¹ Amuto e latatu, roromuli e tama me tila muto oilo tela Uru, ale eia matata. ² Togo e tamamu me tilamu" ( ale la siloko la viturila mela vei selela), ³ La vuhula eia ge tartigi sele soio taumu me eme tai ge mahuli taba otalo la mautula magasa." ⁴ Amuto tatama, umala vahilitiliti la tia le latatu mutou ge igo totolo,ouka, eme ge baumuli egiteu tau egiteu lotalo taume mela vei mulila tela Uru. ⁵ La tahalo la igolu, eme ge roromuli la mulugaluga taume mela tilogo ale uru sele eme ge taga mela selela loilo la hatemu. eme ge roromuli egiteu mae moli ale eme ge roromuli e Kraist. ⁶ La iromulila taume kama ge oio moli te ale la mulugaluga taume hilo me, eme igoa via ge igo sagege egiteu, ouka, eme ge roromuli mae la tahalo la igolula te Kraist, ale igo la igolu tela masagala te Deo loilo sele la hatemu, ⁷ Igo la igolu loilo sele la hatemu, mae moli eme igoa la Uru kama la valalua, ⁸ La vuhula e tato rovia mae la tahalo ale igo la igolula ale tartigi, eia ge abi la mapala loio te la Uru, mae moli eia la tahalo la igolu ouka la tahalo bulahu moli. ⁹ Eme la mulugaluga, igo tigi la tahalo la igolula taume oilo la gauru tai alele, umala mera gusia giteu, eme ge rovia mae la mulugaluga tetala me taume tai eia oio la ilolalage, la taho pepela kama oio tetala. ¹⁰ La tapasila, vagari oilo tela Uru me oilo la vagarila ale eia abiamu. ¹¹ Eme ge kai robo le emei la kairobo la vikokuela te Deo, la vuhula eme kora muli ge tolosogi la igolu tela tahalo kama kora. ¹² La vikokuela tegatou kama soio tela vovo mela kasoso, etato vikue soio tela mapala tomi, soio tegite la mulugaluga, soio tegite la vagarigari la maligoma ale igoe, me soio tegite la kalulu ale kama kokora oata la ba la mori. ¹³ Oilo vola, eme ge vikai robo le emei la tokoromo la vikokuela te Deo, la vuhula eme ge magiri oilo la imala ale kama kora, mulmuli te ale eme igo ti la papaga tomi, magiri vagari. ¹⁴ Magiri vagari, vikapopo mela kisipou la merera la selela kisi tolea la kabilimu,taurobo le emei la tau robo la magoro tela magiri matatala, ¹⁵ Me, kai robo la vahamu la iragila ale loio tela merera la tia madila. ¹⁶ Oilo tomi ale kama kora abi la galiau la tautaulailo, oio vola eme koramuli ge igo mate la gata la havi tela tahalo kama kora. ¹⁷ Eme ge abi la tau robo la gama tela mahulila mela la viso tela kalulu maroka, ale la merera te Deo. ¹⁸ Vikapopo mela kilaka mela tilahi tomi, la imala tomi eme ge igo la kilaka oilo tela kalulu. soio tela kaluvuluvula aleie, eme ge mata rara mela tuhakala la imala eme kaka tigite la valua te Deo tomi ale maroka. ¹⁹ Me kaka taku. via la Uru ge abiagu la merera la imala eau ge kope la haregu. kaka via eau ge vagari ge tau pala la seselela ale tabuli kokovu oilo la merera. ²⁰ Tela merera moli eau guvi mae la tahalo ale sautola la imoimola la mahulila tela Uru me eau pou la kilisi, la vuhula eau ge vei palaea mela vagari, la imala eau raragi ge mera. ²¹ E Taikikus, eia e tabaragu la hategu eia la tahalo tela Uru sele, eia ge veia mutou la papaga tomi, la vuhula amuto ge rovi la rova tomi ale eau omai igigoa. ²² La vuhula ale eau bahea soio tamutou a teale moliele, ila amto ge rovia amite omai mave, me eia tai ge vivagari la hate mutou. ²³ La tia madila ge tamuto tabarabara gu, la masagala mela tautaulailo loio te Deo tama me e Isus Kraist. ²⁴ Lagilogo uru sele soio tegite ale masaga tavu la uru Isus Kraist mela ilisulisu ale kamage magoa.