¹ Fotin yar biring ko ani aking Jerusalem namerem, Banabas se Taitus nongorak. ² Kaem namirik ko aga kausam se ani namarem. Se Jesus ko duap duga sor sang ko karimet nunga manaruwasam mu ko nunga manem, kari supuling karimet nunga giwara wre la nunga manem se ikiman, ani yipi me naguwasam, agi yipi me naguram. ³ Se tom mu Grik kurang kari Taitus mu ani agarak, bre ko kukura guang batagmon ko me sail tagiman, ⁴ le tom mu te kari kawel sang nunga beteman se taiman le ana Jisas ko karimet nanga tiguru wakasan. Se nengmon se kari ko bala ko talipra ningi baganak ko, ika bita kasan. ⁵ Den nangarak tagiwaman se kowar motam geregam, bre ana Jisas ko den nunguning te sanaman le nenenga ningo wre ko am karo kati maman. ⁶ Tom mu te, nunga bala, kari supuling ma mu bo me aga saongam. Nuna kari duap aguwaya mu ani nunga ko ika me aga moso. Kaem mu ,karimet nunga sikisaki terong ko nunga balsan, bre Kaem mu uwuta me nunga ikiwoso. ⁷ Bre, nuna aringman Ani mu Jisas ko den, Juda mena mu nunga manek ko, o Pita Jisas ko duap dugu Juda nunga manarso iwita. ⁸ Oworese, Kaem Pita ko ningi wura ilu Juda nunga sangarso huwutatla aninga ningi wura ilu sor awar nunga sangorsam. ⁹ Tom ariga sinar aninga ko mu nongote tairam, James,Kepas,John,nunga bala kari supuling ma, mu nuguting sengam mu nangarman, suwan ara ko munan te artaman, se ana wura ilu so awar nongote, se nuna wura ilu Juda nongote namomon ko. ¹⁰ Le karo nanga manorman, karimet mel ko tukunang wore nunga ko karo ika tanak ko, ika ani nigirik koaga ika te karo aniram. ¹¹ Tom cephas Antioch tairam mu ani moke pagem le ining tuem , ko betera memek bre ko . ¹² Uwuta maim ko duap mu , tom kari lo James nunga beteram se taiman mu me taiartaman kam mu te mu nu Juda mena mu nongrak na yu no koso .bre tom nuna taman mu nu nunga beteram le Juda nongrak na no koso . mu awuk nu nunga nguangram le , bre se ani ining tuem . ¹³ Juda bagaman mu ilim la Cephas karoman , se Barnabas eng karo la nunga kaoram . ¹⁴ Tom ani uwuta arigem mu ani ilimlanomoke Caphas manem , ni Juda bre tom ni sor sang nunga bagara aolak karo te nongrak baga ilup mu awukta ni nunga gurugu se Juda ko . ¹⁵ Ani awiria nanga bilangra te ana Juda ana sor awar ko mena . ¹⁶ Mu ana ikisin kakirip bo Moses ko lo kareso le kari diram ko me artaso bre Jisas Kraist ko gomang ningi nunguning aso bre diram .Ana Jisas Kraist ko nangamang ningi nunguning aram se karimet diram ningo ko artaman Moses ko lo karoman le mena , mu awuk kakirip bo Moses ko lo karok ta wre kari mu kaem moke te me dirmauk i , mena . ¹⁷ Tom ana kaem moke kupusan nanga sanguk se Kraist ko wura kowar ko nununing nangimil aruk ko tom mu te ana nanimi ko kisan ana Kaem motam te me terong , se mu awuk nekso se Kraist sin ko wura kari ko artaso e ? mu am mena . ¹⁸ Tom ani munan me aga sanguk ko mu ko ikam , le merem abiring tuem , bre aking ilu tagirek le am karo se bagirik ko nigirk . mu watang te ani kawel kari . ¹⁹ Lo ko dun te mu ani kuerem le Kaem ko dun te mu ani marak bagirik ko . ²⁰ Ani Kraist lak tam kangno te kuerem . aitak mu ani agata me marak bagasam , Kraist aninga ningi marak bagoso , se aninga bagara aolak aitak mu Kaem namar ko angamang ningi nunguning te , mu awuk nu aninga ko kua nanuwar le aninga ko kueram . ²¹ Kaem gamang nangaram mu melyam ko me bitirik ko , Moses ko lo kaura te diram ko artasan agi mu , Kraist mu ipi ko kueram iwita .