¹ Anak-anak ki, kuki nulis hal iti ge kayo supaya kayo ada ngulah dosa. Namun, jaka naan sa ngulah dosa, taka naan pembela ta hadapan Ambah, aye hio Kristus Yesus, Sa Bujur hio. ² Ayelah kurban pendamaian bagi dosa-dosa taka. Dan, bakoi ekat dosa-dosa taka bo, melainkan lei dosa-dosa kaluhan dunia. ³ Demikianlah taka karasa bahwa taka karasa Alllah, aye yo jaka taka menaati parintah-parintah-E. ⁴ Ulun sa bapander, Kuki kenal Allah, tapi bakoi manaati parintah-parintah-E, aye aye hio ulun panipudan kabujuran bakoi naan huang aye. ⁵ Akan tatapi, hie sa manaati firman-E, kasih Allah haot bujur-bujur sempurna ta huang tenga e. Demikian lei taka karasa bahwa taka ta huang Aye. ⁶ Ulun sa bapander bahwa aye muneng ta huang Allah, aye harus welum sama kalah Yesus welum. ( Ngasayang Sasama dan Ngajalan Kangakan Allah ) ⁷ Puloknai-puloknai sa ki kasihi, kuki bakoi manuliskan parintah bio gi kayo, melainkan parintah lawah sa haot kayo ngampun neke pertama. Parintah lawah hio ayelah Firman sa haot kaon rengei nake pertama. ⁸ Namun, kuki rahat nulis parintah bio gi kayo, sa ayelah bujur huang Aye dan ta huang kayo gana kamieng rahat nangkah dan tarawa sa bujur saat ti batarawa. ⁹ Ulun sa bapander bahwa aye naan ta huang tarawa, tatapi marikang puloknaie, maka aye masih naan ta huang mieng hampe saati. ¹⁰ Ulun sa ngasayang puloknaie muneng ta huang tarawa, dan bakoi naan isapun sa ngulahe jari tasandung. ¹¹ Akan tatapi, aye sa ngarikang puloknai muneng huang mieng dan takia huanmg kamieng. Aye bakoi karasa gi awe aye tulak gana mieng haot ngabutakan matee. ¹² Kuki nulis gi kayo, hai anak-anak, gana dosa-dosako haot deampuni demi aran-E. ¹³ Kuki nulis gi kayo, hai ambah, gana kayo haot mangenal Aye haot neke awal. Kuki nulis gi kayo, hai ulun-ulun bujang, gana kayo haot ngalahkan sa Jahat. Kuki nulia gi kayo, hai anak-anak, gana kayo haot karasa Ambah. ¹⁴ Kuki nulis gi kayo, hai ambah-ambah, gana kayo haot kenal Aye haot neke awal. Kuki nulis gi kayo, hai ulun-ulun bujang, gana kayo kuat, dan firman Allah muneng ta huang kayo, dan kayo haot pakalah sa jahat. ¹⁵ Ada mancintai dunia itinihi hal-hal sa naan ta huang dunia. Jaka saulun mancintai dunia, kasih Ambah bakoi naan ta huang aye. ¹⁶ Gana, kaluhan sa naan ta huang dunia, aye hio pangakan lunek, pangakan mate, dan kasombongan welum bakoi baasal neke Ambah, malainkan neke dunia. ¹⁷ Dunia iti rahat leteng hayak nihi pangakane, tatapi ulun sa ngulah kahandak Allah tau welum salawah-lawahe. ( Ada Ngumba Anti-Kristus ) ¹⁸ Anak-anaki, saati ayelah zaman akhir; dan kalah sa haot kayo rengey bahwa anti-Kristus kakan hawi, bahkan saati ajoh anti-Kristus haot hawi. Demikianlah taka karasa bahwa saati ayelah zaman akhir. ¹⁹ Ire hawi neke antara taka, tatapi ire lain bagian neke taka. Gana, jaka ire bagian neke taka, ire akan tatap sahayak taka. Namun, ire nanan taka jari nyata gana ire bakoi bagian neke taka. ²⁰ Akan tatapi, kayo haot ngampun pangurapan neke Sa Kudus, dan kayo karasa kaluhane. ²¹ Kuki manulis gi kayo lain gana kayo mete karasa kabujuran, malainkan gana kayo karasae dan gana bakoi naan saoso sa baasal neke kabujuran. ²² Hiye sa pakoso hio amun bakoi aye sa manyangkal bahwa Yesuslah Sang Kristus? Hiolah anti-Kristus, ulun sa nyangkal Ambah nihi Anak, aye gin naan Ambah. ²³ Hie bo sa manyangkal Anak bakoi naan Ambah. Akan tatapi, satiap ulun sa mangakue Anak, aye gin naan Ambah. ²⁴ Biarbo inon sa haut kayo rengey neke awal tatap muneng ta huangko. jaka inon sa haot kayo rengey neke awal tatap muneng ta huangko, kayo gin akan tatap muneng ta huang Anak dan Ambah. ²⁵ Dan, itilah janji sa Aye ami ge taka, ayeyo welum sa kekal. ²⁶ Kaluhan hal sa haot kituliskan gikayo iti, bakaitan nihi ire sa bausaha patawangko. ²⁷ Namun, urapan sa haot kayo tarima neke Aye tatap muneng ta huangko, dan kayo bakoi mamerlukan ulun lain de mangajarko. Akan tatapi, gana pangurapan-E hio ngajar kayo tantang sagala sasuatu -- dan hal hio ayelah bujur, lain dusta -- sakalawe Aye haot ngajar kayo, tataplah muneng ta huang Aye. ²⁸ Saati anak-anaki, munenglah ta huang Aye supaya katika Aye manyatakan arep, taka naan kayakinan tenga dan bakoi mangan ta hadapan Aye neke saat kahawi-E. ²⁹ Jaka kayo taru bahwa Aye hio bujur, kayo gin karasa bahwa satiap ulun sa ngulah kabujuran, nganak neke Aye.