¹ Ari i God gamuk matan giqeman kayeqmo osayta na anamren anan tibilaqnan,gamuk na anamren in mebmebmo diq osta. Teq in og kab bolim ago gamuk na bilaqsa i huritad teq i geme anonabmo ahol wawta. I gamuk na anamren ahol waq hasad i giben in aholib emim asan waztamo. ² Kayeqmo osayta anamren na ulal iyan i ahol tuwaqim i in ago gamuk na tutim ne tigibilenauq gamuk na anamren in mataw kayeqmo titim mo osayta na alulinmo diq. Kwaziqmo in amam inaq osta. Osim in ulal iyan i ahol tuwawta. ³ I in ahol waqim ago gamuk tuhuritim i ta ne gibilenauq, gibilenid ne ginad nogmo iyid i bunmo wwastoneq zib alowab tuqosam haqad. I gimam ayahta na atatin Yesus Krais inaq gigo hib i tisoqotim i in nenaq zib alowab tuqosauta. ⁴ Ad in ne memaq araqibmo nazaq tuqsad teq i ginad tidimniy hasdaq i gamuk ka tumar ton negauq. ⁵ Yesus Krais gamuk bilaqsa i huritta na i tutad kazaq diq ne gibilenauq, God in bilaqne saw anuwan nigta. In aholib romriq asit ahi usaqta. ⁶ Nazaq iyani giqezabmo bilaqauq i God inaq zib alowab osauq haqad teq i romriqabmo luwab na i gimileq iyad gamuk helta adan ahi muzinauqta. ⁷ Ari God saw anuwanib luw no gmo i luwad teq i Yesus ago on matawta na bunmo nenaq araqibmo zib alowabmo osauqta. Ossa God atatin Yesus anedau na in i gigo daq meqinta tisuhol bugaqta. ⁸ Teq i bilaqauq i daq meqinta ahi emauqta haqad na i gigem kat ugsa gamuk helta i gigemab ahi usaqta. ⁹ Ari i gigo daq meqinta na ulum hasid gwahtiqsa teq God bilamta nazaq in tiqemdaq. In daq titnonta emad i gigo daq meqinta na walemad i gigemab daq katiyta usaqta in tusuhol bugaq. ¹⁰ Teq i bilaqauq i daq meqinta araq asit ahi emta haqad na i God eman in mat amileq inaqta tiqiyaq, i nazaq gihol kat ugsa God ago gamuk i gigemab ahi usaqta.