¹ Garam santan ginungk gihahar gum mimungk mi wasak i agi. ² Kurinai ginungk gaguria i maran gan i wa mangamangan nanai nungk kas ayang marasamub. Garam aus arunanai garam guzun Anutu gan, hin kurinai gikab gagaik anai wat agai. ³ Gisunanai hin zi ginang gum i yaguri simpim, i gagaik anai hugun gan hin zi yahahar simpim gisu nungk kas wah marasamub, hin zi yakab wat agam kuri garam mimungk Tiofilas. ⁴ Zi ginang gisunanai i agu yaku wayant mimungk i wa mangamangan agu nang ayang anai, nanai nizun bingan. ⁵ Gubuak Herot an mpai King Judia gan, pris basinta gimpai bingan gan Sakaraia, kuri Abaisa gan. Ingian gan bingan gan Elisabet hin a kuri gan Eron. ⁶ Kurinai garagia hup Anutu gan, hin kurinai gimpai mimungk i Anutu maran gan. ⁷ Kurinai gariak an mia i ausa, Elisabet ma gikab gariak amuk. Hin kurinai ru gimugui. ⁸ Huguan mangan kuri Sakaraia gan giha ginang gum pris, hin Sakarai gua giha ginang gum pris i Anutu maran gan. ⁹ Kurinai gipaip satu gini yaguria wia pris nizun a yakatang yaha Ramangk tagur an hin yakati wa mangamangan kab guin mimungk. Hin a i nangku raham arunanai tak kurinai gikab Sakaraia. ¹⁰ Ingka Sakaraia gikati wa mangamangan i yakab guin mimungk, garam sagat santan giba gimpai tagur masiahuan Garam Raham gan hin giyu. ¹¹ Ingka hangira Garam Raham gan gikas in gimunti bangkian yami alta ganai an, yangan yakab zah guhin mimunk. ¹² Sakaraia giguria hangira, ingka gikutumirun in guan ayang raham giba ya. ¹³ Ingka hangira gini wat, "Sakaraia, wangkit i guan ayang, i ausa Anutu giyangwa agu yiu gayang gam. Agu hingyan gam Elisabet yakab gariak marub mangan. In agu yani i bingan gan Jon. ¹⁴ Agu sampam gam nami mimunk arumangan,in garam sagat santan aua yasaikamp i gariyak kasayang. ¹⁵ I ausa, yaku bingan raham i Anutu maran gan. Ma ginum wain o pui bumurr ,yahuwank i rinan gan i mpai rinan gan sampan. ¹⁶ Yakab garam sagat santan Israel yatirak mais kurinai gan in yaragi Anutu. ¹⁷ Bumurr gan gisu profet Elaisa in yanunk i Ramank. Yakab Raman wat Gariak yampai sampan basinta, in yakab garam sagat ring hayang i hup Anutu gan, yaku wayant mimunk in nanang mimunk yasu garam sagat mimunk. Yakab garam sagat yampai yaharui Ramank bagayang gan." ¹⁸ Sakaraia gini wat hangira, "Gisu ausa gin a izii wayant yayurr hup agu niya gayang anai yangan nizun a? Izii tugi mugui in izii hinian gank aua tugi mugui." ¹⁹ Hangira gisuntai gin i hupan ubwa zua, Izii Gabriel, zii garam munti Anutu maran gan. In zii giba i yani hup mimunk wat agua. ²⁰ Hup izii gini wat agua yangan yakas ayang i Anutu gubuak gan kab ayang, in agu ma gikab sampan i hup zii niya gayang anai amuk. Gisunanai in agu yangan mubaba agu ma yani hup amuk, yasank agu gariak gam yakas ayang." ²¹ Garam sagat giharui Sakaraia bampampiar i yakas yaba pisit i Garam Raham tagur an. Hin kurinai wayant rugarugan i ausa, gimpai bampampiar i tagur wasak. ²² Gingan Sakaraia gikas giba hin ma giba gini hup wat kurinai amuk i ausa, muan barabin. Giba gin gahangkai bangkian tak i wa mangamangan kas ayang anai. Hin garam sagat ginibi guri sint i mpai tagur wasak Garam Raham gan. ²³ Gubuak Sakaraia nang gum pris i