¹ itilah pamula injil Yesus Kristus, Anak Allah, ² sama sa tatulis huang kitab Nabi Yesaya : "Indilah, Kuki ngirim panetei-Ki ngadahulu Kayo sa kakan nampasiap lalan gi-Kayo. Maleakhi 3:1 ³ naan lengan ulun kamiak-kamiak pulau haket: " sadialah lalan gi Tuhan, napa jari lala-E lurus". Yesaya 40:3 ⁴ jari Yohanes ngandrus ulun-ulun ta pulau haket lahui mengkhotbahkan baptisan pertobatan pakai ngampun dosa. ⁵ nihi, kaluhan ulun Yudea nihi kaluhan ulun Yerusalem hawi gi Yohanes. Aye ngandrus ire tangar hungei Yordan, nelang ire ngakui dosa-dosa e. ⁶ Yohanes makai ulu unta nihi huruk pahiwu e. Aye kuman upan nihi ranu wani. ⁷ Yohanes bakhotbah nihi bapander, "udi kuki kakan hawi isa kaulun sa labih bakuasa neke kuki. Kuki bakoi wajar ngadukut nihi ngalapas tadi sandal-E. ⁸ Kuki ngandrus kayo nihi ranu, tapi Aye sagar ngandrus kayo nihi Roh barasih." (Yohanes Ngandur Yesus) ⁹ dan, terjadilah ta andrau-andrau hio, Yesus hawi teke Nazaret, walayah Galilea, nihi nababtis ulah Yohanes tangar hungei Yordan. ¹⁰ hinang udi balua teke ranu, Yesus ngindi langit patuhi nihi Roh nyarupai erangkikui wurung merpati minau gi entu-Aye. ¹¹ balalu, naan suara hawi teke surga, "Kayo ayehio Nakia sa nasayang Ki. gi-Kayo Kuki katuju." (Yesus decobai ulah Iblis) ¹² Hinang udi hio, Roh nunda Yesus gi pulau haket. ¹³ Aye naan ta pulau haket salawah epat pulu andrau nihi decobai ulah Iblis. Yesus naan ta helang satua-satua liar nihi ire malaikat nalayani Aye. (Yesus Mara Injil Allah tangar Galilea) ¹⁴ udi Yohanes de panjara, Yesus tulak gi walayah daerah Galilea nihi mara Injil Allah. ¹⁵ Aye bapander, "Ganaplah waktu e , Kerajaan Allah. haot riet. Batobatlah nihi percayalah nihi Injil!" (Yesus Midi Papire Murid) ¹⁶ waktu Yesus rahat btakia tangar iring danau Galilea, Aye ngindi Simon, nihi Andreas, puloksanai e, rahat nimbai lunta tangar danau ulah ire ayehio penjala kenah. ¹⁷ balalu, Yesus bapander gi ire, "Umbalah Kuki, nihi Kuki sagar ngajari kayo penjala marasia." ¹⁸ Simon nihi Andreaas hinang nanan lunta ire balalu umba-Aye. ¹⁹ Waktu Aye tulak labih lawit lagi, Aye ngindi Yakobus, anak Zebedeus, nihi Yohanes, puloksana e, sa naan ta huang jukung rahat ngaripu lunta. ²⁰ Udihio, Yesus hinag nerau ire balalu ire nanan ambah ire, Zebedeus, tangar jukung sasama nihi walah-walah bayaran , lahui tulak umba Yesus. (Yesus Ngajar nihi Penu Kuasa) ²¹ Lahui, ire hampe tangar Kapernaum, nihi pada andrau Sabat, Yesus suluk gi sinagoge balalu ngajar. ²² Ire kawauh ngarengei ajaran-Aye ulah Aye ngajar sameh isakaulun sa naan kuasa, bakoi sameh ahli-ahli Taurat. ²³ Waktu hio, tangar sinagoge naan isakaulun laki sa de sanaro roh raat nihi aye kamiak, ²⁴ Eaue, "Inon