¹ Tangar andaru-andrau hiyo, naan ajoh ulun bakumpul bakoi naan inon-inon nakuta, Yesus nerau ire murid- murid Te balalu bapander nihi ire. ² '' Kuki maahi nihi ulun ajoh hio ulah ulun ajoh wayah ti ire haot sasama nihi kuki salawah telu andrau, balalu bakoi naan inon-inon pakai nakuta. ³ Balalu, amun Kuki nuyu ire mudi gi leu ire huang rahat kalauan, ire sagar pisan huang penah lalan ulah papire teke ire hawi teke lawit." ⁴ balalu, murid-murid Te ngajawab Aye, "Neke awe erangkaulun tau napawising ire nihi roti tanggar uneng benyem sameh iti?" ⁵ balalu, Yesus nane gi ire, "Papire roti sa kayo naan?" ire ngajawab, "Pitu roti." ⁶ Udihio, Yesus nuyu ulun ajoh hio maharung tangar tane, balalu Aye ngalap pitu roti hio, nihi baucap syukur, nihi Aye nampabadah-nampabadah e, nihi ngami gi murid-murid Te pakai manyadia gi ulun ajoh. ⁷ balalu, murid-murid lei naan dohot kenah halus. Udi baucap syukur entu aye, Yesus nuyu murid-murid Te pakai nampabagi lei kenah-kenah hio gi ulun ajoh. ⁸ ulun ajoh hio kuman hampe wising, balalu ire nyimpun tetekan panguta sa tasisa hio pitu karanjang penu. ⁹ nakira naan epat ribu ulun sa kuman. Udi hio, Yesus nuyu ire tulak. ¹⁰ balalu Yesus hinang uluk jukung sasama murid-murid Te hampe gi daerah Dalmanuta. (Yesus Nalako Nutui Ciri Teke Syurga) ¹¹ ulun-ulun Farisi hawi basual nihi Yesus, nelang ngalako Yesus nutui ciri teke surga, de mancobai Aye. ¹² udi Yesus mahewuk ambau huang Roh-E, Aye bapander, "Uwah inon generasi iti ngelo ciri? Kuki mara sa sabujure gi kayo, bakoi naan isa pun ciri sa sagar naami gi generasi iti." ¹³ udihio, Yesus tulak nanan ire, huluk waleng gi huang jukung, balalu tulak mitah gi sabarang. (Sagi Ulun Farisi nihi Sagi Herodes) ¹⁴ Murid-murid bakoi ingat nunda roti, nihi ekat naan isa roti tangar huang jukung. ¹⁵ nihi, Yesus bapesen gi ire, "bajaga-jaga! maeh-maehlah tahadap sagi ulun-ulun Farisi nihi sagi Herodes." ¹⁶ balalu ire mapakat isa ulun nihi sa lain ulah ire sa bakoi naan roti. ¹⁷ nihi, udi ngarasa hal hio, Yesus bapander gi ire, "Uwah inon kayo bapander tentang kayo sa bakoi naan roti? inon kayo bakoi lei karasa nihi paham? inon ateinyu natamape? ¹⁸ inonkah kayo naan mate, tapi bakoi ngindi? Nihi, naan silu, tapi bakoi ngarengei? bakoi ingatkah kayo, ¹⁹ waktu Kuki nampabadah-nampabadah dime roti pakai dime ribu ulun, papire ajoh karanjang sa taisi penu nihi tetekan-tetekan panguta sa kayo nakumpulkan?" Ire ngajawab, "rueh balas karanjang." ²⁰ "nihi, waktu pitu roti pakai epat ribu ulun hio, papire karanjang sa penu nihi tetekan-tetekan panguta sa de kumpulkan kayo?" Ire ngajawab, "Pitu keranjang." ²¹ balalu, Aye bapander gi ire, "inonkah kayo tatap mete paham?" (Yesus Nawas Ulun Pehe ta Betsaida) ²² Udihio, Yesus nihi murid-murid Te hampe ta Betsaida. Nihi, papire ulun nunda erangkaulun pehe nihi lako gi Yesusagar nyaput aye. ²³ Yesus balalu nyaput tangan ulun pehe hio nihi nunda aye gi balua teke tumpuk. Balalu, Yesus nura mate ulun pehe hio nihi ngondok tangan-E endu aye. Aye nane gi aye, "Inonkah kayo ngindi sesuatu?" ²⁴ balalu, ulun hio ngindi gi entu, nihi bapander, kuki ngindi ulun-ulun tapi ire taindi sameh kakau-kakau sa lagi takia." ²⁵ udi hio, Yesus ngondok tangan-E ta entu mate ulun hio lagi, balalu ulun hio ngabuka mate e, pangindie ranai, nihi aye pun tau ngindi uras nihi nyata. ²⁶ balalu, Yesus nuyu aye mudi gi leu aye nihi bapander, ada huluk gi huang tumpuk.' (Yesus ayehio Kristus) ²⁷ udi hio, Yesus tulak, sasama murid-murid Te, gi tumpuk-tumpuk ta Kaisarea Filipi. balalu, tangar penah lalan, Yesus nane gi ire murid nihi bapander gi ire, "Eau ulun-ulun, hie Kuki iti?" ²⁸ Ire ngajawab, "Yohanes Pembaptis, sa lain ngeau Elia, nihi sa laine isa teke nabi-nabi." ²⁹ udihio, Yesus nane gi ire, "tapi, menurut kayo, hie Kuki iti?" Petrus ngajawab Aye, "Kayo ayehio Kristus." ³⁰ nihi, Yesus mampangiat ire pakai bakoi mara gi hie bo tentang Aye. (Mara tentang Kasusah Yesus) ³¹ udihio, Yesus mulai ngajar murid-murid Te amun Anak Marasia harus kasusah ajoh hal nihi natulak ulah tua-tua Yahudi, iman-iman pangaentu, nihi de unu, udi telu andrau waleng buan. ³² nihi, Yesus mara hal iti secara tauka. sabab hio, Petrus narik Yesus gi lepeh nihi nagur-Aye. ³³ tapi, rahat ngulik nihi ngindi murid-murid Te, Yesus nagur Petrus nihi bapander, "Tulak teke-Ki, oi Iblis! sabab, kayo bakoi mamikir perkara-perkara Allah, tapi perkara-perkara marasia." ³⁴ Udi hio, Yesus nerau ulun ajoh, nihi murid-murid Te, nihi bapander gi ire, "Amun isaulun kakan umba Kuki, aye harus nulak tengae kakarep, nihi ngangkat salib e, balalu umba Kuki. ³⁵ ulah, hie bo sa kakan manyalamat nyawa e sagar kajawohane. tapi, hie bo sa kajawohan nyawa e demi Kuki nihi Injil sagar manyalamate. ³⁶ ulah, inon batuahe isakaulun kahaba uras dunia, tapi kajawohan nyawa e? ³⁷ inon sa tau isakaulun ami pakai newuh nyawa e? ³⁸ ulah, hie bo sa mangan ulah Kuki nihi Firman-Ki ta generasi sa bakoi satia nihi badosa iti, maka Anak Marasia lei sagar mangan mengakui ulun hio amun Aye hawi huwang Kemuliaan Ambah-E sasama nihi Malaikat-malaikat sa Barasi."