¹ Eau Paul, la aposel te Kraist Isus tela masagala te Deo, tavu la valua me hatavile te Deo ale maroka oilo e Epeses, egiteu ale tautaulailo sele oio te Kraist Isus. ² La gilogo ge taume mela tia madila loio te Deo tama gatou me la Uru Isus Kraist. ³ Akoramuli sele e Deo tama me la uru gatou e Isus Kraist e tato ge visalea, eia moli vibalavala ti etatou la vibalavala tela kalulu tomi oilo la ilolalage oilo te Kraist. ⁴ E Deo hilovi ti etato oilo tetala loio la silokoloko la mautu la magasa, via e tato ge maroka viuviu oio tela matala me oilo la gilogo. ⁵ E Deo hiloviti e tato mamuga la imala via eia ge abi etato mae e latula sele oilo te Isus Kraist, oilo tela gilabulabu ale tartigi mela masagala tetala. ⁶ Eia abi etaou mae e latula sele ala etaou ge vaisale la marasala tetala mela gilogo tetala ale eia abi bulahu molia gatou oilo te latula ale eia masaga selea. ⁷ Oilo te Isus Kraist e tato tahoka la mahulila tela kasosola me eia lube la iruru tegatou, ale loio tela gilogo tetala ale uru sele. ⁸ La gilogo tetala ale uru sele eia abia gatou vikapopo la gabutala ale tartigi mela mari. ⁹ E Deo igo matagaga tia gatou la vuhu la gabutalala mela masagala tetala ale tabuli kokovu,akoramuli sele la masagala tetala, me eia taupala tia oilo te Kraist, ¹⁰ Eia veipala tia via mulmuli la imala ge puru, eia ge abi vikapopo la papaga tomi, la papaga tomi ale oilo la ilolalage me ale otalo la magasa, age vipoa lotalo la gama isa moli ale e Kraist, ¹¹ Oilo te Kraist eia turi ti etatou mae la hilila sele. la uru visati le tatou mamuga la imala via age koramuli sele la gabutala tetala ale visibitala la papaga tomi oilo la mari mela masagala. ¹² E Deo turi ti etato mae la hilila la vuhula etatou, ale vimuga ge poutali e Kraist, mela vei tahola tela marasala tetala. ¹³ Me oilo te Kraist, eme tai, la imala eme lolo la merera la selela, la merera la mahulila taume, eme tautaulailo oio tetala goio la kalulu maroka tau la irovilala mela vei selela oio taume, ¹⁴ La kalulu eia la irovilala tela vibalavala tomi ale oio tela uru etato ge vagari karamae etato ge abi tomia, e tato ge visale la marasala tetala. ¹⁵ Ale la vuhula ale, la imala eau lolo la tautaulailo taume oilo te la uru e Isus mela ilisulisu taume soio tegiteu la valua me hatavile te Deo ale maroka, ¹⁶ Eau kama maila la veitaho le Deo ile emei la imala eau aba la isamu oilo tela kilaka tegaku tomi. ¹⁷ Eau kaka via e Deo tela uru gatou e Isus Kraist, e tama la marasala tomi, eia ge abiamu la kalulu la gabutalala ale tartigi oilo tela papaga ale tabuli kokovu oilo la mari tetala. ¹⁸ Eau kaka via la mata la hatemu ge matagaga, tio eme ge rovi la tautaulailo ale eia tola me ovola mela marasala ale oio la vibalavala kabili tegiteu la valua me hatavile te Deo ale maroka. ¹⁹ Oilo la kilaka taku eau tahi via eme ge rovi la vagari le Deo ale loata la vagagari tomi eia tegatou ale tautaulailo, age loio tela vagarila ale uru peho oio igogolu. ²⁰ La vagari ale visauru moli mae ale e Deo vigolua oilo te Kraist la imala ale eia vahiliti rivu eia loio la pileho me a vipou eia oio la limala e gata oilo la mautu la sagela. ²¹ Eia vipou sae e Kraist loata la pulou la uru tomi mela vagagarila tomi, mela isaisa tomi, e Kraist ge muga tomi, kama la imala tetala moli ouka, age tela imala tai ale mulmuli ge gomai. ²² E Deo tau la papaga tomi lotalo la vaha le Kraist me eia abiala la lotu via eia ge la gama loata la papaga tomi, ²³ La lotu te Kraist eia la vovola, la viruru le Kraist vivolu la papaga tomi bakisi kama piligi.