¹ Yaqgo onmin, ne daq meqinta hi emiy haqad ya gamuk ka martonan ne gigo hib lehaq. Ta teq ne dao araq meqinta emid, ari i giteqsor araq i gigo ban waqeq i gimen giman iyahta bulondaqta na in nawa osaq, na Yesus Krais mat titnonta naqmo. ² God i gigo daq meqinta nagan ginan agem meqniysa Yesus inmo ahol tamaz nog ugan in ago agem meqniy i gigo hib usta na tihiqiy. Teq Yesus in i gimomo gigo daq meqinta anadin emad i gimen ahol nog hulobta nazaq ahaiq, haiqggam. In og kab on mataw em bunmo gigo daq meqinta anadin emad in ahol tamaz nog God ugta. ³ Yesus Krais gamuk awaz meqinta igta nagan i tumuzin bugad teq i kazaq ginad emam, i Krais ago tuhurit hasta haqam. ⁴ Ari mat araq bilaqaq ya Krais ago tuhurit hasta haqad teq in Krais ago gamuk awaz meqinta nagan ahi muzinad, mat na katiysa gamuk helta in agemab ahi usaqta. ⁵ Ari mat Krais ago gamuk muzinaqta na in God anan anad bilaq naqmo hiqiyaqta. Nazaq iyan i God anan ginad bilaqsa ago gamuk tumuzinad teq i ginad kazaq emam. I Krais inaq soqotim osauqta haqam. ⁶ Teq mat nog bilaqaq ya Krais aholib tisoqot tim diq inaq luwaiq haqaqta, mat na Krais luw nogmo in luwan. ⁷ Ya iyognizmo diq gamuk kawa ya ne gimen mar tonaiqta ka in mutur a haiq ta. Haiqgam ka gamuk kawaziqta ne mebmebmo tuwaqim osayta naqmo. Teq gamuk kwaziqta na in Yesus awa gamun ne tuhuritiyta naqmo. ⁸ Ta teq gamuk ya ne giyon kawa mar tonaiq ta ka in bilaqne gamuk mutur nog tamo. Na ezaqgo romriq thiqiynan tonsa saw anuwan hel diqta na tuqoyaq.Oysa Krais gamuk na muzinsa i tumuzinauqmo. ⁹ Nazaq iyan mat nog bilaqaq ya saw anuwanib osaiqta haqad teq in amaqbaban Krais aduganibta na ginan agem meqniysa, mat na romriqab os tutaqta. ¹⁰ Ari mat in amaqbaban agem dimunta negaqta na in saw anuwanib osaqta. Ossa saw anuwanib nab nagam araq mat na asen woltayaid woqdaqta na haiqgam. ¹¹ Teq mat in amaqbaban Krais aduganibta na ginan agem meqniysa, mat na romriqab osad teq in romriqab luwaqtamo. Luwas romriq mat na ameqnagin il tonan danteqin muzaqta na ahi huritaq. ¹² Yaqgo onmin, God in Yesus abinib ne gigo daq meqinta tigiwalam. Nazaq iyan ya gamuk ka ne gimen mar tonaiq. ¹³ Ne onmin gimaman, ne mat kwaziq diqmo osim bo muran in os tutaqta na ago ne tuhuritiy. Nazaq iyan ya gamuk ka ne gimen mar tonaiq. Ne mataw minminta, ne mat meqinta na bayan tuwom. Nazaq iyan ya gamuk ka ne gimen mar tonaiq. ¹⁴ Onmin amikmikta ne gimam iyan ago tuhurit kemiy. Nazaq iyan ya gamuk ka ne gimen tumar ton. Ne onmin gimaman, ne mat kwaziq diqmo. Osim bo muran in os tutaqta na ago ne tuhuritiy. Nazaq iyan ya gamuk ka ne gimen tumarton. Ne mataw minminta, ne gigo zaway inaq tiqiyiy. Ad God ago gamuk ne giduganib tuqusaq. Teq ne mat meqinta na bayan tuwom. Nazaq ya gamuk ka ne gimen tumar yon. ¹⁵ Ari ne og ka ago daq meqmeqinta na ginan ginad hi bilaqan. Mat og ka ago daq meqinta nagan ginan anad bilaqaqta na in giman iyah anan anad a hi bilaqaqta. ¹⁶ Na ezaqgo og kab onmataw God gileh ugayta na in daq kazaq emayta. In gigem atoranmo eraqaqta teq in gimeqnagin nagah ahol waqad utetayta teq in gibin ayahta waqnan haqad giholtuw bulad luwayta teq daq nawa na bunmo gimam iyah ago hib ahi bolaqta haiqgam. Daq meqinta nagan in og kaqmo ago ta. ¹⁷ Teq og ka thiqiydaqta. Sa mataw gigem atoran mo eraqsa in nagah hersmo utetayta na in og ka inaq tihiqiy daqay tamo. Ari mat God anad muzinad osaqta na in kuluwa kuluwmo tuqos tutdaqta. ¹⁸ Ari yaqgo onmin amikmikta, muran i kam abebtan ta na ago kamub tugwahtiqim osauq. Kwaziqmo Krais ababun teq gwahtiqdaq haqsa ne tuhuritiy. An muran ne huritiyta nazaqmo diq Krais ababun kabemo tugwahiqay. Gwahtiqsa i mataw na gibiyad ginad emauq, i kam abebtanta ago kamub tugwahtiqim osauq haqauq. ¹⁹ Mebmebmo mataw na i gilikmanib osim teq in i giholosim tilehiy. Mataw na in i gigi diq ahaiqta, in i gigo walmatawta iyeq teq in i gilikmanib tuqos tut nagiyta. Teq in i gihulosim le giholbin luwsa in i gigo diq a haiqta na ulal tiqiy bugaq. ²⁰ Ari negmo teq ne nazaqa haiqta, mat tawonta na in bugaw dimunta amalib ne tigibalaw tonan ne bunmo Krais ababun na gigo tuhurit kemay. ²¹ Nazaq iyan ne God ago gamuk helta na ahi huritiyta haqad ya gamuk ka ahi mar ton negaiq, ne gamuk ka helta na tuhuritiyta na ago ya ne gimen gamuk ka mar tonaiq. Teq God ago gamuk helta na aduganib gamuk araq katiyta ahi usaqta na ne tuhuritiymo. ²² Ari i mataw gimileq inaqta na kazaq tigibiy kemam. Mat nog Yesus gileh ugad bilaqaq, Yesus in Krais? A haiq haqaqta naqmo in mat amileq iyaqta. Mat nazaq bilaqaqta na in Krais ababun iyim in i gimam God teq in atatin inaq gileh negaqta. ²³ On mataw God atatin gileh ugayta bunmo in asan ban osad in i gimam iyan na inaq ahi osayta. Ari on mataw God atatin anan "Krais" haqaqta na, in bunmo Krais inaq osad in i gimam iyah inaq tuqosaymo. ²⁴ Ari ne gamuk mebmebmo huritiyta na in ne gigemab ussa ne waz naqmo hiqiyiy. Gamuk mebmebmo ne huritiyta na in ne gigemab us tutsa teq ne gimam iyahta na atatin inaq gigo hib tuqso tut daqay. ²⁵ Teq Krais gamuk mebmebmo hel diqmo gibilanta na in kazaq, in i giqemid i kayeqmo kuluwa-kuluwmo tuqosam haqad in bilamta. ²⁶ Ya mataw ne kat negad luwayta ko ginan gibilenad ya ne gimen gamuk ka mar tonaiq. ²⁷ Ari negmo teq Krais in bugaw dimunta amalib ne gibalaw tonan bugaw dimunta ne nenaq tuqosaqta,nazaq iyan ne ginad dimunta ago siqim ahi iysa mat araq in ne suleq ahi negdaqta. Na ezaqgo Krais ne gibalaw tonim bugaw dimunta negan bugaw dimunta naqmo in nagah bunmo ago ne gibilenaq ta. Gibilenad in ahi katiyad gamuk heltaqmo bilaqaqta. Nazaq iyan bugaw dimunta suleq nag ta nazaqmo ne Krais aholib soqoteq inaq osiy. ²⁹ Teq Krais in mat titnon diqta na ago ne ginad tiqem haseq teq ne ginad kazaq em diqay, Krais in on mataw daq titnonta emayta bunmo giqeman mutur. Iyan in God ago onmin tiqiyim osay haq daqay.