¹ O gala tia alo , awiri ko motam memek ka maguvram ? awuk , Jisas Kraist tam kangno te kueram mu me ninga kasurman e ? ² Am evere nengeta keak ko , Holi Spirit taman mu , awuk Moses ko lo ko kaora ko munan te agi Jisas Kraist ko den ikiman le nengemang ningi nunguning aram se ? ³ Awuk ngualsan e ? Bur ningi duap beteman le guang te minawuman e ? ⁴ Ikup yeman tawun biga giman , mu am yipi ko e ? ⁵ Buta se o Bur laili nengeram le ko sokel te ninga sangaruk kaso mu Moses ko lo karowra ko dun te agi nangaman ningi nunguning ko kiwem te e ? ⁶ ta Abram Kaem ko gomang ningi nunguning aram se Kaem ko balam le kari diram ko balam , ⁷ Se huwuta , aviria gomang ningi nunguning aso humu nu Abraham ko namar ari . ⁸ Den laili mungla ariga wetang beteram sor awar ko karimet mu nongomang nunguning te Kaem munan diram ko karimet ko artamon ko balem . den nirung ninge mu wulengkla Abraham kam mi te sor rang ko karimet nunga ningo nungumik aruk ko . ⁹ Buta se awira gomang ningi nungining mu nu Abraham ilak marak ningo karo . ¹⁰ Awiria Moses ko lo am karowoso mu ko yukup arioko , mu awuk batoga iwita baluwoso , karimet melsak suenla lo ko buk ningi baluwoso mu me lilim la karo tuok , mu ko yukup ariok ko . ¹¹ Aitak imi wetang te , kaem , kakripbo lo karowra mu kari ningo ko me balso , bre kakrip nongmam ningi nungning te munan diram karowra wre . ¹² Lo mu nangamang ningi nunguning kote me tiram bre , awiria melsak lo baluwoso mu karo tuok mu sele ko marak ningo mu nako . ¹³ Kraist ko gue te anananga dia tam lo ko magara bowa bowa ningi tom anananga yukup giam , wore se den babo , auiria tam kangno te kueso mu am kari memek . ¹⁴ Ke duap mu iwita ningonuam o Abraham kote aniram mu Kraist Jisas kumik te o sor awar ko karimet nongote tairok ko , mu sele ana nangam ningi nunguning te Bur laili mu lanak ko . ¹⁵ Aga sikisaki , ani, ana ali ko karimet nanga betera kaura bre te ko ika koma suwan awusan,bo dun bo me kututworok agi me kunasuruk ko. ¹⁶ Aro, Kaim, Abraham lak den kaulam mu Abraham se ko tuagu te wre lak. Ko tuagu te ilimla me nunga balam,am "suwanta mam", mu Kraist ko balam! ¹⁷ Aro ani iwita balsam: Kaem ika Abraham lak kalo beteram, mu lo 430 yar biring ko nongoram mu, me kwim tam. ¹⁸ Nanga ningo Kaem balu nangaram mu lo ko dun te me nangimik aruk i, bre ika, giram Abraham lak kaolam se aniram bre awete. ¹⁹ Se, lo mu anape ko nangaram? Mu awuk, ana munan ningo suenla nunga kiaman, se tai laga, Abraham tuagu te mu tai artuk le nanga sanguk ko, Kaem mu engel nuguting te lo nangarak. ²⁰ Kari kusumri mu suen biga, bre Kaem mu suwanta. ²¹ Brese, awuk balnak, lo mu, Kaem ko ika giram le nangarak balu aruruwaram se aniso mu, me sangarso e ? Mena! Bre, lo mu bagara pempem me nangaruk, le munan ningo me nangaruk tala. ²² Den laili balso karimet suenla maga sapaman. Buta se,Kaem ko, nangamang ningi nunguning aruk, mu nanga giok o. ²³ Kraist me tairam la mu ana lo ko talipra ningi bangana, se nangamang ningi nunguning ko lage mu wetang aram. ²⁴ Butase, lo mu, kurang naura ko kiwem mu nanga nangimik te bitawaram, se nangamang guruga le Kaem motam te diram ko arta,lage mu tai artam. ²⁵ Se aitak, nangamang gurungman le lo ko biuta bowa ningi me bagasam. ²⁶ Se nina Jisas Kraist ko kurang ko artasan. Nina awiria yu bowa ningi kapaman mu nina Kraist yemel guang iwita ninimi laturman. ²⁷ Nina awiria yu bowa ningi kapaman mu nina Kraist yemel guang iwita ninimi te laturman. ²⁸ Butase kakirip bo Juda mena Grik mena, talipra ningi talipra mena, kari mena imes mena, nina suenla Jisas Kraist ningi, suwanta aman. ²⁹ Butase nina Kraist ko agi mu, nina Abraham ko kurang alo,Kaem Abraham ilak nanga ningo ko den kaolam mu anananga.