¹ Kokora, gite titamigu pagaisa ouka irari kekesi somai tamutou ira rogo ari auru ga pirivu somai. ² Irarova, mutou mori tsi rovi ta mae, arogo te auru ga gomai mae taro ra paka rira oia rarogo. ³ Arogo ari gite vararua veia, "tsibo kakara pou kokora arimori ouka masaukara ita tsi pou, "kokora oia rogo arei tsi mae tsie gabumuria tsivurara mae eia pigoe ruratu. Gitou e vararua garu gitou ari ere ira masaukara ouka. ⁴ Arimori mutou kakara e titamigu, mutou tsi gama pou oia masori kerira ira arogo arei tsi poropepe te mutou mae ta-aro ra pakarira itao. ⁵ Irarova, mutou tsi pou mae gitou e vaunini ra mamaga me vaunini ra rarogo. Tatou gama ruratu ra rarogo tomia masori. ⁶ Mae tatou gama nunauta mae gitaro-o. tatou ga raragi ira pou mae a ta-aro ari agabutarara kokora-o. ⁷ Ira rova, gitou aeri ari nanauta, gitou nanauta, oia rarogo, tomia aeri ari niniu-o, gitari niniu oia rarogo. ⁸ Arimori arogo ari tatou pou mae gitari tera rogo, arogo kakara tatou abia gabutarara ari kokora, matsi tatou ga tovoa airigo tera tautaurairo tomia airigo tera masagara oio te gitari bisau mae siot kapa. Tatou ga tovoa hetkapa mae rauru ga gomai abie tatou. ⁹ Irarova, Pago tsi ga igoe tatou tera abia tamusi temasi te tara, arimori tuagatou e Iesu eia tsi abirivue tatou. ¹⁰ Eia mori ea ta-aro ari peo ire tatou, tsi tatou ga pou mauri tomie eia, oia rogo ari tatou pou mauri o arogo ari tatou peo to-o. ¹¹ Mae ari, surie ita soio ta porora ga sautora vavagea tautau rairo ta porora, tomi mori mae mutou tsi ioigoa. ¹² Mitou tagie mutou e tatuagu, ira ino emi e gitari aeri ari ioigoa aigogoru kamuku kabiri tamutou, tomie gite muraruga tamutou oiro te rauru, gitou aeri ari rovia veimatata mutou. ¹³ Tai, mitou tsi tagie mutou ira ino emi soio te gitou arei,oiro ta airigo tera masagara, tera rova, gitou tsi igoa aigogoru. Mutou tsi gagi abia tamusi maigi kabiri ta mutou mori. ¹⁴ Mitou pepere vagari soio tamutou e tatuagu, a vaterira soio ta mutou e tauaro ari gama pou matata mago vei vagari ra tautau rairo soio te gitari gama vovo neneki, ga surie girari gama tuaka, ga igoa airigo maritao soio tegitou kakara. ¹⁵ Mutou gagi ino mae ita ouka oio tamutou ga kori rivua airigo bunu soio tegitou a porora ari igoa soio tamutou. Arimori, mutou gagi igoa tsibo ari kokora soio te ta-aro ita, soio te eari ta-a tomie gitari bisusau tai. ¹⁶ Mutou gagi momoge arogo toitomi. ¹⁷ Kaka arogo kakara. ¹⁸ Oioa totsibo kakara pepere kokora soio te taro kerira. Irarova, arei ge masaga ra te Pago soio tamutou igoa oiro te Iesu. ¹⁹ Umara igo roboa aigogoru te karurutabu. ²⁰ Umara tutou oia peperera te ata-aro ra veipara-ara. ²¹ Tovomuria totsibo. Sautorea atsibo ari neineki. ²² Pou abua oia tavovuro kakara ari bunu oioa rogo ari gari para. ²³ Pago tera tamusi maigi eia koramuri igoe mutou ga gari matata vau. Ge vurera, taumata, tomia vovo mutou gagi pou emi ge avura ouka tera rogo auru e Iesu ga pirivu somai. ²⁴ Ta-aro ari tore mutou ei eia pou raragi arogo toitomi, eia ga igoa tsibo arei ga gari. ²⁵ Gite tatuagu, kaka re mitou tai. ²⁶ Igoa airigo kokora soio te tatuagara tomia airigo ra masagara soio tegitou a porora. ²⁷ Eau tagie mutou, oia aisare auru, gae mutou koramuri gi-ia voka arei soio te tatuagara kakara. ²⁸ Girogo te auru tegatou e Iesu eia ga pou tomie mutou.