Garam Raham tagur an gisa hin giha i tagur an zua. ²⁴ Gingan huguan mangan wah manga-mangan anai gikas, hinian Elisabet ku sampan i ikap 5pla giguap angku tak. ²⁵ Elisabet hiniah, "Ramank sampan nhu i zii in gikab zii sampan gisunanai i yakuis rinimaik i zii i garam sagat maran gan." ²⁶ I ikap 6pla Elisabet gisu sampan, Anutu gigasi hangira Gabrel giha taun Nasaret, taun anai gimi taun raham Galili. ²⁷ Gihan ini yani hup wat sagat inam mangan kuri maran rarab ayang i yahai Josep, kuri King Devit han. In kurihinam anai bingan gan Maria. ²⁸ Ingka hangira gihai i Maria in ginia, "Gubuak, Anutu gimpai wat agua in ginang mimunk i agua in gimari agua." ²⁹ In Maria wayant ruga-rugan, hup suaus anai ah Maria giyangua. ³⁰ Hangira gini wat, "Nangkit i guan ayang, Maria, Anutu sampan mimunk i agua. ³¹ Agu yaku sampan in yaku gariak marub mangan, in wani i bingan gan "Yisu." ³² Yampai yasu Garam Raham, hin kuri yani gariak Anutu gan wagunk nizun. In yasu rumpun gan Devit. ³³ Yampai yasu King i Jekop kuri gan han ayang. In ma ya zugub ayang amuk." ³⁴ Hin Maria gini wat angira gisu ni, "Wa mangamangan anai yakas yasu angka, zi kurihinam hin zi ma wat garam giangk ayang amuk?" ³⁵ Angira gisungkai hup hin gini wat, "Marapayam yaba i agua hin bumur Anutu gan yampu agu sib. Hin gariak agu kua gayang, yampai pisit hin kuri yani gariak Anutu gan." ³⁶ Wayangua, agu gayang gam Elisabet tugimugui, ingka yangan sampan hin yaku gariak marub. Tugimpai ikap 6-pla, sagat arunai garam sagat ginibi ma yaku gariak amuk. ³⁷ Wa mangamangan gan, "ma barabin i Anutu nang ayang amuk." ³⁸ Maria ginia, "Ingka, zi sagat guzun Garam Raham gan, wakab i nakas izi yasu agu nia gayang." Ingka angira gizagari gin hin gihan. ³⁹ Ingka i hanayang gan arunanai, Maria gimunti hin gihan gahigun i parat ngaring i taun raham Judia. ⁴⁰ Ingka giha gikas i taun raham Judia, gihai Sakaraia tagur an hin gini gubuak wat Elisabet. ⁴¹ Gariak gikatuab Elisabet sampan gan, Elisabet giyangua gubuak Maria nia gayang. Marapayam giwangk i Elisabet, hin gisapi Anutu bingan gan. ⁴² Gikumpai kayak ayang in ginia, "Anutu yamar i agua, yakab mimunk wat agua yanus mimunk kab wat sagat hiruk, in yamari agua gariak kua gayang. ⁴³ Izii wiyah in Garam Raham rinan gan giba izii. ⁴⁴ Wayangua, gariak giyank zii sampank gikatuab i yangu agu ni gubuak. ⁴⁵ Waku sanpan mimunk i ausa, agu gikab sampan i wah mangan Garam Raham ni wat agua yaks nizun." ⁴⁶ Maria ginia, "Zii ganun gank sampan gank gisapi Anutu bingan gan. ⁴⁷ In izii ganun gank sampan mimunk nizun i Anutu mari izii. ⁴⁸ Zii sagat gab a gum mangan ka zii bingan gank miya, ina ma maran gisim izii gamuk. I karunani hanayang gan ka yaha huguan mangan gan, kuri yania, Anutu gimari zii ka gikab bangkian izii. ⁴⁹ I ausa Anutu bumur gan raham in ginang wah mangan i zii i bingan gan. ⁵⁰ Anutu gikab sampan i garam kab rungan ruk ayang, in mpai ragurun igin. In gikab sampan i garam sagat karunani gan, wat garam sagat ba tamur ayang aua. ⁵¹ Bankian gan aua bumur. Gisank i yatihub garamgaram sagat kab bingan gan yab ayang. ⁵² Nanai gisangk yakuhis garam su King i kurinai sia gan,ina gimari