¹ Etu wele ufu jo na dana ilu benben eguleina.Yesu ebeg sogage sul deigian Pilot ai wana. ² Pilot o'ole diana,ine Jew agu ilu adna fa?Elaweh madiana,ine madegi o ja. ³ Ufu jo na dana ilu benben, je animou kulum uteina. ⁴ Pilot o'ole diana,ele nu je sisu elaweh beh matelem?Fegi je kulum ine deven gu masegi. ⁵ Yesu je ol beh elaweh madel,odian Pilot teteul yana. ⁶ Ea ben odou sain gu bo Pilot dana gel woug gu bilou ho uludian alesogianu. ⁷ Dana gel woug gu neina ho ol bo jeni Barabbas. ⁸ Dana aide eguleige neina ho soig Pilot agugu isdou toh din nu madeina. ⁹ Pilot elaweh ma adina,"ageh Jew agu dana ben ho adegin nu fa isedegi?" ¹⁰ Ufu jo na ilu dana ho fel adou isdou ai nu Pilot ebeg gu main wana. ¹¹ Odian ufu jo na ilu dana ho dana aide ma adina utaeina Barabbas uldun ale sua. ¹² Pilot faun ma adina,"Jew agu ilu dana eh adeh odudenegin"? ¹³ Utaeina",behmun almain". ¹⁴ Pilot ma adina,el"hauldou odiana"?Faun utaeina behmun almian". ¹⁵ Pilot odeb wawag elbein nu,Barabbas ule adiana.Yesus benegin nu sul dian wana. ¹⁶ Fan adou dana sul degian je madou aben gu wana,odian fan adou dana otigial unum uta adegian soina. ¹⁷ Yesus jemel gagi ai gu balu faldeina,odian behun ilu gati ohiss maina. ¹⁸ Sanan meig lalen deina,"Jew agu ilu dana"! ¹⁹ Ion beteu ilu gu helaina hin baina.Igoh dedeig gatilamag. ²⁰ Igoh dedeig,balu gagi ai ho uluteaina,odian balu bubu afan tauteig efu deig benegin nu waina. ²¹ Dana ol jeni Simon Sarin de Alexander,Rufus ai memeala nababale efain nu sununu deina. ²² Fan adou dana,Yesus benegin nu Golgotha efu deig teaina dana abou aben gu. ²³ Wain wa mubeh ai uteigian beh jeana. ²⁴ Yesus nababaleu gu begian ninian jamel baelegian nian iveina. ²⁵ Jehiv nababaleu gu abusaina. ²⁶ Nababaleu ohiss ede jobaina,Jews agu dana ben. ²⁷ Feju dana elis abusaleina,ol mu efa ho bo aneh gu ite. ²⁸ Je ode tavein,dana ho deveg gu ulumen ai beh. ²⁹ Dana igoh dedeig ilumag wiliwili dedeig madeina,Aa ine ade ufu jo aitin neb han del ized gu elaweg sulun agin nu ma deina. ³⁰ Nababale gu de tonenega deina. ³¹ Je honde adi ilu dana ufu jo na,dou dana ai ma deina,ine dana eli esul adaganu ine dodo iobeh. ³² Ulebil Yeus Dogon mela nababaleu gu de neb mei dub wawigi guguhu mein. ³³ 12 kilok amineg,gagatu ben maha o'taina nuan jehiv tri kilok am elawe ijiana. ³⁴ Jehiv Yesus ben ai ute mediana",Eli, Eli, Lama,Sabachthani"?"Je gugu bo ede,Dogon sisu,Dogon sisu,ele nu ultiga. ³⁵ Dana ganif taweina, ho doieg bo ma adinana,"fegi Elijah utadiana. ³⁶ Dana ol gugule wa wain oh ou gu meana,"meidou Elijah waeh ehfudin fa". ³⁷ Yesus benai utaeh bo almeana. ³⁸ Jamel ufu jo gu basili elis diana. ³⁹ Fandana ofadou Yesu almean ho meidi,"guguhu eh Dogon mela". ⁴⁰ Aide ol ai ieben tataweh meidiana.Hoageh gemag bo Mary Magdalene, Mary,James,Joses,Salome ai aniaga. ⁴¹ Sain Galilee bibilian bo tohdeig obeleigia.Aide ganif toh deigian ilam Jerusalem teaina. ⁴² Jehiv,meana ufu nu wehdou sain ai suana. ⁴³ Joseph Arimathea de ho gu suana,bo woug guguhu meu ai,Pilot ai wah bo Yesus deveg gana nu o'ole diana. ⁴⁴ Pilot teteulieana,Yesus wele almiana. ⁴⁵ Sain fan adou agu,abouno dana madian,Yesus deveg gana Joseph utiana. ⁴⁶ Joseph jamel faun aub unum idad miana,odian nababale ohiss de mudian niana,jamel jauldi bo jeliana. ⁴⁷ Mary Magdalene,Mary Joses anag ai bo jelau aben ho feanu.