¹ Yisu gakayak i 12- pla garam ragia gayang gan giba gampururun, ka gikab bumurr raham wat kurinai i yahukis marapayam mais ka yamari rini mais suaus suaus. ² Ka i gikab kurinai gihan i yani harab i Anutu Kingdom gan ka i yamari rinimais suaus-suaus. ³ Ka i nungk gini wat kurinai gisunani, "Agam wangkit i kua wah mangan wat agam, i gubuak agam han ayang. ⁴ Agam wangkit i kua hayak sakuak gan o nam ka wah gagarr ayang santan agam gam. I gubuak agam hakas parat mangan ka ha wasak i tagurr mangan, agam wampai tagurr arunanai nasangk agam kit igin, ka yaha parat mangan. ⁵ Ka ini garam-sagat i parat mangan mami mami kab nuguan i ku agam. Ingka agam wankit i parat arunanai ka wahan. Ingka gubuak agam gini han ayang, agam wayas pamput sib i hagan agam gam. Ka kurinai wayant yararab yasunani, "Kurinai kurinai gigab barabin i kandaham kurinai nang ayang ." ⁶ Ingka garam ragia-gayang gingkit i Yisu ka giha wasak i para-parat, ka gikab hup-mimungk ka gimari garam sagat rini-mais i para-parat. ⁷ Herot, nanai garam nungk ayang distrik Galili gan, nanai gayangu wah-mangan santan Yisu nang ayang. Ka i wayant giyas i ausa, kuri hiruk ginia Jon baptais gan gamunti zua sibi i mamp ayang. ⁸ Ka hiruk ginia, Elaisa gikas pisit zua, ka kuri hiruk ginia, kuri profet mamuan gitak hirun sib i bumpui zua. ⁹ Ka Herot gini gisunani, " Zii nungk gitip Jon kuan sib, ingka garam arunanai wiyaga, ka zii gayangu hup i gan nang wah suaus-suaus?" Ka Herot gini yararab ayang. ¹⁰ Kuri Aposel rugiba zua, ka kurinai gini Yisu i wah-mangan kurinai nang ayang sib. Ka Yisu giku kuri Aposel wat rungan,ka kurinai giguap in giha taun mangan. Taun arunanai bingan gan Betsaida. ¹¹ Ina garam sagat santan rugayangu gisu Yisu giha Betsaida, ka kurinai garagia. Yisu ma sampan mimungk gisu, kurinai ragia gayang amuk, ka i gini hup harab i Anutu kingdom gan wat kurinai. Ka i gimari garam-sagat rini-mais. ¹² Hira rugiba, ka kuri 12-pla garam ragia gayang giba Yisu ka gini wat gisunani, ": garam miya i parat agi mpai yah gani ganai. Gisunanai ka agu yakab garam-sagat yaha para-parat mpai simpingk, ka kurinai yaguri tagurr giank ayah, ka yagarrwi nam awa." ¹³ Ina Yisu gasuntai i hup gisunani, " Agam yakab nam wat kurinai." Ka kuri ragia gayang ginia, " Agai gigab 5-pela bret ka bipi hirukangkua tak, ka i yasangk garam-sagat sibagai ya baim nam i yasangk santan sib." ¹⁴ Kurinai gini hup arunanai i ausa guzun garam gan tak giha simpingk gisu 5,000. Ka Yisu gini wat kuri garam-ragia-gayang gan, "wampuru 50 garam-sagat ka nakab i nampai grup manga-mangan. ¹⁵ Ka kurinai ginang gisu Yisu niya gayang. ¹⁶ Yisu giku 5-pela bret anai ka bipi hirukangkua ka garantab ganhungkun ka giyu. I giyu gisah ka garumpu kuti-kutik bret wat bipi, ka gikab wat garam-ragia-gayang i yakab wat wat garam-sagat. ¹⁷ Kurinai sib gigan kagihuank nizun. Ka kurinai gampuru nam hiruk ka gikahung i 12-pela basket. ¹⁸ I gubuak mangan Yisu rumbis giha giyu, ka kuri garam-ragia-gayang wat gimpai . I gikantui gin gisunani, "Garam sagat gini zii wiya? ¹⁹ Ka garam-ragia-gayang gisuntai i hup gisunani, " Hiruk ginia agu Jon mpururub gan, ka hiruk gini agu Elaisa, ka kuri hiruk gini, agu profet mangan mamuan gan gitak hirun zua." ²⁰ Ka Yisu gikantui garam-ragia-gayang