urusan Kayo nihi kami, Yeus teke Nazaret? Inonkah Kayo hawi pakai ngarusak kami? Kuki karasa hie Kayo. Kayo ayehio Sa Barasih teke Allah!" ²⁵ Tapi, Yesus nyampengar aye, eau-E, "Benyem! Balualah teke ulun iti!" ²⁶ Udi roh raat hio ngagagunsang-ngagagunsang aye nelang kamiak nihi suara mehet, balualah roh hio teke aye. ²⁷ Ire uras kawauh balalu nane isa nihi sa lain, antuhe, "Inonkah iti? isa ajaran wau nihi kuasa! Aye balalu nuyu roh-roh raat hio nihi ire taat nihi-Aye." ²⁸ lahui, nihi hinangkabar gi awe-awe hampe gi uras daerah Galilea. (Umpu Simon nihi Ulun Ajoh de Tawas) ²⁹ Hinang udi Yesus nihi murid-murid-Te nanan sinagoge, ire huluk gi le'u Simon nihi Andreas, samama Yakobus nihi Yohanes. ³⁰ Tapi, umpu Simon rahat mangkading ulah maringin, maka ire hinang mara keadaan'e gi Yesus. ³¹ Yesus balalu nutah aye nihi nyaput tangan'e nihi ngawat aye mindri. Waktu hio lei maringin'e jawoh balalu wawei hio manyadia gi ire. ³² Waktu malem hampe, udi mateandaru leteng, ire nunda gi Yesus uras ulun sa sasakit nihi sanaro roh raat. ³³ udihio, kaluhan tenga kota bakumpul ta muka banawang lewu hio. ³⁴ Yesus nawas ulun ajoh sasakit nihi maam-masam panyakit nihi nulak ajoh setan. Tapi, Aye nguring setan-setan bapander, ulah ire kataru nihi Aye. (Yesus badoa nihi Mara Firman) ³⁵ Sunsung kiat, waktu andrau lagi mieng, Yesus sele balalu tulak gi uneng sa benyem, lahui Aye badoa tangar anai. ³⁶ udihio, Simon nihi ulun-ulun sa sasama aye nupui Yesus. ³⁷ Waktu ire panalu Yesus, ire bapander, "Uras ulun nupui Kayo!" ³⁸ Nihi, Yesus bapander, "Ayo taka tulak gi kota-kota sariet supaya Kuki lei ta'u bakhotbah gi ulun tangar anai. Ulah, itilah alasan Kuki hawi." ³⁹ Ulah hio, Yesus tulak ngaliling uras daerah Galilea. Aye mara Firman tangar sinagoge-sinagoge ire nihi ngusir setan-setan. (Ulun Kusta Detawas) ⁴⁰ lahui, naan erangkaulun sa sakit kusta hawi gi Yesus. Aye lako nihi dadukut gi-Aye nihi bapander, "Amun Kayo kakan, Kayo ta'u nganak kuki." ⁴¹ tagarak ulah nanam pangono, Yesus nyokoi tangan-E nihi nyaput ulun hio balalu bapander, "Kuki kakan. jarilah ranai!" ⁴² waktu hio lei, panyakit kusta'e jawoh nihi ulun hio jari ranai. ⁴³ Yesus hinang nuyu ulun hio tulak balalu pangkingat aye nihi tegas. ⁴⁴ Aye bapander gi aye, "ada mara inon-inon gi hie bo masalah ti. Tapi, tulak bo, pakindilah tenga kayo gi imam, nihi amilah korban gene kayo ranai sameh sa de huyu ulah Musa jari isa kesaksian gi ire." ⁴⁵ Tapi, ulun hio tulak nihi mulai mara'e secara tauka nihi mara kabar hio gi kaluhan tenga. ulah hio, Yesus bakoi ta'u lagi huluk nihi teranga-terangan gi kota, tapi muneng ta wading, ta uneng sa benyem. Tapi, ulun-ulun teke uras uneng tatap nutah-Aye.