¹ E, Tatuagu, mitou vatiteri e mutou oio a masaga ra turuga ari kokora oio te Iesu. Ari ge me-e abia peperera arere omai temitou me ga tugatitomia oio a masagara te Pago, ara mori oio a gauru ra turuga arere, eme ga igo a tavovuro ari kokora, kokora vau. ² Mutou rovia vevere peperera ar-e mitou veia mutou oio a aisare Iesu. ³ Oio a masagara te Pago, mutou ga abi seserea mauri mutou sesere soio tetara, mutou ga pou garei oio a tavovuro ari bunu tera magasa, ⁴ Mutou itaita ga rovia tavovuro ari kokora tomia tavovuro ari e Pago masagea, ⁵ souka gabutara arere ga rapue mutou goio igo a tavovuro ari bunu mae gitou e iden gama rovie Pago. ⁶ Mutou gama ioigoa tavovuro ari bunu oio tegitou e tatuamutou tera ari kogono e gitou tera ari kogono e ritugitou. Karou ga oioino e gitou e vararua ari maere, mitou vei a mutou tera ari veiparaea. ⁷ Pago gama tore tatou ga igoa tavovuro ari bunu, arimori ari kokora. ⁸ Aramori, ta-aro ari abiriri vua peperera arere, gama abi ririvua peperera te vararua mori, ara mori gitou abiririvua peperera te Pago. ⁹ Eau vera vei vagaria amutou maei, mutou gagi masaga matomo teitamimu ari tautaurairo, ta-aro ita gamaga kekesia amutou apeperera ra tavovuro ari masaga teitamimu, ira rova, Pago mori tsi abia aume a tavovuro ari masaga matomo teitamimu. ¹⁰ Ira rovoa, mutou ge igota tavovuro ari neineki soio te vararua ra tautau rairora oio a bare Masedonia. Matsi mitou vei amutou vera tavovuro arere mutou sautora vavagea. ¹¹ Mitou masaga vere mutou magiri vavaga pou keke gama pepere matotomo ira purou teita ouka. Mutou ga igoa aigogoru ari neineki oia rimamutou, mae mori ari mitou vei ra mutou ga igoao. ¹² Matsi mae mutou ga tatuga matotomo oio matare taimare tasasema ari gama tautaura iro te Pago. matsi mae mutou gama boboto ra totsibo sari ouka. ¹³ Gitou titamugu, mitou tsi masaga ga mutou ga rovi emia totsibo ari gagari oio a tauaro ari tautaura airo erei ari peotsi. Mutou gama ga gari mae atauaro ari gama taua tautaura airo te Pago. Gitou tsi gogo matomo ira tauaro ari peo soio to, ira rova, gitou mori gama koramuri ra abia maurira rou ari gitou peo. ¹⁴ Arige mitou ga taua tautaura airo mae Iesu tsi peo matsi eia apuritsi rivu, kokora, oio a tavovuro ra ita mori Pago ga vapuritsi rivue tauwaro ari tautaura airo oio tetara gitou peo-o, Pago ga abie gitou somai tomie Iesu. ¹⁵ Oio a vura mitou vei amutou tomia peperera te Pago mae, mitou e vararua ari pou mauri oio a rogo re Iesu ga pirivu rou somai, gama ga muga goio poroutue Iesu, ouka, gitoua tauwaro ari tautaura airo oio te Pago tsi peo to, gitou ga apuritsi ga vapoge Iesu muga oio tegitou. ¹⁶ Taro kerira mori ga gotaro oio mautu ra marokara tomia tsirari kerira mago gaero ari soko ga vaia tavure te Pago mago gitou e taimare tasema ari tautaura airo oio te Pago mago gitari peo to ga apuritsi soko. ¹⁷ Vamuri mitou ari pou mauri oio a rogo aro ga veikapopo tomie tauaro ari tautaura airo tsi peo. Mago mitou kakara ga vaikapopo tomie Iesu oio a karu. Oia airigo arere ga mitou pou arogo kakara tomie Pago. ¹⁸ Mae ga mitou ga sautora vavaga ita mae arita tomia peperera arite Pago.