gisunani, " Ina agam rungam gini zii wiya?" Pita gisuntai i hup, " Agu Kirisi Anutu gariak gan yampai maratak yasu karunai tak." ²¹ Yisu gini hup bumurr i kurinai mayani wat kuri hiruk i hup aru nanai amuk. ²² I gini wat kurinai, " Garam gariak gan yabariang barabin, garam guzun ka garam guzun pris ka garam wayant yasayang kurinai gan ma yakab nuguan igin ka yazagarigin. Ka kurinai yayas i yamamp ayang,ina kirikian i gan gubuak hirukankua-basinta yatak hirun zua." ²³ Yisu nungk gini kurinai gisunani, " Ini garam mangan gini ya ragi zii, nanai yakab nuguan gan yaruk ayang, ka yabariang gai pariruan gan, ka yaragi zii i gubuak basita-sinta. ²⁴ I ausa, ini garam mangan gini yagab ganun gan,ganun gan yangan miya. Ina ini mangan mpak i ganun gan i zii bingan gangk zii, i yaku ganun mimungk yampai gubuak bampampiarr ayang. ²⁵ Aus mimungk yakas ayang, ini garam mangan puru wah manga-mangan santan kintamp ani gan sib ka ganun gan giha rampan? ²⁶ Ini garam mangan rinimaik i zii bingan gangk ka zii hup gangk. Garm gariak gan yangan rinimaik i garam arunanai, gubuak i ba zua i glori gan,ka glory ramangk gan na i holi hangira. ²⁷ Ina zii gini nizun wat agam, agam hiruk gam mayamanp ayang, ka agam yararab Anutu kingdom gan." ²⁸ 8-pela gubuak tamurr i Yisu gini hup arunanai, i giku Pita, Jon wat Jems ka kurinai giha hahuan i ngaring i yayu gayang. ²⁹ Gubuak i ruyu gayang, ka maran gan giha mangan, ka raik gan giha sap nizun. ³⁰ Garam hirukangkua wat rugini hup, nanai Moses wat Elaisa. ³¹ Hirukangkua ganai gikas wat Anutu glori gan, ka hirukangkua ganai rugini hup wat Yisu i yangkit i kintamp ka yahan ayang. Wah arunanai yakas Jerusalem. ³² Pita wat garam ragia gayang hirukangkua rugigiangk, ka gubuak kurinai tak hirun, kurinai girarab Yisu glori gan ka garam hirukangkua wat mungti gayang. ³³ Ka gubuak hirukangkua ganai gini yangkit i Yisu ka han ayang, Pita gini wat Yisu, "Kidungwaga,nanai mimungk i agi ba nani,agi yasuang tagurr hirukangkua-basinta,agu gam mangan,mangan Moses gan ka mangan Elaisa gan." Ina Pita ma wayant girarab hup suaus i niya ayang amuk. ³⁴ Gubuak Pita rugini hup,gabaga giba hahuan i kurinai. Kurinai giguan nizun, gubuak gabaga gahangka kurunai. ³⁵ Ka garat mangan wasak i gabaga gini gisunani, "Karunani zii gariak gangk. Zii gikab giini yagab zii gum gangk, gisunanai ka agam wa yangu i hup gan." ³⁶ Gubuak garat arunanai gini hup sah ayang,kuri garam-ragia-gayang hirukangkua basinta girarab Yisu rumbis munti gayang. Kurinai gisanting garat gan ka ma gini harab wat garam mangan i wah kurinai rarab ayang amuk. ³⁷ Huguan mangan sahayang, Yisu wat garam-ragia-gayang ginkiti naring in giha buamp, ka garam sagat santan kurinai gibai gin. ³⁸ Garam mangan wasak i garam sagat santan anai gikayak bumur in giniya,"kidungwaga, we-e-eh wamari zii gariak angk, zii gariak angk basinta arumangan anai. ³⁹ gubuak marapayam mais baigin, ruikayak munkamukak. Ka marapaya mais gikabi tatarat-tarat mais ka gahuru sap gihuangk imuan. Marapayam mais arunanai giwaya i rinin kitamp, kama gini yakiti gin amuk. ⁴⁰ Gisu nanai ina zii gi kantui agu garam gam ragi agua i kurinai yasiti marapayam mais, ina kurinai ma gisank amuk." ⁴¹ Yisu gikab hup gihan gisu ni," agam garam sagat mami kab