¹ Oilo vola eme ge dodo mulimuli e Deo, mae e latatu la gilogo. ² Tuga oilo la gilogo, mae moli e Kraist masaga etato me eia abi eia somai tegatou, mae la opa ale gutua me a mali vili sele soio te Deo. ³ Me oio kabili tamutou la merera la iligo la iruru ale mumugu ouka la paga ale kamakora mela murahala ge umala, egite la papaga ale kama tartigi oio tegite la valua te Deo ale maroka. ⁴ La vigagiala ale mugu, la mera pauala ge umala, la mera palila-- egite tomi ale kama tartigi. kabili tamutou la merera la veitahola moli ge oio. ⁵ Eme koramuli ge rovi aleie, la iligo la iruru akama tartigi, a mugu, ouka la tahalo --ale muraha, eia lotu tavu la puhi golo-- eia kama tahoka isa la vuliti oilo la mautu la sagela te Kraist me e Deo. ⁶ La tahalo isa umala ge vasigologolo me la merera ale la masovala ouka, la vuhula la papaga ale la hate masila te Deo loio ge tabuli loata tegite latatu ale varumurumu. ⁷ Oilo vola, eme umala ge tilimuli egiteu. ⁸ Eme pala oio la maligoma, alamoli ale igoe eme la matagaga oilo te la Uru. tuga mae e latatu la matagaga ⁹ ( la vavua la matagaga viguvi tomi ale taritigi, la magiri matala, mela selela), ¹⁰ eme ge pamuli tomi la rova eia igo sagege la Uru. ¹¹ Umala vitaume tabara tomi la igolu la maligoma ale la vavuala ouka, eme ge taupala tomi egiteu. ¹² Eia la paga la mahelala mae eme ge veipala la papaga ale egite igo kokovua. ¹³ Mae la paga isa la matagaga tubu tola ovola, age guvi palala, ¹⁴ La papaga tomi ale guvi palala ale la matagaga. Ala a vei mae, hagolo, eme ale mamavuta, eme ge hagolo loio la pileho, me e Kraist ge maga loata taume." ¹⁵ Eme ge matamuli taho la muloula taume--- kama mae ale kama mari ouka mae ale tahoka la gabutala ale tartigi. ¹⁶ Loto rivu la imala la vuhula la logologo ale kamakora. ¹⁷ Ala umala pauaua, eme ge rovi taho la masagala te Uru eia la rova. ¹⁸ Umala liu pepeho la waen, age abi me soio la vulovulo ale ka tartigi. ouka, eme ge volu mela kalulu maroka, ¹⁹ Mera soio te tabaramu oilo la bilau ale loio la hatemu mela bilau kalulu, baubau mela golu ale marasa soio te Deo loilo la hatemu, ²⁰ la imala tomi eme ge toi tartigi tela papaga tomi, oilo tela isale Isus Kraist soio te Deo tama, ²¹ Vagotalo emei soio te tabarabaramu oilo la tiligo soio te Kraist. ²² Eme ale tavile, vagotalo emei lotalo te haruamu, mae ale tela uru tai. ²³ Eme haruala eme la gamale rutumu mae moli e Kraist eia la gamala lotu tetala, me e Kraist eia la tahalo la vimahuli tetala. ²⁴ Mae moli la lotu vagotalo eia soio te Kraist , a visauru moli eme ale hatavile ge vagotalo emei soio te haruamu oilo tela papaga tomi. ²⁵ Eme haruala, emege masaga sele e rutumu, mae moli e Kraist masaga sele la lotu me eia abi eia soio tetala, ²⁶ E Kraist abi eia soio tela lotu la vuhula age igo eia ge maroka, eia vimaroka leia la vuluhi la lalu mela merera, ²⁷ La vuhula eia ge vitiroro eia soio tetala mela marasala, la mugu mela vola kamage taligi olu la paga tai isa ge ouka, age maroka mela iriru tai ge ouka. ²⁸ Oilo moli la gauru alele amuto hararua eme ge masaga sele e rutumu mae ale eme masaga la vovomu. eia ale masaga sesele e rutula masaga lou eia. ²⁹ Isa kama mukupilepile lou la vovola, age abiala la ilalai me age baumuli tahoa, mae moli e Kraist valvali la lotu me eia baumuli taho seselea, ³⁰ la vuhula etato la valalua tomi la vovole Kraist ³¹ Tela vuhula moli alele la tahalo ge hele taro e tamala me tilala me eia ge vikapopo tomi le rutula, ale ilua ge guvi la vovo isa moli." ³² La seselela ale uru me a tabuli kovu sele---ale eau vevei e Kraist mela lotu tetala. ³³ A solio mae moliele, amuto isasa ge masaga sele e rutula mae sele eia lou, eme e rutula ge taola la tiligo soio te haruamu.