¹ Kwaziqmo ne God ago gunun itiyonad daq meqinta heresmo emsa ne gigo daq meqinta naqmo ne ginol eman ne giwaten God ameb tumoqim us. ² Kam nab ne og gunun haresmo muzinad ne bugaw meqinta kitab ulilb luwayta gigo afaqin na anad muzin yaqayatmo. Bugaw meqinta danmebta na ago zawzay awaz meqinta in mataw nan a hi huriyta na gigemab kabiy emad gibe yahsa in God aqez othasayta. ³ Kwaziqmo i bunmo nan a hi huritad ginad meqinta gwahtiqsa i muzmo muzinauqta. Muizinad i gihoimo i ginad wamuzsa i gigem kwaziqta naqmo ago adan muziniyauqta. I nazaq diq iyim ginenan gigemab hitiqan iyan God i ginan agem meqniyyaqta, in on mataw nan othqasayta bunmo ginan agem meqniyaqta nazaq. ⁴ Helmo i gigo daq meqinta naqmo i ginol eman i bilaqne mataw tumowta osw nog iyyauqta. ⁵ Teq God i ginan anad bilaqw naqmo hiqiysa in i ginan anad ayahmo meqniyyaq. Nazsaq iyan in Krais eman kayeq iyta nab in i giqeman i Krais inaq kayeq tiqiymo. Na God anadibmo agem dimuta negim in nazaq ne gilumsihim gwamta. ⁶ Ari i Krais inaq araqibmo kayeq tqiyan God in i Krais Yesus inaq gwazan tiqeraw. Eraqan in i giqeman i Krais aholib soqotim inaq ulilib Heven-ib tuqos nog iyauq. ⁷ God agem dimunta ayahmo igad in Krais Yesus ago kabiy naqmo amalib i mgilowan diq tonta. In anad abeb kam muturta nab in ayahmo i gidimun tonta na in on mataw bunmo giqishunnan haqad in nazaq amta. ⁸ Na in kazaq. God agem dimunta negan ne Krais anan helmo haqan in ne gilumsihim giwamta. Daq nawa na negmo gigo zawayib ne eman a h gwahtimta. Haiqgam. God anadimo samanmo ne gilumsihim giwamta. ⁹ teq ne giholtuw bulad kabiy daq dimdimunta emiyta na ago amenin in ne gilumsihim giwamta nazaq a haiqmo. Nazaq iyan mat araq inmo ahol abin wazid eraqdaqta adenteqin haiq tiqiy. ¹⁰ God-mo i giqeman i mataw mutur iyim osauqta. Iin ago kabiy daq dimdimunta emad luwam haqad in i giqeman i Krais Yesus aholib soqotim inaq toqosauq. God anad i in ago kabiy dimdimuntas na emad osamta haqadin kwaziqmo i gibinib kabiy na tuwastitayan usta. ¹¹ Ari ne on mataw uda a haiqta na ne ginad emiy. Ne gisesan gilulib gwawhtim ne in gigo maror aheqnib osad in ne gihol abatan asan urotayta . Ad in ne gibin wazan woqsa gignan bilaqay, Mataw gisan a hi urotayta haqay. Teq daq in gibenabmo eman gisanib gwahtiqaqta. ¹² Ad kwaziqmo ne Krais abin a hi hurit yaqayta na ne anadin emiymo. Kam nab ne Krais ago hib pesan diqmo os yaqayta. Osad ne Isrel gigo maror aduganib a hi os yaqay. Ad God in Isrel gisesan nenaq an adugan wazad in giwamuzeq gidimun tonan hel diqmo gibilesa ne asanban os yaqay. Nazaq iyan God teq ne gilumsihdaqta nazaq ne ginad a hi em yaqay. Sa God ne giholib hiqiyan ne og kab dante haresmo samanta muzad luw yaqay. ¹³ Kwaziqmo ne God ago hib pesanmo diq osiyta. Ari muran Krais moqan anedan womta na amalib God ne giqeman ne Krais Yesus inaq soqotim osad ne God agerabmo diq tuqosayta. ¹⁴ Na in kazaq. Juda mataw in mataw en ta asor Juda a haiqta nagan bunmo nenaq an geg ugayta. An ugsa daq na gigel tonan in gimi gimo iyim araqibmo a hi osayta. Teq inmo ahol anedan amalib gel na wolbiyayan mataw na gilikmanib bab usta na tihiqiy kbubg. hiqiy bugan Krais in mataw na na bunmo giwastonan in mataw en amulikmo tiqiyiy. ¹⁵ Krais i gimen ahol nog hulosta nab in God ago maror Moses bilamta na aduganib gunun amikamikta giqusta na gimuzan maror kwaziqta na akaman tihiqiy. IN nazaq emim in mataw en bunmo inmo aholib giwastonan in en muturta amulikmo tiqiyim in bab hulosad araqibmo tuqosay. ¹⁶ Na in kazaq. Krais in hol amalib on mataw en bunmo giwastonim in gigo ban wam. Waqan mataw ayib dom wolan in moqim on mataw na bunmo gibinib God inaq an anobun tuwastitayiy. In daq nazaq emim in mataw en bunmo gilikmanib an geg usta na wol eman tihiqiy. ¹⁷ Hiqiyan in ago kabibiy mataw giqeman in lehim bab tihiqiyta na agamukan ne mataw pesanmo osiyta na gibilenad in mataw sinsin osiyta na tigibileniymo. ¹⁸ Na ezaqgo Krais in i on mataw bunmo gimen date wastitayan muran God ago Bugaw amulik naqmo ibunmo gilusihsai araqibmo Gimam Iyah agerab loqauqta. ¹⁹ Nazaq iyan muran ne God ago maror asan ban iyim mataw begbegta og saw haresmo luw yaqayta nazaq ne a ta hi luway. Haiqgam. Ne God ago on mataw tawonta na bunmo nenaq araqibmo God ago maror aduganib tugwahtiqim ne in asenlulibmo diq tiqiyim osayta. ²⁰ Ne bilaqne God aholyon bit amta nazaq nog. Sa God Aposel teq in ago nantut nagan in bilaq ne tituq gan nog iysa God in gimalib ago bit na wazan tiqeraqaq. Sa Kraiks Yesus in bit na ago tituq liqab diq ta iyim in bit na anon bunmno tisoraq. ²¹ Sorsa bit na aditin bunmo Krais aholib soqitim ussa Ayahta Krais-mo in bit na ulum tutsa in ayah iyad God ago bit tawonta nog tiqiyaq. ²² Sa ne inaqmo krais Yesus ago hib soqotan in ne giwaqim Juda on mataw na nenaq girom tonan ne bunmo God ago bit in ago Bugaw Dimunta bo osaqta na tiqiyiy.