¹ De alasan iti lah, kuki, Paulus, de hukum gana Yesus Kristus demi kaon, ulun-ulun kafir. ² Kayo pasti haot ngarengey tahuang tugas panatalayanan anugerah Allah sa de ami ge kuki de gi kayo, ³ bahwa nihi panyataan, rahasia hio de wara nihi ge kuki sama sa haot ki tulis sacara singkat samete e. ⁴ Saat ngabaca ti, kayo iyuh mamahami pengertian ki mengeni rahasia Kristus, ⁵ sa bakoi de wara nihi ulun neke generasi lain, tatapi sa wayah ti de sarah nihi ire rasul dan ire nabi-E sa kudus ulah Roh kudus. ⁶ Rahasia hio naan nangkah e nangkah Injil ulun-ulun kafir jari sasama ahli waris, sasama hengau e teke isa tenga, dan sama-sama nugo bagian neke injil ta huang Yesus Kristus. ⁷ kuki jari pelayan Injil cucuk nihi karunia neke anugerah Allah, sa de ami ge kuki manurut gawiyan kuasa-E. ⁸ Gekuki, sa paling hina ta antara kaluhan ulun Kudus, anugerah iti de ami de nampe kabar giulun kafir kasugihan Kristus sa bakoi terselami, ⁹ dan nunda tarawa gi kaluhan ulun tentang rahasia sa tersembunyi salama ba abad-abad huang Allah, sa ngcipta sagala sasuatu. ¹⁰ Nihi kaalah hio, nangkah jemaat, bamacam hikmat Allah iti de wara nihi ire pamarintah dan panguasa ta uneng surgawi. ¹¹ Iti cucuk nihi rancana tuhan sa de wara huang Yesus Kristus, Tuhan taka, ¹² Sa tahuang Aye, taka kahalu kakaleh dan lalan suluk gi Allah nihi percaya gana kasetiaan Kristus. ¹³ Gana hio, kuki lako nihi de ada putus asa ngindi penderitaan sa kuki nginak demi kayo penderitaan iti aye lah kamuliaan. ( Doa Paulus gi Jemaat Efesus ) ¹⁴ Gana alasan iti, kuki suntup ta hadap Ambah. ¹⁵ Teke aye lah, satiap babuhan ta surga dan ta bumi narima aran e. ¹⁶ Kuki ba doa de sasuai nihi kanatau kamulian-E, Aye bakenan ngaruniakan ge kayo kagagah ta huang batin ko, nihi kuasa nangkah Roh-E, ¹⁷ V 17 sahinga Kristus bakenan muneng ta huang aheng ko nangkah iman sahinga kayo ba wakat dan badasar huang kasih, ¹⁸ dan agar kayo sahayak kaluhan ulun kudus iyuh mamahami kalah awe lebar, dan ambau, dan entu, dan lalem e kasih Kristus. ¹⁹ Nihi hio ley, kayo tau karasa kasih Kristus sa melampaui pangarasa sahinga kayo de penu ingkeng kaluhan kapenuan Allah. ²⁰ Bagi Aye, sa sangup ngulah lawit labih malimpah neke kaluhan sa taka lako atau pikirkan, sasuai nihi kuasa sa bagawi ta huang taka. ²¹ Bagi Ayelah kamuliaan huang jamaat dan huang Yesus Kristus bagi kaluhan generasi hampe salawah-lawah e Amin.