¹ Israil agu egulou ben, pasowa e-gianu,sain ho gu, ufu na ilu dana,Jesus fale benegin isdeina. ² Ode madeina, ode beh bilina, egulou ben gu beh au-weig adebi. ³ Sain Jesus Betani biliana, Saimon leprasi dana na jo gu. Odian aid hol wahian, golen efe so mabale Jesus ilu gati esa wian. ⁴ Dana ganif gemanag biana, age dodo madina, adedian aid he golen efe so u-tam esawia. ⁵ Golen he, menaig ben gu suldomu, gada tri andred gu eve odeb dana aid eteteb aibe ho adamu, odeig aid ho jabeina. ⁶ Odian Jesus ma-adiana, age u-ludeigia," Adedian age boh nu madegi?" Kobol he mu afan oditia. ⁷ Sain kulum dana aid eteteb aige ade ie bilibanu. El sain age e-suandenegin nu ho age esul adegia. Age gaid ise ie beh bilomun. ⁸ Aid eh ele odou nu oh odia. Deweni gu golen mi-ya ho sisu almou ifa-eu. ⁹ Gugu afan ma-adigi, maha maha Dogon je madaig nu-waig, aid he odiana ho nu madaig ub boh nu is denegin. ¹⁰ Odian, Judas Iskariot bohboh je todou mel tuvol fla hu agede hu boh Jesus hiben di, u-fu na abunou dana me-hi adein nu-ana, nuwi boh Jesus ebenag gu sul dein nu. ¹¹ Judas na je-doig wawag elba yan, men aig utenegin ma-adiana. Odian Judas bohbu isdou gu adi bilian elsain boh ebenagu Jesus suldeinu. ¹² Pasowa sain del abu nou gu, boboh je todo mel, oh-oh-li deina," Ine agu nub pasowa na abe el-dou? ¹³ Jesus bohboh je todeu mel elis mai- ale, Sul aliana. Mau-ben nu-wa-hi, dana jalil wa efe wawa me-i-de-hin. Boh toto dei-hia. ¹⁴ Jo ha gu wab, ale toto dehi-wahi, jo memeg ma-adehal Jobou dana ilu madia. Aben sisu ifa-tin. Sisu je todou mel ie bilib pasowa e-he jeiv. ¹⁵ Dana ho aben ben jo ohis iho fa adein , wele sala dou. Age pasowa sisu ona sa-ya dei-ga. ¹⁶ Boboh je todou mel maha ben gu nu-waig, ele madian ho un-nu mehi deina, odeig pasowa eh-sa hia deina. ¹⁷ Am no-nu, Jesus bohboh tuvel fla je todou mel ie wa-heina. ¹⁸ Eh heyeig bibilaig, Jesus ma-adian." Guguhu afan ma-adigi, agede ho, ise dadana e-ben-nagu naite. ¹⁹ Unum wawa duan, ol-faun," Ol-fan ode ma-deina ap ise beh?" ²⁰ Jesus ela we tu-tu ma-adiana age de hol, in uboise ie eh je nan ubo adi. ²¹ Ho-age Dogon mela ad-dana e-ben-nag gu menegin. ²² Sain eh jeje beleig Jesus mali me-meg oh-omi. Me beteina nian ah-ah de boh ma-adiana jegia, he ise uh-fani. ²³ Wa nahi oh. Dogon ami nugi, adian jeina. ²⁴ Jesus ode ma-adiana, he boh ise jogani, dana aid unum nu esa wiana. ²⁵ Guguhu afan ma-adigi, ise age ie beh wa-jemun.Sib big gu ah-hul gu el-la-wig jegin. ²⁶ Sain duweh hol hi-leig he-daig, Oliv tutu gu nu-wai-na. ²⁷ Jesus ode ma-adiana." Age unum ul-tenegi, ele nu ise je ie," Ise ah-gigu of-adou dana bemin ihul-ah-ha nu-ah de-ne-gin. ²⁸ Elawig ah-je-gin sain gu, ise abunig Galili nuahgin. ²⁹ Pita Jesus ma-adian," ele bo ul-li senegin, Ise boh beh ui-li semin. ³⁰ Jesus Pita ma-adiana," guguhu masigi, taltal beh he-u ninian.Ine nu beh dogianu tigan. ³¹ Pita ode madiana ise ine ie almenau. ³² Getsemeni gu waheina, Jesus madiana bi-bi lebil nuig inon degin. ³³ Jesus, Pita, Jems, jon ie edian nu aina, halewaig boh deweg ulumen dian duan. ³⁴ Jesus ma-adiana deweni uh-lumentian dugi, age hegu daha me-meig bileiga. ³⁵ Jesus na-ag ode wa, mahagu gatila efe inon diana memeg esul-di nu. ³⁶ Jesus ode inon diana," Mem Dogon, eteteb unum nenu dou so soin. ³⁷ Jesus ela-we so mei-ih adian age waha niana, so Saimon ma-adiana," Uh-ah nigi fa? Ine ah-gi dahamemg biliga. ³⁸ Age daha maig in-on dedeig bileiga. Ode daig gagadi one-gin. ³⁹ Ela faun nuwi in-on diana, ma-adiana ie oh faun ma-adina. ⁴⁰ Jesus faun me-ih adiana boh uh-ah neina. Ele enegin age beh doina. Amamag ulumen tiana nu. ⁴¹ Age waha ni-egi fa. Bn mela sileil dana eben nag gu wain odeig. ⁴² Age ajebil nubah, dana ha ise ad dana ebe mitib ⁴³ Sain Jesus age ie je mama daig. Age de oh Judas, dana bebe, uh-fu na ilu dana ie. Ja ie waheig. Jesus gu soina. ⁴⁴ Judas ode ma-adiana dana ha-falig ou jegin oh adi ja. ⁴⁵ Judas so Jesus tawiana gu so boh." Jo bou dana" dede boh ou-jiana. ⁴⁶ Odian ebenag wan falena. ⁴⁷ Dana ho itet ufo jo ilu na abi dana da-ig aguana. ⁴⁸ Age feju dana felenegin nu-iwe basin, na ie wahig falitenegin nu wahi gia. ⁴⁹ Age ie oh-oh be. uh-fu jo gu je madigian boh beh fateig gianu kobol he ade gia boh je ni ie ho iho mu-dei gia. ⁵⁰ Unum Jesus uh-uh-ludaig um-nuadina. ^{51 52} Mel faun hol balu eh-eh lu taevie Jesus toto diana. Ub bobo balu huli meme pipal guguli nuana. ^{53 54} Uh-fu na ilu dana unum, het pris nagu Jesus mehu ded nuaina. Pita gawa totodi nui jai gu soldia ie bileina. ⁵⁵ Dana benben Jesus na odev mubeh me-geina bo be faina. ⁵⁶ Kulum animou je madeina je gugufu aibeh. ⁵⁷ Dana ganif ani-mou je mudeina, Jesus kotim denegin nu. ⁵⁸ Ub-bo madiana," Jo he atemin neb del ijed gugulemin ajin. ⁵⁹ Je kobol kobol madiana boh, Jesus na je mu madiana boh ho iwe beh. ⁶⁰ Het Pris ha-ji Jesus oh-oh lidiana." Adedian ine je elaweg beh medelem?" ⁶¹ U-bo je ho be madel.Elawe ho-ho-lidiana," Ine Dogon mela fa?" ⁶² Jesus madiana oh ise adi, big gu ben mela, memeg na mu-ifan itat bilin, elawe hau-hois gu wa-hin. ⁶³ Het Pris bohboh balu basili, madiana ," Ele je afan ma-banban?" ⁶⁴ Age bulam je wele doina" Ade odenegin?" ⁶⁵ Ganif in-bei-na, amasa afa beig, ih-hul-ah-hal ode daig,madeina, propet je madeg, ma-giga" in bisiah ?" Odian faleig beina. ⁶⁶ Het Pris agu abi aid Pita biliana gu, suan. ⁶⁷ Abi aid ho so, Pita jai gu bibilian me-hi-diana, bo madian ine fa Jesus Nasaret de ie obe-hanu. ⁶⁸ Pita ani me boh ma-adian," Age ele nu madegi ho ise beh doganu" ode mede abag wa-wan tatal eh-wiana. ⁶⁹ Het Pris agu abi aid, Pita ama-ha mu-di madiana, dana he boh age de ho. ⁷⁰ Pita ani me boh madiana, Ise Jesus nu be duganu, dana ona tawena, ho Pita ode madeina ine Galili de nu, ine ine age de ho. ⁷¹ Pita ani-meu ben ode ma-diana, dana ho nu madegi ho ise beh duganu. ⁷² Baim beh afan tatal e-weh elis diana, big gu Pita is-diana ele jesus madiana ho, odian Pita bohboh ani-mou ho isdi boh bajiana.