1
Yeisu mei deinega i latuna to i tauyana na leyawa deinai, to ana toe ganumeyao si mulinana si tauyana.
2
Tutaina asiata sabate i ta'maina, Yeisu i tauyana i egwaegwaisedina lobe tabu gamwanai. Gwauidi si nonoiyana to i'naidi lo'na. Si gwae, "weigita egwaise nai i 'ewaiyana?" "Tuwesi ana anapu Yatodi iye gwaisenana?" "To ede'dededi i guinuwaidina nimanega?"
3
Sidoi, nai tauna to abi lobe natuna, o Meli natuna, o watei tasina Iemesa be Iosese to Iudasa be Saimoni?" Deinega Yeisu si nogaiyana.
4
Yeisu i gwaena deinadiyai, "Palopitaina tauna nige ana amayabamo be ana emidimo na leyawa deinai be na susu solanai be na lobe deinai."
5
Deinega nige sawesawenai be guinuwa gitamudi i guinuwaidi, nameinamo nimana i sauniyana kaleya to lowala deinadiyai to i abi egitamudina.
6
I'naina ilo'na nigea si awa aiaili sabina. To deinega i leyawa maiboana i sakowasiana sabi egwaise.
7
Deinega site tuwelo i bwauwedina to luwaluwa i etune latuwedina, to waiwai i bwaedina be kalukaluwa goyokadi si ula epwaesidi,
8
to 'yemataluweidina be nigenabwai tuwesi si poipoi di sakowasina deinai, di tukemo si poi, saebana bebai be asua o mane adi kwama solanai -
9
to ami kae dagudagugumo a'otei to nigenabwai ami kwama eluwena a'poipoi.
10
Watei i guyedina, "eguma a'luina lobe deinai, name deinai atoa ana laba a taya.
11
To eguma to leyawai nigea si auauwewaimiu o si ene' negomiu, a'ebesinai leyawaina aido, kaemiu kopapana alo autu'tui be di ebe nuwaisi."
12
Si tauyana to si kaobabadana, eto kaleya di pesi goyokadi sida nogaidi.
13
Kalukaluwa goyokadi si ula pwaesidina aido kaleya si gwae welauwedina di bunama deinega to si gitamuna.
14
Kini Elodi i nonoiyana, edo Yeisu waeana ite koiyawe. Tupwadi si gwae, "Iyoni To Babitaiso ite to'lo limani asineyega to nai sabina, nai ede'dedeidiyao i guyedina."
15
To aidi si gwae, "mei I'aitia"to kaleya aidi wate si gwae, "mei palopita nido aidi palopita tuta si gumwalina deinadiyai."
16
To tutaina Elodi i nonoiyana i gwae, "Iyoni tauna aliona ya u pwaiyana i'te to'lo limani."
17
Abwa Elodi solodiya i etunedina be Iyoni si yoi be deliyai si sauni alena Elodiasi (tasina Pilipi dowana) i tawaolaiyana.
18
Abwa Iyoni i'to'lona Elodi i guyenana, "nai nigea loine etoetobodena be tasiyo dowana u 'ewai"
19
To Elodiasi i nuanua koiyawena be Ioni i loe asine to nigea sawesawenai.
20
To Elodi i subulina Iyoni deinai; i mwalatoniana tauna to gitamu aido soibwata etaetabuina, Elodi itoi be Ioni i'taisi gitagitamui. Elodi na enene deinai i nua goyokana to esige mana yaliyaya ie nenena.
21
Elodi na tuta tubu ana tuta deinai iyai i guinuwaina na topaisewao, be na solodiyao be na to eitao Galiliega sabidi.
22
Elodiasi natuna i luimana to i sobuna sabidi, Elodi be na to i'yaiyao si yaliyayana koiyawena. Elodi iye naidenana waine, "tuwesi no nuwanuaw be ya ibwaego?"
23
I guye goyogoyokenana waineina, "tuwesi tuwa eguma u amanoiyei, iyabe ya ibwaeyo wate tupwana gu ebe loine deinega."
24
I tauyana sinanana i yenaidenana, "tuwesi sabina iyabe Kini iya amanoiyei?" Sinana i gwaena, "Ioni To Babitaiso kuyakuyana."
25
I munena Kini Elodi deinai, to i guyenana, "nuwannuawgu nai tuwa Ioni To Babitaiso kuyakuyana ma kabomaina."
