¹ (Yesus Ngami Ampun dan Nawas Ulun Lumpuh) Papire andrau udi hio, katika Yesus Waleng gi Kapernaum, tarengei barita bahwa Aye naan ta leu. ² Lahui, ajoh ulun ba kumpul hampe bakoi naan ruangan lagi, bahkan tangar tuhi manawang gin, dan Aye ngantuh tangar firman gi ire. ³ Lahui, ire ngapung Aye, nunda erang ka ulun lumpuh sa na tandu epat ka ulun. ⁴ Waktu ire bakoi iyuh nunda ulun riet Yesus ulah ajoh ulun, ire pun nguka hapau ta amau Yesus. Udi nguka hapau, ire pakinau tilam uneng ulun lumpuh mangkading. ⁵ Waktu Yesus ngindi iman ire, Aye ngantuh gi ulun sa lumpuh hio, "Oi anak-Ki, dosa-dosa kayo haot de ampuni." ⁶ Lahui, papire ahli Taurat sa maharung tangar hio mulai bapikir pikir huang atei ire, ⁷ "Uah inon ulun iti ngantuh sameh hio? Aye rahat menghujat! hie sa ta'u ngami ampun kacuali Allah kakarep?" ⁸ Yesus langsung karasa teke huang Roh-E bahwa ire mulai bapikir huang atei ire. Aye ngantuh ge ire, "Uah inon kayo bapikir kalahio huang atei ko? ⁹ Awekah sa labih murah, ngantuh ulun lumpuh hio, 'Dosa-dosa kayo na ampuni', atau ngantuh, 'Jungkatlah kayo, enatlah tilam ko dan lahui takia'? ¹⁰ Akan tetapi, karasalah bahwa anak marasia sa ampun kuasa ta bumi pakai ngampun dosa-dosa." Yesus ngantuh nihi ulun lumpuh hio, ¹¹ "Aku ngantuh nihi kayo, jungkat, enat tilam ko, dan mudi gi lewu kayo." ¹² Ulun lumpuh hio hinang mindri, ngugai tilam e dan balua, ta hadapan ulun ajoh. Kaluhan ire takjub dan memuliakan Allah, lahui ngantuh, "kami bakoi piji ngini sa kalahio!" (Lewi Umba Yesus) ¹³ Yesus tulak gi pampang danau, dan kaluhan ulun barami-rami hawi gi Aye, dan Aye ngajar ire. ¹⁴ Waktu Aye mitah, Aye ngini Lewi, anak Alfeus, rahat maharung tangar uneng ulun bayar pajak. Lahui, Yesus ngantuh gi aye, "Umbalah Aku." Lahui, Lewi pun mindri dan umba-Aye. ¹⁵ Dan, sementara Yesus maharung kuman ta lewu ulun lewi hio, naan ajoh tukang ngumpul pajak, dan ulun-ulun badosa sa umba kuman nihi Yesus serta nihi murid-murid E, karena ta onoi ajoh ulun, dan ire umba Yesus. ¹⁶ Waktu papire ahli Taurat teke kelompok Farisi ngini Yesus kuman nihi ulun-ulun sa badosa nihi pangumpul pajak, ire nane nihi murid-murid Aye, "Inun ngulah Aye kuman nihi ire panagih pajak dan ulun-ulun badosa?" ¹⁷ Waktu Yesus ngarengei e, Aye ngantuh gi ire, "Ire sa sehat bakoi parlu dokter, tapi ire sa sakit. Aku hawi bakoi nerau ulun-ulun benar, tapi ulun-ulun sa badosa." ( Nane Masalah Bapuasa ) ¹⁸ Murid-murid Yohanes, dan ulun-ulun Farisi rahat bapuasa. Papire ulun hawi nane nihi Aye, "Uah inun murid-murid Yohanes dan murid-murid ulun Farisi bapuasa, tatapi murid-murid kayo bakoi bapuasa?" ¹⁹ Lahui, Yesus bapaner nihi ire, "Iyutkah ire pangiring pangantin bapuasa samentara pangantin laki masih nihi ire? Salawah pangantin laki hio masih sameh-sameh nihi ire, ire bakoi iyuh bapuasa. ²⁰ Namun, andrau hio angaran hawi pangantin laki de ugo teke ire, dan tangar andrau hiolah ire kakan bapuasa. ²¹ Bakoi naan ulun sa numpek lamba sa jabas sa pawinsit pakai kain sa bio. Jika kalahio, tumpekan kain sa bio hio de minsit lamba sa ohang, dan jabase bahante. ²² Dan, bakoi naan ulun sa nuang anggur sa bio ge huang kantong upak sa lawah. Jika kalahti ,anggur hio tau jabas kantong upak yo sahinga maeh anggur hio maupun kantonge tau rusak. Sabalike, anggur sabio desiok ta huang kantong upak sa bio. ( Yesus adalah Tuhan atas Hari Sabat ) ²³ Dan, pada andrau Sabat, Yesus nangkah ume gandum, dan huang kia, murid-murid-E mulai ngutik bulir-bulir gandum. ²⁴ Lahui, ulun-ulun Farisi bapander nihi-E, "indi, wah inon ire ngulah inon sa de uring hukum andru Sabat?" ²⁵ Lahui, Aye ba pander nihi ire, "Mete piji kah kaon mambaca inon sa de ulah Daud, katika aye dan ulun-ulun sa nihiaye rahat ba kakurangan dan kaluan? ²⁶ Kalah awe aye suluk gi huwang Leu Allah waktu Abyatar batugas jari Imam Besar, dan kuman roti persembahan, sa ekat tau de kuta ire imam, dan aye ngami roti hio gi ulun-ulun sa umba aye?" ²⁷ Lahuy, Yesus ngantuh nihi ulun-ulun Farisi hio,"Andrau sabat de ulah ge marasia, bakoy marasia de andrau Sabat. ²⁸ Jari, Anak marasia yo Tuhan, ley entu andrau Sabat."