¹ Keiga gwae kausalana ina kebehekale Yeisu keliso weyahina Yaubada Natuna. ² Keiga ketoketoladina palopita Aisea koinega wagebe igu topilihalehale yahetuneyawa, tauna imi keda ihunai. ³ Kenana sinabwana koinega ibwaubwau, mitawadaita igwaegwae, taisinabwa ina keka wadakakali ma wagihepalu. ⁴ Ioni itauyama igihe silibwabwa mitawai, ma i guguya nuwakebuni kana gihesilibwabwa weyaina. ⁵ Tomotai yahudi, iudiega be Yelusalemega sitayama ioni koina ma igihesilibwabwa, waila yolidani koina, ma idi galaho sigwae hapmesediya Ioni koina. ⁶ Ioni kana lohawahawala kameli hunuhunuyanina ma bwalana kana gadiwana ma kana masula bilolo ma mwagaugau. ⁷ Iguguya ma igwaeya, kaigeda tai itautauyama muliguwega tauna waiwaiwawasae kabwa taugu, igeya sawesawena yalagusuluhe ma weta kana kaelawa yalikasi. ⁸ Yagihe silibwabwegemi wailega. Ma tauna igihe silibwabwegemi yaluyaluwa tabuna koinega . ⁹ Nage tutaina koina Yeisu itauyama Nasaletega galili ina kebe loina solanega Ioni yeisu ighesilibwabweya bwasi Yolidani koina. ¹⁰ Yeisu bwasiega nikatu ihanehanema ma igebahaneya galewa i gebeya ikesokeya, ma yaluyaluwa tabuna isulusuluma bunebune gidemusa. ¹¹ Kenana sinabwana galewega, i gwaeya, keiga natugu yaobobomeya weyaina yagwahusowala. ¹² Koinega lomaniniyega yaluyaluwa tabuna itoeya ma itauweya mitawa kainanala, ¹³ mitawa kainanala imiyami kasiyata poti ma seitani yeisu itohotoho, ma mitawa yobai nidi baidanaho anelose silemeya. ¹⁴ Koinega muliega ma Iyoni sigiyahi Yeisu itauyama Galili ma isimasimana tetela bwe bweyana Yeisu weyahina. ¹⁵ Ma Igwaeya, tuta nikatu itauyama, yaubada ina loina tuta giyokuna, wanua kebuni ma wahemisa Yeisu Koina. ¹⁶ Galili holaina ikebesineya ma itautauya, igebediya Saimoni ma Endulu ma nibaina Saimoni, idi gomana siyauyauwe, holai sanataudi togomana. ¹⁷ Yeisu igwaeya koidiya, wanao ma wamuliega ma yagi hetohetowegemi, tomotai kadi togomanaho. ¹⁸ Lomaniniega idi gomana si kebesineya ma Yeisu simulieya. ¹⁹ Koinega wete Yeisu tupwana ihalaga, igebediya Iyemesa Sebedi natuna matasina Iyoni, waga solana idi gomana si saisaibaidi. ²⁰ Ta lomaniniega ibwauwediya, ma tamadi Sebedi ma idi toguinuha sikebesinedi ya ma Yeisu simulieya ²¹ Koinega Sabatiya Yeisu iluguwa Kapaneomi, ma iluguwa hada kebedelihe gogona solana ihegwesena. ²² Ma silosuyaediya ina hegwesena weyahina. Ina hegwesena igeya gidemusa loina kana to hegwesenaho idi hegwesena. ihegwesena gidemusa kaigeda tomotai ma ina loina. ²³ Hada kebe delihegegona solana tai kaigeda yaluyalua baibailina koina imiami ma ibwau latuwa. ²⁴ To nai kada guhinuwe weyai, Yeisu goma Nasaleta? Kowa kutauyama ma uginegalema? Ya mwalatonigowa taiya kowa. Kowa tabu yaubada natuna. ²⁵ Yeisu yaluyalua baibilina iheliyeya, igwaeya, ulosaku ma kulatuma tai koinega. ²⁶ Muliega ma yaluyalua baibailina iula latuweya yalugalua baibailina idouhapwesa kenan sinabwanega ma ilatuwa tai koinega. ²⁷ Tomota maibweiyadi silosuyaediya ma sihenaida kaigeda kaigeda koediya, "Tonai keiga? Hekita hauhauna maina waiwai! Iloina ma yaluyalua baibaina sikamayabeya." ²⁸ Koinega Yeisu halena ilomamniya ma ilatuwa sena yahuna koidiya Galili solana. ²⁹ Lomaniniyega hada kebe tapwalolo si kebesineya, ma sitauya, siluguwa simiyoni ma endulu idi hada, lemesa ma loni makiyanaho. ³⁰ Nage koina Simoni lawana bwala yahiyahi igihe lekwasiya, lomaniniega silatuwa ma ina lekwasa sihemwasalia Yeisu koina. ³¹ Koinega Yeisu itauyama nimana igiyahi ya, ma ilisihetoholoya, ina bwalayhiyahi igumwala, ma ihekale ma taunamo weyaina ipaisewa. ³² Nikatu kasinuhanuha, ma sinala isosopu, tolekwasaho ma wete hikahikaho (dimons) koidia imiami sitauwedima Yeisu koina. ³³ Senaho maibweyadi si hegogonama hanuwa kana kahwa koina. ³⁴ Yeisu mali lekwasa, mali lekwasa igihe bwebweyanidiya ma wete hikahikaho (dimons) iula hapwesediya, ma Yeisu igeya itagwtagwala ma yaluyalua galana sigwagwae weyaina Yeisu nikatu si mwalatoniya. ³⁵ Gonagona gidalina, kabwa mala guguoina, Yeisu i keno toholowa, ikebesinedia ma itauya mwatuidaita ma ilosidasida. ³⁶ Saimoni ma kiyanaho yeisu si kebeseya. ³⁷ Silobeya ma sihegwaeya, tomota yahudi si kebekebesego. ³⁸ I gwaeya tahapwesa kasaho koidiya ma wete kasaho selabediya ma koidiya ya guguya. Tauna yeyaina ya tauyama kebwa. ³⁹ I hapwesa Galili senanaho mabwaiyana koidiya. Ma kebe delihegogona koina i guguya ma yaluyaluwa baibailidi iulaulahapwesedi. ⁴⁰ Tolepelo kaigeda i tauyama yeisu koina, i kae tulasa ma i sida Yeisu koina, Igwaeya koina kemi u tagwala sawesawena u gihe kesasega. ⁴¹ Yeisu i hekatehuyahuya ma nimana i loyasiya ma i gitohoya, taugu yatagwala, u kesasago. ⁴² Lomaniniyega lepelo i kebesineya ma i kesaseya . ⁴³ Yeisu hemataluwa waiwaina i kebwaeya ma i hetuneya. ⁴⁴ Yeisu i gwaeya koina, 'unuwakikisi igekabwa taiya u hehegwae ma u tatauya uhegwesenaego totaliya koina, u hegwesenaego kabwanene nikatu kubwebweyana gidemusa mosese iloinaeya, kuhemwasala hapwesa. ⁴⁵ Koinaga i hapwesa ma tomota koidiya i hemwahemwasala dadana koinega Yeisu i geya kanalobweine ma i lulugu kasa solana. Koinega Yeisu i miyadumaduma ma tomota si tauyama koina sena yahuyahuna koidiyega.