¹ E James, la tahalo la igolu te Deo me tela uru e Isus kraest, egite la maratatila ale savulusa gete lua oilo tegite ale bula pa: eau vei taho amutou! ² Eau gabutala mulia me eau moge sele, tabarabara gu, mae amuto ge goilo tela tikumula. ³ Eme ge rovia mae la tovolaila ge gomai ala moli la tautaulailo la taume ge igome ge vagotalo la tikumula. ⁴ La vagari ale ge vagotalo la tikumula ge vikaluvu la igolula tetala la vuhula eme ge kusi kara eme ge viruru, eme kama ge savele isa la paga, ⁵ Alamoli mae isa tamutou savele la mari, tartigi eia ge tahi e Deo ovola, eia la tahalo la mutelela eia kama mera totoloa gite ale kaka eia, eia soloio ge abia giteu. ⁶ Eia ge tahi oilo tela tautaulailo, eia umala ge gabutala lalua, la tahalo ale gabutala lalua eia mae la mago ale bolebole me la gala la lovi ale pigi vulovulola, ⁷ La tahalo ale maele umala ge gabutala via eia ge abi isa la paga loio tela uru; ⁸ Eia la tahalo ale gabutala lalua, eia kama magiri tora tela paga ale eia igigoa ⁹ E tabara gatou ale pou la savelela ge vei taho eia tela muli ale eia oio vola, ¹⁰ Alamoli la tahalo ale tahoka la vuliti oilo tela pulou ale sotalo, la vuhula eia ge kaluvu mae la sese la garasi. ¹¹ La haro ge hiliti soata vikapopo mela tivura la me age igo la garasi ge magolu. La sese la ge paru, me la marasala ge kokovu. Oilo tela gauru alele, la tahalo ale tahoka la vuliti ge kokovu kabili la gauru la tulugalugala. ¹² La vibalavala ge tela tahalo ale magiri vagari oilo tela tovolaila. La imala eia ge polo taro la tovolaila, eia ge abi la Kraon tela mahulila, ale eia la vei selela soio tegite ale masaga tavu e Deo. ¹³ La tahalo isa umala ge pigi la merera mae, " e Deo tau eau tela tovolaila, " Alamoli e Deo kama tovo le e tato ale kama kora, me eia tai kama tovo isa la tahalo. ¹⁴ Oilo vola etato isasa tovo etato lou tela masaga gatou, ale lapu gale etatou me age ubi la hate gatou. ¹⁵ La imala la gabutala gatou savulatua, eia ge pigo la vulovulo ale kama kora. ¹⁶ Umala vasi golgolo amutou, tabarabara gu tela hategu. ¹⁷ La vabila tomi ale tartigi mala vabila tomi ale matata eia loata la ilo lalage. e tama la matagaga tomi abia loata gotaloe. oilo tetala eia kama vulovulo ouka eia mae la halula la vuhula eia vulovulo. ¹⁸ E Deo hilovi ti e tato via ge abia gato la merera la selela via etato ge sibitala halaba oilo vola, Ila etato ge mae la muluga la vavua oilo tela papaga tomi ale eia vipoua tia. ¹⁹ Amuto rovi ti la papaga aleie, eau masaga sele amutou e tabarabara gu: mae la valalua tomi ge la valua la ilolo, kama la tahalo la merera, mela tahalo la igotolola. ²⁰ La tahalo la igotolola kama koramuli ge viguvi la vulovulo le Deo ale maroka. ²¹ Ala abitaro la vulovulo ale kama kora ale mugu bara sele. oilo la vulovulo la vagotalo la eme ge kusi oilo la merera, ale koramuli ge utululu la kalulu mu. ²² Amuto ge la tahalo la iromuli la merera kama ge la valua la ilolo moli,ale eme vasigolo rivu lou emei. ²³ Mae la tahalo isage la tahalo la ilolo moli alamoli eia kama igigoa, eia mae la tahalo ale taba titiro la lagula oio la galasi. ²⁴ Eia ge hilo la lagula kaluvu me la imala age tuga soio ale eia ge tabasusu tila la taba la lagula. ²⁵ Alamoli la tahalo ale mata tora tavu la viturila ale matata mela vimaramara la, me eia ge roromuli tomia, eia kama lolo molia goio vahu taroa, la tahalo alele ge balava oilo tala papaga tomi ale eia ge igoa ²⁶ Mae la tahalo isage gabutala via eia la tahalo la lotu, me eia kama mata muli la merera tetala ale eia vasigolo la hate la me la lotu tetala la paga bulahui moli, ²⁷ La lotu ale maroka eia kamage marapa tela mata Deo tegatou e tama gatou ge suli egiteu la patu me egiteu la bahararu oilo tela iligiligi tegiteu,me age sautola tai la valua loio tela mugu la mautula.