26
Kini i nuwamwauna, to na gwae upaupa i guinuwaiyana na to iyaiyao matadiyai deinega i tagwalana.
27
Kini kaikeda na solodiya i yetunenana be Ioni o'tona i'upwayaulei deli solanai.
28
Ioni debana ma kabomaina solodiya i poiyamaina to waineina i bwauwenana deinega sinana i bwauwenana.
29
Tutaina na tononowao si mwalatoniana, si tauyana to si poiyana to si sau aliallienan.
30
Tonono Yeisu si towa sakosakowasiana to si guyenana maibowana tuwesi Tuwesi si guinuwaiyana be si 'eitenana.
31
Yeisu i guyedina, "taumiumo ataya kaikeda leyawa mutawa maisi deinai ae yawaiyata tupwana lesinaian giliewa si ludaludawa koiyawena.
32
Si geluna waga deinai to si tauyana leyawa bolebole deinai taudimo.
33
Kaleya si taidina si tautaya wate si i'lalaidina. Mali leyawega be mali leyawega sipili nugetana leyawaina deinai muliyega Yeisu mana tononowao si latuna.
34
Tutaina Yeisu kaibwai deinega ita saena giliewa si ludaludawa, atena iuwena sabidi nidosana sipisipi nigeya adi tolomataisimo. Deinega iye gwaisedina.
35
Tononoyao Yeisu si guyenana, "leyawa nai nigeya ana to towamo wate ite lailai.
36
Aetune sawalidi be si taya dileyawao deiyai be toesi si gimwanei be siyai.
37
deinega i guyedina tuwesi isai aibwayedi be si iyai," sawesawenai tu analedi kina, pwalawa deinega ta gimwanei be si bwaedi siyai?
38
I guyedina aebesa isai pwalawa adi yau?To tuta si lobaiyana pwalawa nima kaikeda to iya luwa."
39
Yeisu i loinedina be wapuwega sida towa bubu kalakalawena deinai.
40
Siye gogonena wapu deinega si towana aidi anidedi aidi potu.
41
Pwalawa nima kaikeda be luwa iya, iye waidina ita tuwena galewai to i awa gitamuenana, deinega nato nonowao i bwayedina to giliyewao si yeyainidina.
42
Giliyewao si yaina analaba gawadi i sesena.
43
Iyai gwaunai tononowao tuwelo kasigowa pwalawa be iya mugumuguna deinega si lomaidina.
44
Toiyai adi yau paibi tausani.
45
Lomaniniega na to nonowao i 'egeluidina, besi abala mali senai, namei Betusaida, aido tauna boda i etune e seyaulidina.
46
Totuta si liba sawalina tauna, i tuena weteweteyai sabi lo sidasida.
47
Goluwana ite goluwana to kaibwai ite taya ite lo gagamwa wolaiyai. Aido taunamo awa lalai.
48
Yeisu i'taidina musala tedi yai yale deinai, lesina yagila matadiyega i tautauyama to tomwa i liya;yamiama. Boiboinina na i'ta etoetowa si eluwa sabasaba deinai i tauyana wola debanega i latuna deinadiyai, abwa edoto i basa sae sinaidi.
49
To tutaina si i'taiyana wola debanega i'tautauyama, di nuwanuwa ma'maýau abwa si lobwauna,
50
lesinaina maiboadi si i'taiyana abwa si lobwauna. Abwa lomaniniyega deinadiyai i gwaena, "a' ate patu! yau nai! To'saeban subuli."
51
Abwa i geluna wagaiyai maeyanao, to yagila i losauna. Abwa i'naidi i'lo'na.
52
To nigea si nuanuasabwale tuwesi pwalawa. Lesinaina, atediyao si 'egulewana.
53
Tutaina si abalana mali tupwai, si luina leyawa ana esana Genesaleti deinai, oniya kaibwai si lomuiyana.
54
Totuta kaibwaiyega si soluna, kaleya si na'a i'lalaiyanaYeisu,
55
To leyawa maiboana si pili sakosakowasiyana to to'lowala maiboana si deliyedina nianiala deinai tutaina Yeisu na tauyama si nonoiyana.
56
To tuta eguma i'lui leyawa giyokudi, o koiyawedi o koiyawetaudi deinadiyai, to tolewasidiyao gibwai lobe ebe egimwane deinai si loe yabunidina. To si amanoi loiloimina be Yeisu ana kwama bwatanamo sida abitoi, abwa gwauidi si abitoiyana to si gitamuna.