¹ Palisiyao si 'egogonena Yeisu maeyadi, to watei loina adi to etoladiyao, Yelusalemega si tauyana. ² Toegogoneidiyao si i'taiyana edo Yeisu mana toegaumeyao nimadi ma bikina pwalawa si 'aiyana. ³ (To Palisiyao be me Diu nigenabwai si i'ai'ai analaba nimadi si utui, lesinaina di babadega adi loine nidoisa. ⁴ Eguma Palisiyao si tauyama lobe ebe egimwane deinanega, nigeya sida iyaina eguma nigeya si bwalibwaliya, be wate aidi di loineyao waiwaidi si mulimuliyei, nidoisa keiga be watala, walata koiyawedi be watei di ebe towa be di ebe iyai adi loutuwao.) ⁵ Palisiyao be Loine adi to etoladiyao Yeisu si 'yaenaidenana, "tuwesi lesina no tononowao nigeya babada di loine si mulimuliyei aido nimadi ma bikibikina pwalawa si 'aiyana?" ⁶ To Yeisu i guyedina, "Aisea i palopita aiailina yomiu to kabo sabimiu. Na etogawa igwae, "nai kaleyaidiyao si awa gitamuwegu sopadiega to atedi i towa edasolana. ⁷ Bwagobwago wagawagnamo si ibwai'bwayegu to tomota naloine si 'eitabalenana edoto di tapwalolo ana loine. ⁸ Yatodi na gwae tabu ate noga aido me'baleu di loine a lukwakwaliyana ⁹ Wate i guyedina, "Yatodi na loine a'noga aiailiyana, deinega mi edaeda tulina deinanega atowa! ¹⁰ To Mosese i gwaena, "tamayo be sinayo uda amayabedi," to, "teitai sinana be tamana i guye goyogoyokedi iyabe i yasine. ¹¹ To omige a' gwae, eguma natu sinana be tamana i guyedi edeto to'lema eguma si lobai deinega namei tua na i bwaya maisi," (namei wate na ibwaya maisi Yatodi deinai)- ¹² Deinega omige gibwai nigea tagwali ibwaibwayei be sinana be tamana sabidi tuwesi i guiguinuwai. ¹³ Omige namei Yatodi na gwae Tabu a loeloe asine mi eita tubumiyao deiadiyega a'memebalenana. Doisa wate aidi guinuwa a'guiguiuwaidi. ¹⁴ Yeisu kaleya i bwauwedina to i guyedina, "aenene maiboamiumo be nuwamiu i maimaide." ¹⁵ - ¹⁶ Nige isa tuwesi atamanega sawesawenai be tau i' abi ebiki eguma i lui solanai. To esige tuwesi egumai latuma tomota solanega i abiabi ebiki. ¹⁷ Deinega Yeisu kaleya i ebesinaidina to i luina anuwai, na to nonowao si e naidenana gwae wanawangainina sabina. ¹⁸ Yeisu i gwaee, "mabweina nigeya nuwamiu ida maimaidena? Nigeya sawesawenai a'ita lobai edoto tuwesi i luilui tomota solanai nige nabwai i abiabi ebiki, ¹⁹ lesinaina nigeya sawesawenai i luilui atenai, to esige i lui gamwanai be deinega i taya sumwe deinai?" Nai gwaenina deinega Yeisu bebai gwauwidimo i abi e gitamuidina. ²⁰ I gwae, "eguma tuwesi tomota deinanega i latuma tauna iyabe i abi ebiki. ²¹ Deinega tuwesi tau solanega i latulatuma namei, nuanua bikibikina neisana loyawe, tau be tau si tawaola, i'pwali be loe mwausi, ²² kelele , yala kwai, gamwasowali, kabo, sogali, ei'pi'pi, sinali, gagasi be bubuna besobeso. ²³ Nai goyokaidiyao si latulatuma soladega to si abiabi e bikida. ²⁴ Yeisu me deinega i to'lona i tauyana Taiya be Saidoni leyawaidiyao deinadiyai. Yeisu i luina anuwai to nigea nuwanuwana be teitai i mwalatoni edeto tauna meinai, to nigea sawesawenai be i towa kwai. ²⁵ To mei deinai waine kaikeda natuna waineina kalukaluwa goyokana i towa gwauniana, na wainena Yeisu wasana i nonoiyana abwa i tauyana kaenai i beuna ²⁶ Waineina tauna Guliki, Sailoponisia susuina deinega. Yeisu i sidenana be natuna deinega kalukaluwa goyokana i etoelatu. ²⁷ Yeisu waine i guyenana, "yaeya sida geme i'yai. Nigeya bubuna gitamna eguma yaeya adi bebai to iewai be kedewa ibwayedi. ²⁸ To waine i yeisana Yeisu deinai, "o, Inapwana, tosawesawenai yaeya di mugumuguwega kedewa si i'yai." ²⁹ Yeisu waine i guyenana, lesina u gwaena doisana, likalikamiyo be u taya no edega. Kalukalua biki natuyo deinega ite latu. ³⁰ Waine i'lana na anuwai to natuna i lobaiyana i te abui, to kalukaluwa goyokana tedi latu sinai. ³¹ To watega i latuna leyawa taya deinega, Saidoni solanega i tauyana be wola Galili to si tuwena Diapolisi ana sena deinai. ³² Si tauyenana Yeisu deinai tauna kaikeda teniana i tuina to nigeya ida gwae kaikailina, to Yeisu si sidenana be nimana ida sauni deinai. ³³ I'abi ilenana mulimuliyai kaleya deinadiyega, to nimana i sauniyana teniyanai to i giwalina aido meyana i abi toiyana. ³⁴ Yeisu i'ta tuena Galewai to tau i guyenana, "Epataha," name ana nuwa sabwalena "egege." ³⁵ Yeisu tau teniyana i guinuwaiyana be sawesawenai i 'enene, to watega tuwesi meyana i abi siyana, abwa deinega i gwae gitagitamuna. ³⁶ I guyedina be nige nabwai teitai si guyeguyei. to tutaina i guyedina, i guye 'dibwaidina to si i'na bebewenana. ³⁷ Kaleya gwauidi inai'di i lo'na, si gwae, "gwegwe gwaina i guinuwaidina gitamuna, to teniya tui sawesawenai i nono to nigea ida gwaena sawesawenai i awa gwae.