¹ Neke Paulus, sa jari rasul Yesus Kristus gana neke parintah Allah, juru Salamat taka, dan Yesus Kristus, uneng harapan taka. ² Gi Timotius, anak sa sah huang iman. Anugrah, belas kasih, dan damai sejahtera neke Allah Ambah taka dan Yesus Kristus, Tuhan taka. ( Parangitan Ngalawan Ajaran sa Sasat ) ³ Sa kalah awe kuki mamohon ge kayo katika kuki tulak ge Mekodina, tatap bo muneng ta Efesus supaya kayo tau manasehati ulun de ire bakoi ngajar ajaran lain, ⁴ atau mamusatkan perhatian ire nihi kesah-kesah nihi silsilah-silsilah sa bakoio naan ahir e. Hio malah ngulah perdebatan, aye bakoi manjalankan tugas palayanan Allah sa de gawi oleh iman. ⁵ Namun, tujuan neke parintah hio adalah kasih sa baasal neke atei sa murni, nurani sa maeh, sarta iman sa tulus. ⁶ babapire ulun sa balengkong neke tujuan iti dan tawang huang panderan sa sia-sia. ⁷ Ire kakan jari ahli Hukum Tairat, tetapi bakoi mamahami inon sa ire pander atau hal-hal sa ire yakini. ⁸ Akan tatapi, taka karasa Hukum Taurat hio maeh jaka ulun ngagunai e sa kalawe mesti e, ⁹ nihi kasadaran bahwa Hukum Taurat bakoi de ulah ge ulun bujur, melainkan de palangaran hukum dan pemberontakan, ulun fasik dan ulun ba dosa, ulun sa bakoi kudus dan duniawi, ire sa ngunu ine dan ambah e kakarep, pangunu, ¹⁰ ulun asusila sa ngulah dosa seksual, homoseksual, penculik, pangoso, saksi dusta, dan hie bo sa ngalawan ajaran sa sesat, ¹¹ eye ajaran Injilsa mulai neke Allah Sumber Berkat, sa haot de percaya gi kuki. ( Ucapan Syukur Paulus atas Rahmat Allah ) ¹² Kuku basukur ge Aye sa haot manguat kan kuki, aye hio Yesus Kirstus, Tuhan taka, gana Aye ngangap kuki ta huang pakuneng kuki huang palayanan iti. ¹³ Walau pun dahulu kuki ulun penjahat, penganiaya, dan ulun sa kejam, tatapi kuki narima belas kasih gana dahulu ngulah e tanpa pangertian dan huang kabakoi percayaaan. ¹⁴ Tuhan ngami ge kuki anugerahsa balimpah, sahayak-hayak nihi iman dan kasih huang Yesus Kristus. ¹⁵ Panderan iti iyut de percaya dan layak de tarima sapenuh e bahwa Yesus Kristus hawi gi dunia de nyalamat kan ulun-ulun badosa; ta antara ire, kukilah sa paling badosa. ¹⁶ De alasan iti lah, kuki halu belas kasih, aye hio supaya ta huang kuki, ulun sa paling badosa iti, Yesus Kristus nyantarang kahante-E sa sempurna sabagai contoh bagi ire sa akan percaya nihi-E de kahalu welum sa kekal. ¹⁷ Bagi Raja ta sagala zaman, sa kekal, dan sa bakoi de indi, isa-isa e Allah, hormat dan kamuliaan hampe sa lawah-lawah e Amin. ¹⁸ Parintah iti de ami ki ge kayo, Timotius, anak ki, sasuai nihi nubuatan sa piji de ami tentang kayo, dan nihi nubuatan hio bajuanglah huang perjuangan sa maeh, ¹⁹ sambil bajaput nihi iman dan atei nurani sa maeh. Bapire ulun sa haot manolak ngulah e sahinga joot iman ire. ²⁰ Ta antara e adalah Himeneus dan Aleksander, sa haot de sarah ki nihi Setan supaya ire balajar de bakoi ngahujat.