garam sagat garam ni mais igin. ⁵³ In gikab ganang-kiruak mimunk wat garam sagat mpai marimp, ina gahukis garam rusuak i i ku sakuak gihan, ka ma gikab wah mangan wat kurinai amuk. ⁵⁴ Gimari kuri Israil, garam sagat an gab i gum gan. ⁵⁵ Gubuak mamuan, nungk gini hup i yamari kurinai. Gisunanai hin giragia hup an ru nia gayang anai, hin gikab sampan i Abraham wat gariak was an kab ayang i sampan gan wat karuni ka i gubuak mangan awah. ⁵⁶ Maria gimpai ikap irukangkua basinta wat Elisabet, ingka gingkiti gin hin giha parat an zua. ⁵⁷ Gubuak Elisabet an i yaku gariak hin gikab gariak marub. ⁵⁸ Elisabet nirunirungk an iruk wat gayan was an giyangua gisu ni, Garam Raham gimari gin hin kurinai sampan mimungk i Elisabet. ⁵⁹ I gubuak 8, kurinai giku gariak gihan i yagumam i rinim. Garam sagat wia nungk wangk ayang i gubuak karunanai, gini yakab bingan Sakaraia i gariak karunai i yasu ramangk an harangan gan. ⁶⁰ Ingka gariak karunai rinangk an ginia "Mia, bingan gan, Jon." ⁶¹ Hin kurinai gini wat, "I agam buik am bingan aru Jon ni mia." ⁶² Kurinai gini hup hin gakangkai bangkian wat i ramangk gan, hin gakantui gin i bingan ausa i yakab i gariak gan. ⁶³ Hin gini wat kurinai yakab wa mangan i yahahar yah. Ingka kurinai gikab wat, gihahar gisu ni, "Gariak bingan gan Jon." Kurinai girarab hin gakutamirun. ⁶⁴ Gahigut arutak, Sakaraia garat gizah hin gini hup zua hin gisapi Anutu bingan. ⁶⁵ Kuri mpai simpingk, gakutamirun i wa mangamangan Anutu nang i Sakaraia. Kurinai giha gini wat kuri hiruk i wa mangamangan rarab ayang, hin hup karunai gizarang giha parat ngaring Judia gan. ⁶⁶ Kuri wia yangu hup arunai, kurinai gigab raguan i sampan gan hin ginia, "Ausa yakas i gariak aru gabu, i gubuak suraham gan?" I ausa Anutu bangkian gan gimi yah. ⁶⁷ Marapayam gimi i Sakaraia hin gipis nan gisu profet hin ginia, ⁶⁸ "Nasapi Garam Raham bingan gan, Anutu Israil an. I giba gini yakab agai garam sagat gan yampai pisit." ⁶⁹ Gikab kuri mangan i King Devit kuri gan giba i agai, hin bumur an yakab agai yampai mimungk. ⁷⁰ Profet Anutu gan nungk gini hup ram ayang i wa mangan anai yakas ayang. ⁷¹ Yaku agi pias i garam mais bangkian gan, wat garam bangkian gan nang mais i agi. ⁷² Ginang gisu nanai i aus gikab sampan i agi rumpungk gangk hin maran gihuar hup nahu an, ⁷³ nungk nang ayang wat agi ramangk gangk Abraham. ⁷⁴ Anutu nungk gikab hup nahu i yaku agi pias i bangkian bumur kitamp hin wangkiti guan ayang i ismint i gin, ⁷⁵ I mimungk arumangan i gin i agi mpaiyang gangk. ⁷⁶ Hin agua gariak izi gangk, yangan kuri yani agu maran Anutu gan wagungk nizun. Agu yanungk i Garam Raham hin yariri nangkuraham gan, wat garam sagat bagayang gan. ⁷⁷ Hin agu yani wat garam sagat yasu nani, Anutu gini yasiat kurinai mais an hin giku kurinai zua. ⁷⁸ Anutu marampi gan i kurinai, hin yakab gubuak gan i yaba buamp i yamari agai, ⁷⁹ hin yakab gubuak wat garam mpai kamikuan wat garam mpai butua wat mamp ayang. Hin agi yabanua i nankuraham sampan nu ayang." ⁸⁰ Gingan gariak gisu raham hin ganun gan giku bumur. Giha gimpai parat mangan garam mami mpai yah, gimpai gisangk gubuak an pis nan wat kuri Israil gikas.