¹ Sain Jerusalem wa-agi Bethphage,Bethany ai utubanu nu,Olive tutu ohiss Yesus bubu abi dana elis sul aliana. ² Ma aliana nuai jo a huna ete tave.Nuaig donkie ol ma adina,dadal gu efudaig va age ya his ai. ³ Danan ol madiana ele nu ode odegi?Madiana, sul debil vaha a ise elavig sul domimnun. ⁴ Nuai donkie ebeg gu bago tata vian efuladian efe waeina. ⁵ Danan haid tavena ai ho o'ole aina ele odegi?Odian ma daina donkie dadal eful lutivi. ⁶ Oale ma adeiana Yesus bo ou,dana haid uladei nuina. ⁷ Donkie ho oie Yesus ai waeiana,jamel oie isahun dueian Yesus bo donkie ohiss tobeh nuana. ⁸ Dana asisi jamel oig isahun duegian,ganif naebeg isahun miadiana. ⁹ Age wawag eleba ian utaeig Yesus totodena. ¹⁰ David ahagul agu haul faun wahin ho nu maha ho binan selou. ¹¹ Sain Yesus Jerusalem nui obea ufu jo gu nuana. ¹² Del ol gu Bethany hulday nuina bo wen damudiana. ¹³ Del ol gu Bethany huldeig nuina bo wen oamudiana. Tatave ameg nuan figna ahidiana hutu banu wa bo mu aibe bubu sain beh. ¹⁴ Bo dodo madiana na mu neb dana ai beh jenau abi dana bubu je ho mamadian dana mu diana. ¹⁵ Jerusalem ale sou ufu jo woug gu nuana,dana eteteb ufu jo woug gu sul adegian meiade wa eteteb ehulal adiana. ¹⁶ Dana ol beh uldian ufu jo gu eteteb sul diana. ¹⁷ Ma adiana jo sisu bo inon dou jo maha maha agu jo sisu odeian feju dana agu ive. ¹⁸ Ufu jo na ilu dana ho wawag mu afan beh,behbil almain nu isedeina bo dana kulum meiadeig ulaeina. ¹⁹ Jehiv mein aben ben uhuleig nueina. ²⁰ Etu ajeig nuig figna meheg meh meideina. ²¹ Peter ise de Yesus madiana meiduga na enu madina bo meheg miana. ²² Yesue elaweh madiana wawag guguhu mou Dogon utagi. ²³ Guguhu ma adigi dana hin bo tutu ma' ass gu noina.Dogon bo madiana eteteb ale dain. ²⁴ Ho nu masigi wawi guguhu meb inon dug o'oledun o bo isin. ²⁵ Ine inon dug mel otin na sileil agasutin fa,Dogon ninu silel agasisin. ²⁶ Ine mel otin silel agasutin fa,Dogon silel ninu agasin. ²⁷ Jerusalem wag Yesu ufu jo gu wain ufu jo na ilo bubu abi dana ai Yesu na gu soina. ²⁸ Ine eteteb odegi bo hin na gagadi? ²⁹ Yesu ma adiana ise ageh o'ole adegin,hin ise gagadi odou etin mem Dogon. ³⁰ John wa gu nuiana ho haul gu de ho maha gu de. ³¹ Ige dodo je tohgodeig ma adian haul gu de?Ele nu wawag guguhu behmel. ³² Dana aide wawag elis ai biliana nu John bo Dogon na abi mel. ³³ Yesu ma adiana ige beh dubanu,Yesu elaweh ma adina,ise ai beh duganu el gagadi gu abi eh odegi ho.