¹ Jesus aben oh u-uldi nuana Judia alewan ho bo maha mede nahenite. Jodan wa omai, dana aid asisi wabil hu je adiana, odianu iwe. ² Odian hu-fu na abu nou dana gaif waheina odeb fenegin nu o-olidena.Dana hol ideg ulelin iho fa? ³ Jesus el-eh ele-adeana? ⁴ Odian ode madeina ;moses ode madiana dana hol aideg uldin nu main;alulu bilou na jobou hol jobadena. ⁵ Jesus ode ma-adiana age ilumag gagadianu, ho jo dana. ⁶ We-leh boh Dogon dana aid ai mudaliana. ⁷ Ho nu boh, dana anag memeg uh, di aideg wan bile-anu. ⁸ Ho ode nu elis ol-fan soin. ⁹ Ho nu Dogon eh-le badim ho ub bagatonau. ¹⁰ Jo go bileig boh, buhbuh je to dou mel elawe ho nu oh-ohlideina. ¹¹ Odian ma adiana in boh, aideg uh-di aid faun oin ho boh sileil odein. ¹² Aid fa gemu uh-di dana faun oin ho bo sileil odein. ¹³ Dana aid mela alal edeig Jesus ai soina odian buhbuh je todeu mel feig ubo oh adein. ¹⁴ Jesus ode fe bo gemag bian, madiana hawa adebil feigi Dogon na maha boh agugu. ¹⁵ je guguhu ma adiana, mel alal iwe bilig febo, Dogon na maha gu nugan. ¹⁶ Mel alal fala de, mu ah-ahde, eben gatinag gu me bo inon dia-adiana. ¹⁷ Nunian dana hol guguli wahe gatila api-ih bibili madiana nuga dou dana mu afan," Ade odig me hau ulugin. ¹⁸ Adedina dana mu tigi, ena dana mu aibeh Dogon adi boh dana mu. ¹⁹ Ine nun je doganu. Dana beu ub dana eli aideg on ubfejumeu ub, ani-mew ub,aniagal, memiagial agu je to-degial. ²⁰ Dana ho madiana, mel naig gude ie ho dudug ben mina. ²¹ Jesus mei-idi ahal diana ine eteteb hol masegin, elefu niniual suldug menaig ag dana wawag dou ai esul adegan odeb ise totigan. ²² Ubo eteteb kulum nu do waug tubudiana. ²³ Jesus bubu je todou mel,ma-diana. Dana aid eteteb kulum ai bo haul sisu be obil. ²⁴ Bubu je todou mel hounag niana. Odian ma-adiana, mel alal age Dogon na haul ou iho be. ²⁵ Kamel nidel ameg gu wau iho fa? Dana eteteb kulumai ho Dogon na maha gu wau iho be. ²⁶ bubu je todou mel hol oh-oh lidian, hol oh-oh lidian eina in bo Dogon na haul go nuin. ²⁷ Jesus madiana, dana aid boh odou na iho beh jesus ai bo ele odou nu ha iho. ²⁸ Pita,age madiana, Dogi ige eteteb unum u-ulob ine tosouna. ²⁹ Jesus ma adiana," Guguhu ma adigi, hol ise jemenigu jo uleig, memea, anag, otigul u-uladei be totel. ³⁰ In ubo eteteb unum maha hegu de hulade totin uh-lunien, ise jeni ni gu almein ho boh nigou atin na baha ho oin. ³¹ Dana ah-bunedo ho sib soin dana sib nuin ho ah-bunim. ³² Ho age Jerusalem tetig Jesus volomadeabuni nuana bubu je todou me feig uh-aina, odian dana ho-adeina. ³³ Ige Jerusalem tebe Dogon mela, ufu na abunou, dana egu eben agu eben na gu wain, age beig bo Gentail ebenag gu menegin. ³⁴ Huage hin benegin, elalen denegin, odeg bebil almein. ³⁵ Jems, Jon ai Jebedi himenul. So bo Jesus madiana. Dou dana, Ine esul ligan. ³⁶ Odian, ma aliana, ele odi a-legin? ³⁷ Odian madiana ine ai bilina nu, hol hanahe ita, hol muifa ita. ³⁸ Jesus ela we ma-aliana ele nu oh madehi, ale ise cup je gin ho ale ai beh. ³⁹ Ile iho, wa ise jegin ho ele nu fa? ⁴⁰ In nahe ite bilin ho is be mademin. In we diana ho na abi. ⁴¹ Je todou mel eli doeg gemanag biana, Jems,Jon ai jabaleina. ⁴² Jesus madiana,abouno dana ufu jo na ho age gagadi ai. ⁴³ In ubo dana ben soin nu isdin bo,abi dana sual . ⁴⁴ In ubo abunou dana soin nu isdou bo, dana unum agu abibdana sual. ⁴⁵ Ode madiana Dogon mela abunou dana soin nu be nean dana agu abi dana soin nu neana ode alme dana kulum esul adian nu. ⁴⁶ Ubo bubu jetodou mel ai Jeriko waina, dana asisi to adeina,ona bo dana amengalu fena, jeni Batamius memeg bo Timus. ⁴⁷ Sain, Jesus Nasaret de wawaga hean do bo hutahen, Jesus Devid mela, ise nu wawin doa fi ? ⁴⁸ Kulum dana ameg mubeh madeina ise nu wali doa ben ai bajeana," Devid mela ise ise nu walin doa. ⁴⁹ Jesus, tave bo madiana uta degia. dana ameg mube uta deina," GAGADI MEG ! AGI TAWEGA !" Ine utasi. ⁵⁰ Balu bubu huli hehele agi Jesus ai wana. ⁵¹ Jesus elawe madiana, ise ele husegin nu wawin ni? " Jobou dana, ise ami mudugan nu is digi." ⁵² Jesus madiana, " nuga wawin gugu-meu mu misia. Baim beh ameg bataviana.