sampan, ina agam wayant am ma gimi mimunk amuk. Gubuak hurahwa zii ruyampai wat agam in ruya bariang agam barabin nani ga? In a Yisu giniwat gariak wa raman, "waku gariak gam waba nani gin." ⁴² Gubuak gariak ba simpink bi Yisu, marapayam mais girim gariak wa wabi kitamp in gikabi tatara-tarat bumur. Ina Yisu gini hup ragiab wat marapaiam mais gingkiti gin ka gariak gimpai mimungk. Ina Yisu gikab gariak giha raman gan tua. ⁴³ Garam sagat girarab Anutu bumur an, ka kurinai gikutamirun. gubuak kurinai wayant ruyas runi hua-manga-mangan Yisu kab ipisit, sigias giniwat garam gan ragia gayang gisunani, ⁴⁴ "Agam wayangu simpim, garam yakab garam gariak an i garam sumais bangkian gan." ⁴⁵ ka garam ragia gayang ma maran i rarab hup hugun gan amuk. I hausa, hup arunani rugiguap i kurinai. Ina kurinai giguan i nakantui Yisu i hup arunani hugun gan. ⁴⁶ Gubuak hiruk tamur ayang gan ka garam-ragia-gayang gan gini run wasak i kurinai rungan i wiya nasu garam nungk ayang a. ⁴⁷ Ina Yisu rugirarab i wayant kurinai gan. Ka i giku gariak narun mangan giba simpingk bigin, ⁴⁸ ka i gini wat garam-ragia-gayang gisunani, "Ini garam mangan ku gariak arunani i zii bingan gangk, nanai giku izii. Ka wiya giku zii, nanai giku wiya gasi zii bagayang. Garam bingan miya gimpai narun wasak i agam santan, yampai hahuan basinta. ⁴⁹ Jon giyangu Yisu hup gan ka i gisuntai i hup gisunani, "kidungwaga, agai girarab garam mangan gihukis marapayam mais i agu bingan gam, ka giniya i yankit igin i ausa nanai ma kuri mangan agai gangk amuk." ⁵⁰ Ina Yisu gini wat gisunani, " Agam wangkit i niya gayang i yarit igin amuk, mangan mami sumais i agua nanai agam mangan gam anai." ⁵¹ Gubuak giba simpingk i Anutu yaku sigias yaha gan-hungkun. Gisunanai ka i gitip wayant i yaha Jerusalem. ⁵² Ka inungk gigasi kuri i yaku hup yanungk ayang i parat mangan Samaria gan i yamari i wah mangan gan. ⁵³ Ina kuri Samaria ma gikab nuguan i Yisu i yaba kurinai parat gan amuk, i ausa kurinai girarab gisu Yisu gikab nuguan raham i yaha Jerusalem. ⁵⁴ Gubuak garam-ragia-gayang hirukangkua, Jems wat Jon giyangu hup arunanai,hirukangkua ganai giniya, "Garam Raham, agu nuguan i agai yakantui Anutu i yagasi zarr i gan-hungkun ruk ayang, ka nakati kuri arunanai,a? ⁵⁵ Ina Yisu ginik giha kurinai ka gini hup bumurr i kurinai nagkit i ni hup sukaus arunannai. ⁵⁶ Ka kurinai gingkit i parat arunanai ka giha parat mangan. ⁵⁷ Yisu wat garam-ragia-gayang gan rugibanu kandaham, ka mangan gini gisunani Yisu, "Ziii yaragi agua i mungka-mungkak agu han ayang." ⁵⁸ Yisu gini wat gisunani, "Kiam parat gan giangk ayah, ka gaziab awa gigab tagurr gan, ina garan gariak gan parat gan kab guzun gan miya." ⁵⁹ Ka Yisu gini wat garam mangan gisunani, "Waba waragi zii." Ina garam arunanai giniya, "Garam raham , zii naha natihun ramangk gangk marasamub in." ⁶⁰ Ina Yisu gini wat, "Wakab garam mamp ayang natihun garam mamp ayang. Ina agua,wahan ka wani Anutu kingdom gan harab i mugka-mungkak." ⁶¹ Ga5ram mangan zua giniya, "Zii yaragi agua, Garam Raham, ina zii naha nani gutbai wat zii ramangk-rinangk gangk,inian-gariak gangk marasamub hin." ⁶² Yisu gasuntai gin i hup gisunani, "Garam wiya gigab stia ka rarab giha kirikian, garam arunanai ma yagab gum Anutu kingdom gan amuk.