¹ Oio vola, latugu, eme ge vagari oilo tela gilogo ale oilo te Kraist Isus. ² La papaga tomi ale eme lolo tia omai taku kabili tela mata la valalua tomi, abia gite la valua ale la tautaulailo tegite vagari ti me egite koramuli ge vimari lou egite ale isahari tai ³ Eme ge gabu la iligiligi vikapopo le eau mae la tahalo la vaubi ale tartigi te Kraist Isus. ⁴ La tahalo la vaubi kama koramuli ge igolu mae la mahulila tetala bulu, la vuhula eia ge igo sagege e opisa ale loata tetala. ⁵ Oio tai,mae la tahalo isa hari tela vaipepela,eia kama ge abi la Kraon mae moli eia ge hari ge tilimuli tomi la viturila tela hirari ⁶ A tartigi la tahalo la mahuma ale igolu vagari ge abi pala la ilali la mahuma tetala, ⁷ Gabutala muli la rova eau veveia, la Uru ge abia mu la irovi oilo tela papaga tomi. ⁸ Gabutala e Isus kraist, eia la hilli le Devit, eia moli male hiliti rivu loio la pileho. ale a loio tela merera te uru. ⁹ Te ale eau gabu la iligi abia goio tela ba ale egite kisitola le eau la seli mae la tahalo la pakalila. alamoli la merera te Deo egite kama kisitolea. ¹⁰ oilo vola la papaga tomi ale eau tuhaka tavua age tegiteu la hilovila ,la vuhula egiteu ale abi la mahulila ale oilo te kraist Isus,vikapopo mela marasala ale la tapasi la ge ouka. ¹¹ Aleie a la merera ale eme ge tautaulailo ovola, "mae etato peho tomi ti le eia, me etato tai ge mahuli tomi le eia, ¹² Mae etato ge tuhaka, me etato ge pou la pulou la uru vikapopo me le eia. mae etato ge tahitaro eia, me eia tai ge tahitaro etatou. ¹³ Mae etato kama tautaulailo tetala, alamoli eia soloio tautaulailo tegatou, eia kama koramuli ge tahitaro rivu lou eia." ¹⁴ Bibi eme ge vigabutala le egiteu la papaga aleie. mera taro egiteu oio tela matale Deo mae egite umala ge vaigo mulmuli la merera; a kama tartigi, age igo bara egiteu ale loloa. ¹⁵ Eme ge vagari sele ge abi eme soio te Deo mae la tahalo ale eia masagea selea, la tahalo la igolu ale kama koramuli ge mahela, me eia ge vimari matata sele la merera la selela. ¹⁶ Ba malau taro la vigiala ale kama kora, ale ge abi malau me loio tela Uru. ¹⁷ La merera tegite ge sili mae la kakali. kabili tegiteu e Himenaeus me Piletus, ¹⁸ Egite ba malau taro ti la merera la selela. egite veia la hiliti rivu la tela pileho sibitala ti pala, me egite igo bara la tautaulailo tegite usu peho. ¹⁹ Isa ouka tilou, la vagari la vuhu le Deo magiri tora. la ilago oio vola: "la Uru rovi ere miteu ge tetala " me "egite tomi ale tola le egiteu la isala Uru egite ge lake taro la vulovulo ale kama kora." ²⁰ Oilo tela luma la vuliti kama la tahogo la gol mela Silva moli. la tahogo la obu mela kuvo tai, isahari egite togo sele egiteu tela igolu, isahari kama tartigi. ²¹ Mae isasa ge vimaroka egite loio te ale kama kora,me eia ge la tahogo ale la tilogo ge oio vola. la Uru hilovitia me a taupoloa, age tela igolu tela Uru.me a raragi ti tela igolu ale tartigi peho. ²² Eme ge lake taro la masaga la vovo tela maure halaba la. eme ge tuhaka tavu la vulovulo ale matata, la tautaulailo, la gilogo, me la tia madila vikapopo me egiteu ale tatola soata te uru mela hate ale maroka, ²³ Eme ge mukupile la matatola mela gabutala pahila. eme rovia mae egite ge pigo la vaigo tolola. ²⁴ La tahalo la igolu te la Uru eia kama ge la tahalo la igo tolo la. eia ge la tahalo ale tartigi soio tela valalua tomi, eia ge la tahalo la vimari gite la valua, mela tahalo la hatetola la. ²⁵ Eia ge la tahalo la vagotalo le eia me eia ge vimari tai egite ale magiri roborobo eia. e Deo ge vuvulo la tia giteu la imala egite ge rovi la merera la seselela. ²⁶ La vulovulo giteu ge tartigi lou me egite ge lake taro la mai te Satan, mulmuli teale egite pou la kilisi oilo la masagala tetala.