¹ Yerusaremi' beti maira' eremi', Betfake ba' Betani' ade', Orivi' anura', maira' Yisasi kankan beni eyo varan banta kan orino van ma'asemi. ² Seti' ma varuna ena akhempa barura orono. Maira ma orivinte onano , mana ida amanina kumamen orikhein donki bamino. Mai donki na' utufeya sevaipa avire ereno. ³ Mana ano ma, siyaken, para ma'antiya fono ma sintiya ma'a seva tiameno. Kakan mano yoran daken mi sikha uno va tesiameno. Tana'ara doran maden overe'nen siantan temino va teno. ⁴ Beti maira oman ona'kan donki ayanan kuadan ma' onafin barura barei'kan beti maira' utufem mino. ⁵ Mana'a khayo maira' mantakharen ma'asen maikan na tiyan nai'na sisa ire'kan ono vara mai donki utufiyanta fono. ⁶ Ma'a sikan bekan evare'ne Yisasi ma sein baya mai nani banta siamkan ifain aviren eremino. ⁷ Maira kan eyo varan banta donki baren Yisasi vaipa eriven be'tini ona mai donki amanina uvi'dan Yisasi un kumamen oremino. ⁸ Kokhon nanin banta beni ona asa uvisiyakan, inka', mana'a ano ya ana tikaren uvikaren mino. ⁹ Nare ma oriya'ein kayo va' inka bema ma oriyain kayo va' ano oriyaken ovaren ma'asemi. Avi dani' ono, avaba ino,Tiyarafenun avika' eriyan mino. ¹⁰ Avaba' ino, inaru yafisin setin tifo'e Devitin mi, ben avi' kakanta' aman dani ono. ¹¹ Maira' Yisasi Yerusaremi odiven, inka' mono' namun oman mino' dana' onen eukukhare mino. Onan inupasi i'kan, beni siyan mikan mifo kankan eyo varan banta kayo va' beti' Betani orikharen mi'. ¹² Ena' damu' Betani ke' beti evere'nen eriyai'kan be'in arafan pureinpin, ¹³ Onan mana'a entapa' fiki ya antun ba'kan bei' mira' a'de aran intan nainan oriven ona'kan ida inteinpin, ¹⁴ Bei' maivan ma'asemi', i'da manano empinte nan aran barantemino siyakan beni eyo varan banta khayo inen mino. ¹⁵ Maira beti' ankan Yerusaremi eriven bei' mono namunpin odi kharemi'. O'diven ona' kan maifin duna ma' urara ma' kaudiyan bariyan ma siya'ein kayo avakurin orera iyan inka' moni bain kara' ba 'nun ta'ma yafisin kayo i kumanin kara' do vanae mino. ¹⁶ Mira bei' ida'e si'kan mono namunpin ma amiyan baran tiya'ein avu'ava baren orera emino. ¹⁷ Bei' beankan ani' iyanken ma'asemi', bompom pin sama'dan baya ano sikhemino. Senti ma'aun ma vain miyo , mino bara ukhein kanai amu' makha namun, mifo sireti made ya mana umoyan namun andiya ono. ¹⁸ Maira' mono doran a'no banta khayo va', inka man baya uvaran banta khayo va' ano bei' ma siyai baya ini'den mai ve'in arin aa yosikharen mino. ¹⁹ Mira' inupasi i'kan beti' baru me ampen ore mino. ²⁰ Beti ena akura' oriyan mai fiki ya ana ona'kan mino' ana rake' eraven anon kau va', inka' aru' ba' kafukare mino. ²¹ Pita ovaren ini yaken ma'asemi', Aru' soe [Rabbi], onano, ema sian namu eona ya ana khafu remino. ²² Yisasi everen betin tiamiyaken ma'asemi', Tiyarafenu tasa' mumunan ono. ²³ Ma fura vaya sireti anka tian amenuno, iye ano tiyake' anuyon oe ee anka'bore unonpin orono, ma sesin bei' maira' ida khan arasi' intemifo bei' ma sikheini eya ma'aintene siyake mumunan ono, mai Tiyarafenu ma'ainte iseyo. ²⁴ Ma'antukhein nami tei' siretin tiameruno, e'ma mino dana amukiya inantin tefono, mumunan na ono, inka manta ono, mai iyo enina ino. ²⁵ Ema emantave amukiyan tefono, ena khayo va intesa ukha'in tefo ampian tano, mai anaiyo en afo'e inarufa ma vain mano siyaken eni ume aru'antan temino. [ ²⁶ ] ²⁷ Evere'nen beti' ankan Yerusaremi eriven, Yisasi mono namunpin ori'kan mono doran a'non banta khayo va', inka' man baya uvaran banta khayo va' ena mono banta khayo ano be vaipa' eremino. ²⁸ Be'i nan ma'asen beti ankan mano semi, inte'a akona rasa' e'i ma'antiya fono. Iye ano mai akona amikha fono. ²⁹ Yisasi veankan nan ma'a semi', sireti anka mana inain inaonte uno. Se'in tisime sira' inka' anona siretin tiameno, intea' akona rasa' ma'antiya rafuno. ³⁰ Yonini nompe' antane, mai maen inarufake safino a'a banta ano fino, tisi meno. ³¹ Betiyan sen ine iyaken temi', seti ma siya' inarufake' ino ma sekun, be'i ma'ami sintemi', mai farae tire ya' i'da be'inta' mumunan iyafono. ³² Ifo, seti' ma siya' banta ano ino ma sekun beti' ankan banta nasi van peran kayo ino sintemi', mai farafi, kokhon nanin banta ma mumunan iyain Yoni mae mi mana sakhanampa vanta ino ten ini yami'. ³³ Maira beanka Yisasi everen tiamiyaken ma'asemi, seti ida afova' ukheruno. Ma'a sikan Yisasi ma'asen betin evere'ne tiamemi', tei yere i'da sian amente uno iyeni akona rasa' ma'an tiya rakuno.