¹ E Paul, la aposel te kraist Isus oilo tela masagala te Deo, me oilo tela vei selela tela mahulila ale oilo te kraist Isus, ² Agoio te Timoti, giliki ale eau masaga selea, la gilogo, la ilogorila, mela tia madila loio te Deo tama me Kraist Isus la uru gatou. ³ Eau toi tartigi soio te Deo, ale eau la tahalo la igolula tetala loio te tatama gu ale araura, vikapopo mela gabutalala ale maroka, la imala tomi e iau gabutala eme oilo la kilaka tegaku. ⁴ Eau gabutala muli lou la masali mu ale pagele, eau masaga sele ge hilo emei, la vuhula eau ge volu mela sagela. ⁵ Eau gabutala lou la tautaulailo taume ale vagari a mou muga oio te tubumu e Lois me tilamu e Eunice, eau gabua mae a mahuli tai oilo taume. ⁶ Ale la vuhula ale eau tututolea mu ge isu karere la vabila te Deo ale oilo ti taume le loio tela imala eau tau la lima gi loata taumele. ⁷ E Deo kama abia gatou la kalulu la tilaga,a abia gatou la vagari mela gilogo la magirigiri la tela merera. ⁸ Ala umala mahelahela la veipala la merera te la Uru, ouka tegaku,e Paul, la tahalo ale pou la totorobo ile e Kraist, oio tai, eau abi la iligiligi la merera te Uru vikapopo mela vagarigari le Deo. ⁹ E Deo moli vimahuli etatou me eia tola etato mela tilola ale maroka. Eia igoa maele, kama tela igolu tegatou, eia igoa tela gabutala tetala mela gilogo. me eia abia gatou la papaga aleie oilo te Kraist Isus mamuga tela imala soko. ¹⁰ Alamoli igoe la mahulila te Deo guvi matagaga tela guluvi la tahalo la vimahulia e Kraist Isus. e Kraist moli vitapasi la pileho me eia abi la mahulila ale tapasila ouka oilo la merera. ¹¹ Alamoli aleie, la hilovila omai taku via eau ge la tahalo la valolola,me la Aposel,me la tahalo la vimari. ¹² Ale vuhula ale eau abi la iligiligi tela papaga aleie. alamoli eau kama mahela, teale eau rovi eia ere eau tautaulailo tetala. eau gabua mae eia koramuli ge sautola la rova eau abitiala kara tela logo alele. ¹³ Eme ge sautola la vimari la vitovomulila ale eme lolo tia omai taku, vikapopo mela tautaulailo mela gilogo ale oilo te Kraist Isus. ¹⁴ La paga ale tartigi e Deo abitiamu,baumulia oilo tela kalulu maroka, eia mou oilo tegatou. ¹⁵ Eme rovi tai aleie,mae egite tomi ale mou oio e Esia poke taro eau. oilo tela tete la valua alele e Pigelus me Hemogenes. ¹⁶ La Uru ge abia giteu la ilo la luma te Onesiporus la gilogo tetala, eia moli vivolu eau me eia kama mahela muli eau la imala eau pou tela totorobo. ¹⁷ Oio tai,la imala eia oilo e Rom,eia pamuli suku sele eau, eia goio poga eau. ¹⁸ Tartigi la Uru ge abiala ba eia poga la gilogo oio tetala tela logo alele. tela gauru tomi ale eia koli eau oilo e Epeses, eme rovi taho selea.