¹ Na perhati lei tamam hante kasih sa Bapa karuniakan gi taka ngulah taka na antuh anak-anak Allah, nihi mula teke aye hio anak-anak Allah. Gana hio, dunia bakoi kataru taka gana dunia bakoi kataru Aye. ² puloknai-puloknai sa ki kasihi wayah ina taka ayelah anak-anak Allah, tapi sameh inon keadaan taka uni metelah nyata. Tapi, taka karasa bahwa waktu Aye hawi, taka sagar jari sameh Aye gana taka sagar ngindi Aye huang keadaan-Aye sa sabujur e. ³ Satiap ulun sa naan pengharapan iti ta huang Kristus, aye namparasih tenga aye, sameh nihi Kristus ayelah barasih. ⁴ Setiap ulun sa ngula dosa lei nawan hukum gene dosa hiolah pelanggaran tahadap hukum. ⁵ Kayo karasa bahwa Kristus na nyatakan de ngahapus dosa, nihi ta huang Aye bakoi naan dosa. ⁶ Setiap ulun sa muneng ta huang Aye bakoi ngulah dosa; bakoi isa pun sa berdosa haot ngindi atawa kataru Aye ⁷ Nakia-nakia ki, ada boh nabiar erangkulun pun menyesatkan kayo. Ulun sa ngulah kebenaran hiolah ulun bujur, sameh nihi Kristus hiolah bujur. ⁸ Ulun sa ngulah dosa berasal teke setan gene setan haot badosa teke asal. Anak Allah hawi de tujuan iti: nampalawu gawian-gawian setan. ⁹ Bakoi erangkulun lei sa lahir teke Allah ngulah dosa gana umang Allah muneng ta huang tenga e; nihi aye bakoi tau ngulah dosa gana aye haot na lahirkan teke Allah. ¹⁰ Lahui kaliho, hiyekah anak-anak Allah nihi hiyekah anak-anak Iblis jari nyata. Ulun sa bakoi ngulah kebenaran bakoi baasal teke Allah, sameh hio lei ulun sa bakoi mengasihi puloknai-puloknai e. (Sasameh Bakasayang) ¹¹ Sabab itilah kabar sa haot na rengei kayo teke asal, aye hio taka harus sasameh bakasayang. ¹² ada jari sameh kain, sa berasal teke sa maraat nihi sa nguni andi e. nihi, uah inon Kain nguni andi e? sabab, gawian kain raat nihi gawian andi e bujur. ¹³ puloknai-puloknai ki, ada em'ah amun dunia iti marikang kayo. ¹⁴ taka karasa bahwa taka haot balua teke pampatei nuju welum gana taka mengasihi puloknai-puloknai. ulun sa bakoi mengasihi puloknai e muneng ta huang pampatei. ¹⁵ setiap ulun sa marikang puloknai e hiolah erangkulun tukang wunu, nihi kami karasa bahwa bakoi naan tukang wunu sa naan welum kekal ta huang tenga e. ¹⁶ kala ina lei taka ngataru kasih: Yesus kristus haot manyarah welum-Aye ge taka. Jari, taka gin harus manyarah welum taka gi puloknai-puloknai taka. ¹⁷ Tapi, bila ulun naan harta dunia nihi ngindi puloknai e rahat perlu, tapi nutuo atei e nihi puloknai e hio, kalawe tau kasih Allah naan tangar huang atei e? ¹⁸ Anak-anak ki, ayo lei taka bakasayang bakoi nihi panderang-panderan atau lela, melainkan nihi perbuatan nihi kebenaran. ¹⁹ Nihi iti, taka sagar karasa bahwa taka berasal teke kebenaran nihi taka akan meneguhkan atei taka ta hadapan Allah. ²⁰ Sabab, amun atei taka nampahala taka, Allah labih hante tekei atei taka, nihi aye karasa kaluhane. ²¹ Puloknai-puloknai sa ki kasihi, jika atei taka bakoi nampahala taka, taka naan keyakinan tenga ta hadapan Allah. ²² Inon boh sa taka lako, taka narime teke Allah gana taka ngumba perintah-perintah-Aye nihi ngulah inon sa berkenan gi-Aye. ²³ nihi, iti lei huyuan Allah, aye hio de taka percaya huang aran Anak-Aye, Yesus Kristus, nihi taka saling mengasihi sameh sa haot Aye perintahkan gi taka. ²⁴ Ulun sa mentaati perintah-perintah Allah muneng ta huang Aye, nihi Allah muneng ta huang aye. Nihi iti taka karasa bahwa Allah muneng ta huang tenga taka, gana Roh sa Allah karuniakan ge taka.