¹ Tela vuhula moli ale eau, e Pol, eau pou la kilisi te Kraist Isus ile amuto e Gentael. ² Eau rovia via eme loloti la vibaumulila tela gilogo te Deo ale eia abi tiagu viage taume, ³ Eau kekesi tilimuli la mari ale tabuli kokovu la Uru tau palaea somai taku. ale la merera la selela ale tabuli kovu ale eau kesi matagagea somai taume. ⁴ La imala eme ge gigi oilo te aleie, eme ge rovi matagaga la rova eau hiloa oilo la merera ale tabuli kovu ile e Kraist. ⁵ Ale pala te tutubu me bao gatou la merera la selela aleie kama matagaga soio tegite latatu giteu. alamoli igoe la kalulu maroka tau matagagatia soio tegite la Aposel me Propet tetala ale eia hilovi ti egiteu tela igolu aleie. ⁶ La merera la selela aleie a mae egiteu e Gentael tai la valua te la Uru, egite tai oilo la vovo isa moli, me egite tai oilo la vei selela ale oilo te Kraist Isus loio tela merera. ⁷ Eau guvi mae la tahalo la igolu tela merera te Uru oilo la viabila te Deo mela gilogo ale eia abiagu loio la igolu la vagarigarila. ⁸ Omai taku -- Eau ouka sele oilo tegite la valua te Deo ale maroka-- la Uru abiagu la gilogo ale, ge tuga tavu egiteu e Gentael egite te Kraist isa kama pamuli egiteu, ⁹ Eau ge abi la paga tomi soio la matagaga age tela valalua tomi la gabutalala-- la papaga ale tabuli kovu loio ti tela silokoloko oilo te Deo, eia moli visibitala la papaga tomi. ¹⁰ La gabutala ale ge guvi matagaga moli oilo la lotu te Kraist la vuhula egite la uru mela mulugaluga ale oilo la maututula ge rovi la mari pahila mela vulovulo le Deo. ¹¹ Ale guvi pala loio la gabutala ale la tapasila ouka ale eia vipurua oilo te Kraist Isus la Uru gatou. ¹² Me oilo te Kraist etato tahoka la vagari mela gauru oilo la irovi tegatou la vuhula oio tela tautaulailo tegatou oilo tetala. ¹³ Oilo vola eau tahi me via eme umala ge tuha malulu oilo tela iligiligi ale eau abia ile emei, ale eia la marasala taume. ¹⁴ Ale la vuhula ale eau tototulu soio te Deo tama, ¹⁵ Loio moli tetala la valua me hatavile tomi ilo la ilo lalage mala magasa abi la isala. ¹⁶ Eau kaka via eia ge abiamu, loio tela marasala tetala ale uru sele, age vivagaria oilo la vagari la kalulu maroka, ale oilo taume. ¹⁷ Eau kaka via e Kraist ge mou oilo la hatemu oilo la gauru la tautaulailo, la vuhula eme ge tau la uamu me eme ge kusi oilo la giologo ¹⁸ oio tai vola eme koramuli tahoka la irovi ale tartigi, vikapopo me egite la valua te Deo ale maroka, la bola mave, la malaula, la urula, la malula, ¹⁹ Eme tai ge rovi la gologo te Kraist, ale loata la mari, la vuhula eme ge volu oilo te Deo ale viruru. ²⁰ Igoe eia moli koramuli ge igo la papaga tomi loata teale e tato kakea ouka gabutalea, loio tela vagarila ale igolu oilo tegatou, ²¹ La marasala ge tetala oilo la lotu me oilo te Kraist Isus me egite la valua me hatavile tomi ale mulmuli la kaluvula ge ouka. Amen.