¹ Pertama-tama, kuki nyompo gi kayo de pakambai pangakan, doa, doa syafaat, dan ngantuh syukur gi kaluhan ulun, ² bagi raja-raja, dan kaluhan ulun sa maharung ta pamarintahan de taka induh ngajalan welum sa rukun dan damai tahuang sagala kasala dan kehormtan. ³ Hal iti maeh dan sa tau hadap Allah, Juru Salamat taka, ⁴ sa ngakan kaluhan ulun de selamatkan dan hampe nihi pangarasa nihi kabujuran. ⁵ Gana, ekat naan isa Allah dan isa parantara neke Allah dan marasia, aye hio marasia Yesus Kristus, ⁶ sa haot ngami tenga-E kakarep de panewuh gi kaluhan ulun. Kasaksian iti deantuh nihi waktu sa de tetapkan-E. ⁷ De hiolah, kuki de tetapkan sabagai pengkhotbah dan rasul -- kuki ngantuh bujur, kuki bakoi pakoso -- dan kalah guru ta huang iman dan kabujur gi suku-suku lain. ( Sikap Laki-Laki dan Wawei huang Ibadah Jemaat ) ⁸ Gene hoi, kuki kakan laki-laki ta kaluhan uneng badoa nelang ngenat tangan e sa maeh bakoi sangit dan basual. ⁹ Tekas hoi lei, kuki kakan wawei bapakaian mae penu kasopanandan pangandalian tenga. perhiasan ne bakoi lah ulu sa de kepang, amas, mutiara, nihi pakaian larang, ¹⁰ melainkan gawian-gawian sa maeh sa kalahawe sa harus e wawei sa ampun kasalehan. ¹¹ Erang kulun wawei harualah balajar huang katanangan dan huang sagala kataatan. ¹² Akan tatapi, kuki bakoi nunyu wawei ngalajar atau nunyu laki-laki. Namaun, wawei harus tatap tanang ¹³ Gana Adam de ulah pertama, japo udihio Hawa, ¹⁴ dan lain Adam sa de tipu, melainkan wawei hio de tipu dan ratu ta huang pelangaran. ¹⁵ Namun, wawei gin akan de selamatk an nangkah balolos anak jaka ire talahui welum tahuang iman, kasih, dan kakudusan nihi pangadilan tenga