¹ Masaga emei, ale la vailua la buku ale eau kekesia somai taume, oilo tomi tegira la merera la tututolala tela vahiliti la seselela tela mari, ² La vuhula emege gabutala rivu lou la merera ale egite la Propetale ale maroka vei tia araura mela mera vagarila te la Uru mela vimahulila ale egite la Aposel abitia mutou. ³ Eme ge rovi mamuga aleie, egite ale ge igo mulimuli etato ge gomai tela tapapasi la logologo, egite ge igo muli etato mae la masagala tegiteu, ⁴ Egite ge vei mago,"la veiselela tela bileula tetala oveiti? loio ti tela imala ale e tatama gatou mavutati vola, la papaga tomi oio tabuli viauru moli,loio ti tela siloko la vipoupou." ⁵ Egite gabutaro selea mae araura seleti loio tela merera te Deo moli la mori mela magasa sibitala sogala loio la lalalu me a loio lalalu, ⁶ Loio tela imala ale la mautula tela imala alele a kamakora geru sele, la lalalu sogo robo tomia. ⁷ Me loio tela merera moli alele la mori mela magasa tabuli rivu loio tela havi, a tabuli rivu ge poutali la logo la ilapumatatala mela kamakorala tegiteu ale kama oilo te Deo. ⁸ La paga aleie umala ge tabuli kokovu loio la matamu, eau masagamei, la logo isasa oilo tela uru eia mae la taosen la leavala, mela taosen la leavala eia mae la logo isa moli, ⁹ La Uru kama igo makoko loio tela merera la vei selela tetala, mae isahari hiloa mae la igo makola oio, akamage maele, eia soloio poutali taume, eia kama gabutala via isa tamuto ge kokovu bulagu moli, ouka eia masaga via etato tomi ge tau la kapiutu tela vululo halabala. ¹⁰ Oilo vola, la logo tela Uru ge gomai mae la tahalo la pakalila: la mori ge kokovu vikapopo mela tilalila ale uru sele. la papaga tomi la havi ge selua, me la magasa mela vulovulola tomi ale oilo vola ge tabuli palala tomi. ¹¹ La imala ale la papaga ale ge kamakora tomi oilo tela gauru alele, me erese la mata valalua amuto ge mae vola? ala eme ge mahuli moli la mahulila ale maroka mae la mahuli le Deo. ¹² Eme ge mamata la igo hararila tela gomaila tela logo te Deo. oilo tela logo alele la mori ge kamakora tomi tela havi, me la papaga tomi ge kaluvu bulahu moli tela tivura la havi ale uru sele. ¹³ Alamoli oilo tela merera la vei selela tetala etato oio pou tatali la mori mela magasa ale halaba, ale egite ale magiri matata ge mou oio vola. ¹⁴ Ala, eau masaga me, la imala ale eme oio mamata tela papaga aleie, eme ge vagari sele via eme ge sibitala mae ale maroka viuviu oio tela matala, me oilo la tia madila. ¹⁵ Oio tai, gabutala la poutalila te la Uru mela mahulila, mae moli ale e tabara gato e Pol kekesi tiamu, loio tela mari ale la uru abi tiala. ¹⁶ E Pol meramera tela papaga aleie oilo tela buku tomi tetala ale eia kekesia, oilo vola la papaga isahari a tivura eme ge rovi matagagea,la vuhula egite ale lolomata me ale kama magiri tatola vulo ti la lagula, mae moli ale egite igo tia tela merera ale isahario, egite lou ge abi la tikumula. ¹⁷ Oilo vola, eau masaga eme, la imala ale eme rovi tomiti la papaga aleie mamuga vola, baumuli emei la vuhula eme soukage polo gale loio tela valua ale polo pepe la viturila me eme ge piligi la tautaulailo taume. ¹⁸ Alamoli eme ge kusi oilo la gilogo mela mari tela uru la vimahuli e Isus Kraist, la marasala ge tetala teale igoe me ale mulmuli la tapasila ge ouka. Asele!