¹ Mataw! I gimam iyahta i ginan anad diq bilaqaqta na ne anadin emiy, muran i gibin God ago nomin nazaq usaqta. An helmo diq i God ago onmin tiqiyim osauq. Ta teq on mataw God gileh ugayta na in i gibin nazaq usaqta na ago in a in i gigo ahi huritaytamo. ² Ya iyogniz, muran i God ago onmin iyim osauqta teq abab i ezaq diq iyeq osamta na in muran ulal ahi iysa i na ago ginad ahi em hasauq. Ari Krais bo ulalab gwahtiqdaqta nab i inmo nog tiqiyamta naqmo ago i ginad em hasauqta. Na ezaqgo kam nab in mat ezaq diqta iyim osaqta na i ahol tuwaq kemam. ³ Ari on mataw bilaqay, i teq Krais nog tiqiyam haqad baq tunim osayta na bunmo in gimo gimugan suholan ginumlan tihiqiy bug. Hiqiy bugan Krais agem anumlan haiqmo usaqta nazaqmo in osaytamo. ⁴ On mataw daq meqinta emayta bunmo in God ago maror tuqothsaiyta. Na ezaqgo God ago maror othasayta adan naqmo in daq meqinta alulin. ⁵ Teq Krais in gigo daq meqinta giwalemnan bolta na ago ne tuhuritiy. Ad Krais aholib daq araq meqinta ahi usaqta na ago ne tuhuritiymo. ⁶ Nazaq iyan mat Krais aholib soqotim inaq osaqta na in daq meqinta adan a ta hi muzinaq. Ari mat araq daq meqinta adan muzinsa i ginad emam, mat na in Krais asit ahol ahi waqim in Krais ago ahi huritmo haqam. ⁷ Onmin ne gihol waziy, luweq mat araq kat neg daq. Mat daq titnonta emaqta na in God ameb titnonim mo luw osaqta nazaqmo. ⁸ Satan danmebmo diq daq meqinta amta. Nazaq iyan on mataw daq meqinta emayta na in Satan mo asenlulib ta. Teq God atatin in mat meqinta na ago kabiy meqin tonan haqad in ulalab gwahtimta. ⁹ On mataw God in giqeman in ago onmin tiqiyiyta na bunmo in daq meqinta adan ahi muzinayta. Na ezaqgo on mataw na God alulib gwahtiqim in gimam iyahta na nogmo iyayta. God in mataw na giqeman in ago onim tiqiyim in daq meqinta adan muzgo giholib ahi usaqta. ¹⁰ Ari ezaq tineq teq i God ago onim teq Satan ago onmin gibiy kemam? Na in God asenlulibta a haiq. Ad mat in amaqbaban ginan anad ahi bilaqaqta na in God ago a haiqtamo. ¹¹ Ne Krais ago suleq danmeb waqiyta in kazaq bilam, i gimaqbaban ginan bilaqan ham. ¹² Nazaq iyan i mat anan Kein haqayta na asen hi muzuq. In mat meqinta na asenlulibta iyim in amikqan na wol eman tumomta. Teq nagaqgo in amikqan wol eman mom? In daq meqin iysa in ama ago daq dimun diq iyta na ago in wol emna momta. ¹³ Ya imaqbaban, mataw God gileh ugayta na in gigem meqinta negsa ne gihol turuh nemsa ginad nad hi emiy. ¹⁴ I tuteqmo gimaqbabna ginan ginad bilaqsa osad teq i ginad kazaq emam. I moq hasmta adan teqin na tuhulosim i kayqmo kuluwa-kuluwmo osamta na ago danteb gwahtiqim tilehauq haqam. Ari mat in amaqbaban ginan anad ahi bilaq aqta na in moq ago danibmo luwaqta. ¹⁵ Mat agem meqinta amaqbab ugaqta na in bilaqne amaqbab na wol eman momta nog tiqiy. Ad mat mataw ginol emaqta na aholib os kayeqmo kuluwa-kuluwmo osyta na alulin ahi usaqta. Na ago ne huritiy. V 16Yesus i gilumsihnan haqad inmo ahol nog hulosta. In daq nazaq eman i ahol waqad i an anan ginad bilaqsa osamta na ago tuhurit kemauq. Nazaq iyan i nazaqmo gihol nog huloseq gimaqbaban tigilum siham tamo. ¹⁷ Ari mat nog og ka ago es nagah dimdimunta kabemmo inaq iyim teq in amaqbab araq nagah ago siqim iysa in ahol waqad ahi ulumsihaqta, mat na agem soqotim usaq. Mat nazaqta na in God anad ahi muzinad in amaqbaban ginan anad ahi bilaqaqta. ¹⁸ Yaqgo onmin, i gimaqbaban ginan ginad bilaqsa i katiyeq giqezab gamuk dimunta amomo hi neguq haiqgam. I daq helta amalib gigem dimunta negad i akabiyan inaqmo em neguq. ¹⁹ I nazaq gimaqbaban ginan ginad bilaqsa osad teq i ginad kazaq emam, i gamuk heltaqmo muzinauqta haqam. Nazaq haqad teq i God ameb osad i gigem kute nemsa tuqosam. ²⁰ Ta teq i God ameb gigem loyinsa in dimun diq ahi iysa i ginad kazaq emaq. I ginad siqim iysa igmo gihol ahi diq ulum kemauqta haquq. Teq God anad i ginad uriyamin in i gigo diq tuhurit kamta haqaq. I nazaq ginad emad teq i God ameb gigem midemeqmo tuqusdaq. ²¹ Ya iyognizmo diq i gigemab daq araq meqinta ahi loyinad nab i God ameb zaway diq iyim turauqta. ²² Turad i nagah araq ago susumun ugsa in i igaqta. Na ezaqgo i in ago gamuk muzin bugad i ginad emauq i daq in anan anad bilaqata naqmo i emauqta haqauq. ²³ Teq God gamuk awaz meqinta gibilanta na in kazaq, i in atatin Yesus Krais anan helmo haqam. Haqad in atatin gunun igta na i muzinad i an anan ginad bilaqsa osam. ²⁴ On mataw God ago gamuk muzin bugayta na bunmo in God inaq ossa God in mataw na nenaq osaqmo. Osad in ago bugaw dimunta igan i giduganib ossa i God inaq osauqta na tiloyin kemauq.