¹ Ale emei, eme mae ale pehoti oilo tela vulovulo ale kama kora. ² La vulovulo ale kama kora moli igoa amuto mahuli mae la gauru tela mautula. amuto mahuli muli egite la kalulu kama kora mela vagarigari ale oata la mori, egite la kalulu ale igogolu oilo tegiteu e latatu ale varumuru. ³ La imala isasa etato mahuli kabili tegiteu la valua ale maele, etato vikaluvu la masagala tela vovo, tilimuli la masagala tela vovo mela gabutalala. pala etato mou lotalo la hate masila te Deo, mae egite tomi la valua me hatavile. ⁴ Alamoli la tiagorila te Deo mela gilogo ale uru sele eia gogo etatou. ⁵ La imala etatou solio peho oilo tela vulovulo ale kama kora, eia vimahuli etatou vikapopo oilo te Kraist --tela gilogo moli eme mahuli. ⁶ E Deo vahiliti etato vikapopo me Kraist, me e Deo igo e tatou pou tomi le eia oio la mautula sagegela oilo te Kraist Isus, ⁷ La vuhula la imamala ale mulmuli ge gomai eia ge vahililoa gatou la gilogo tetala ale uru la tapasila ouka mela vulovulo la ale tartigi eia taupalea somai tegatou oilo te Kraist Isus. ⁸ Tela gilogo moli eme mahuliti oilo tela tautaulailo, ale kama guvi loio taume, eia la viabila te Deo, ⁹ Eia kama loio tela igolu via la tahalo isa ge kalisasae oio vola. ¹⁰ E tatou la tahalo la mari la igolu tomi te Deo, la uru puhi etato oilo te Kraist Isus ge igo la igolu ale tartigi ale e Deo raragitia gatou tela silokoloko, via etato ge tuga oilo tegiteu. ¹¹ Oilo vola eme ge gabutalea eme tau Gentael tela vovo. la uru tola me "la vovomu kama valia" ale egite toila la "vilali la vovo" ale oio tela vovo la tahalo igola la limala. ¹² Oio tela imala alele eme ba malau sele loio te Kraist, eme lobali loio tegite la valua e Israel, eme la mosi loio la vei sela tela kavanent, eme kama tahoka la tautaulailo me eme tai kama tahoka e Deo omai la mautu la magasa. ¹³ Alamoli igoe oilo te Kraist Isus eme ale pala ba malau taro e Deo la kasoso le Kraist abi hagavi ti emei. ¹⁴ Eia moli la tia madila tegatou. eia tau vikapopo egira ale ilua guvi isasa moli, la vovola moli abitaro la kapiutu te la gima ale vilele lua etatou. ¹⁵ Te ale, eia abitaro la viturila mela mera vagarila mela imoimola oivola eiage puhi halaba la tahalo oilo tetala lou, me eia ge viguvi la tia madila. ¹⁶ E Kraist tau matata la valua me hatavile soilo tela vovo isa moli soio te Deo oio moli tela tauvalautu, eia bili peho la vagari la gima. ¹⁷ E Isus gomai veipala la tia madila soio taume ale ba malau mela la tia madila soio tegite ale hagavi. ¹⁸ Me oilo moli te Isus e tato tomi tahoka la gauru oilo la kalulu isamoli soio te tama gatou. ¹⁹ Ala mae, igoe eme e Gentael eme kati la mosi me ale lobali. ala igoe, eme isa la tahalo la mautu te Deo ale maroka me eme isatai tahalo la luma te Deo. ²⁰ Eme magiriti oata la sole tegite la Aposel me la Propet, e Kraist Isus eia la uati. ²¹ Oilo moli tetala la luma tomi koramuli sele me egite kusi mae la luma la lotu oilo tela Uru. ²² Oilo moli tetala eme tai magiri vikapopo me egite mae la muli la muloula te Deo oilo la Kalulu.