / kasarungan rih sa ngulah aye bisu. ¹⁸ Amun roh hio tudi tangar aye, aye nyanawu e gi tane nihi aye nampalua busa tekei wawa e, nihi ngaratup di pen e, balalu aye jari kejang. Kuki lako murid-murid nu nulak roh hio, tapi here tatap bakoi kakiyut. ¹⁹ Balalu, Yesus nuing hire nihi ngeau, oi utus utus sa bakoi ba iman ! pire ka lawah lagi kuki harus muneng nihi kaon ? pire lawah lagi kuki batahan nihi kayo ? Tuda nakia hio gi Kuki!" ²⁰ Lahui, ire nunda nakia hio gi Yesus. Nihi, waktu roh hio ngindi Yesus, aye balalu ngagagunsang-ngagagunsang nakia hio. Nakia hio la'u gi tane nihi baguling-guling nihi wawa sa nampalua busa. ²¹ Udihio, Yesus nane teke ambah nakia hio, haot pire kalawah hal iti terjadi tangar aye?" Aye nuing, "teke lagi halus. ²² nihi, roh hio haot gaha nawut aye gi huang apui nihi gi huang ranu pakai de nampalenuh aye. tapi, amun kayo kakiyut ngulah katau, kaahi kami nihi awat kami." ²³ Eyau Yesus gi hire, "amun Kayo tau? Kaluhane hio mungkin ge hire sa percaya." ²⁴ Hinang ambah nakia hio nangis balalu kamiak, "Aku harap! Awat kabakoi kepercayaanku!" ²⁵ Waktu Yesus kakini tenga ajoh hawi bakumpul hinang, Aye nyampengar roh hio nelang ngeau gi aye, "kayo roh bisu nihi marengen, kuki nunyu kayo balua neke nakia hio nihi ada suluk lagi!" ²⁶ Udi kamiak nihi ngagunsang - gunsang nakia hio bahimat, balalu roh hio balua. Nakia hio jari sameh ulun matei balalu tenga ajoh hio ngeau aye matei. ²⁷ Tapi, Yesus negei tangan nakia hio balalu nampa buan aye, lalu nakia hio mindri. ²⁸ Balalu, waktu Yesus huluk gi huang lewu, murid - murid e nane teke aye kakareb, "wuah inon kami bakoi kiyut nulake?" ²⁹ Balalu, Aye ngeau gi ire,"masam iti bakoi kiut balua kacuali ekat nihi doa." ( Yesus Basurah Lagi tentang kapateian-E) ³⁰ teke aro, Yesus nihi murid - murid-E tulak balalu nangkah daerah Galilea. Balalu, Aye bakoi kakan naan ulun sa karasa. ³¹ Aye rahat ngajar murid - murid-E nihi ngeau gi ire, Anak Marasia sagar na sarah gi tangan marasia, balalu ire sagar munu Aye. Balalu, udi Aye na wunu, telu andrau udi hio Aye sagar buan. ³² Tapi, murid - murid bakoi paham panderan hio nihi takut nane gi Aye. (Perdebatan tentang Siapa yang Terbesar) ³³ Balalu, Yesus nihi murid - murid te hampe ta Kapernaum. Balalu, udi Yesus muneng tangar huang lewu, Aye nane gi ire, inon sa na surah kayo tangar lalan? ³⁴ Tapi, ire benyem ulah tangar lalan ire ba soal jawab tentang tentang hie sa paling hante. ³⁵ Balalu, Yesus maharung nihi nerau rueh belas murid. Balalu, Aye ngeau gi ire, amun erangkaulun kakan jari sa ka isa, aye harus jari sa narian teke kaluhane nihi gi kaluhane. ³⁶ Balalu, Yesus ngalap erangkulun nakia halus nihi ngopet mindri ta helang ire. Balalu, nelang ngikup nakia hio, Aye ngeau gi ire, ³⁷ "Hie boh sa nahalu erangkulun nakia halus sameh iti huang aran Kuki, aye nahalu Kuki. Balalu, hie bo sa nahalu Kuki, bakoi nahalu Kuki, tapi Aye sa nunyu Kuki. (Ulun sa Nulak Setan Huang aran Yesus) ³⁸ ngeau gi Yesus, "Guru, kami kakini ulun nulak setan huang aran Kayo, balalu kami nguring e ulah aye bakoi uma takam." ³⁹ Tapi, eau Yesus,"Ada nguring aye ulah bakoi naan ulun sa ngulah katau waoh huang aran-Ku, tau waktu hio lei nyapa nyumpah Kuki. ⁴⁰ Ulah, hie sa bakoi nawan takam naan, ta tuhi takam. ⁴¹ Ulah, Kuki ngantuh sabujur e nihi kaon, hiye bo sa ngami kayo erang galas ranu gana kayo uma Kristus, bakoi sagar kajaohan upa e." (Tentang Pangulah Dosa) ⁴² "Balalu hie bo sa ngulah erangkulun teke nakia sa percaya nihi Kuki hio ngulah dosa, oboh maeh gi aye amun isa watu kilangan sa hante degantung ta diunge nihi aye na umpe ge laut. ⁴³ Balalu amun tangan kayo ngulah kayo badosa, tetek bo tangan kayo hio. Oboh maeh gi kayo suluk ge huang welum nihi tangan kutung, tekei nihi rueh tangan suluk neraka, gi huang apui sa bakoi suah pare. ⁴⁴ Tangar uneng sa ulet e bakoi sagar matei nihi apui e bakoi sagar pare. ⁴⁵ Balalu, amun pe'e kayo ngulah hanyu badosa, tetek pe'e kayo hio. Oboh maeh gi kayo suluk gi huang welum nihi pe'e kutung, tekei rueh pe'e na tawut ge huang neraka. ⁴⁶ Uneng sa ulet e bakoi sagar matei nihi apui e bakoi sagar pare. ⁴⁷ Balalu, amun mate kayu ngulah kayo berdosa, sungkit mate kayo hio. oboh maeh kayo suluk gi Kerajaan Allah nihi isa mate nekei rueh mate na tawut gi neraka. ⁴⁸ uneng sa ulete bakoi sagar matei nihi apui e sa bakoi sagar pare. ⁴⁹ Gana, tiap ulun sagar na sira nihi apui. ⁵⁰ Sira hio maeh, tapi amun sira hio jawoh erang'e, kalawe kayo ngulah aye maerang lagi? Milikilah sira tangar huang tenga kayo kakareb balalu aman boh isa nihi sa lain."