¹ Egite Propet la vasigologolola ge gomai tamuto la valalua, me egite la tahalo la vimarila ge gomai tai tamuto, egite ge gomai kokovu moli vikapopo mela marapala mela vasigologolola, me egite ge tahi taro la uru ale loto rivu egiteu, egite vahari la kamakorala ale ge igo harari sele soata tegiteu. ² Egite usu ge tilimuli la gabutala tegiteu, me loio moli tegite la gauru la merera la selela ge kama kora. ³ Oilo la hate vuhula tegiteu egite ge tau polo la merera la vasigolola. la kama kora la tegite gomai ti mamuga, me la marapala tegite a oio kama mavuta. ⁴ E Deo kama sautola rivu egite la Angelo ale igo la iruru. ouka eia tau egite sotalo e Tartarus goio sautola le egite la seli otalo tela maligoma ge karamae la logo la ilapumatatala. ⁵ Oio tai, eia kama sautola rivu la mautula tela silokoloko la vipoupou, ouka, eia sautola rivu moli e Noah, eia moli la tahalo la valolo la merera la magiri matatala, vikapopo me egite taho vitu lou tela imala ale eia viguvi la karoro sotalo la mautula ale poke taro e Deo. ⁶ E Deo vagotalo tai la siti le Sodom me Gomora goio sibitala mae la buburo me eia igo malago sele egite goio kama kora tomi a mae la vitovo mulila tela rova ale ge guvi tavu egite ale kama oilo te Deo. ⁷ Alamoli ale tela tahalo la magiri matatala e Lot, egite la valua ale kama tilimuli la viturila taho talu leia la gabutala mela vulovulo gite. ⁸ Tio la tahalo la magiri matatala, ale mahuli kabili tegite tela logologo tomi eia vilua oilo la kalulu la magiri matatala tetala la vuhula tela rova eia hiloa me eia loloa. ⁹ La Uru moli rovi ale ge utululu la valua tetala loio la tovolaila me oio tai ale ge sautola la tahalo ale magiri matata oio tela logo la ilapu matatala. ¹⁰ Ale age sibitala sele moli soio tegite ale kama piligi la masagala ale kama kora tela vovo me egite ale mukupile egite la vagarigarila. egite magiri tela masagala tegite lou, egite kama taga la mera barala soio tegite ale magiri matata, ¹¹ Egite la angelo tahoka la vagarila uru sele, alamoli egite kama viguvi la vulovulo la matamulila oilo tegite lou me soio te la uru. ¹² Ala moli egite la valua aleie, egite kama gabutala mulmuli la papaga mae egite la basi, egite igo egite mahuli moli tela vovo ge sautola la papaga ale kama kora, egite kama rovi la rova egite igo barabarea, me egite tamai ge vilua. ¹³ Egite ge abi la mapa la iriru ale egite igotia, egite gabutala via la mahulila tela vovo tela logo isasa a tertigi. alamoli egite la vulovulo ale mumugu. egite moge la vulovulo gite ale vasigologolo la imala egite alali tomi le emei. ¹⁴ Egite tahoka la mata ale volu mela loho tavu la tavile polo, me egite kama marumaru la iligo la iruru, egite lapulapu la kalulu gite ale kama vuhutola soilo la iligo la iruru, egite vimari la hate gite la hatekala, la tikumula ge tabuli oata tegite latatu alele! ¹⁵ Egite poke taro la gauru ale matata me egite polo gale ti ge tilimuli la gauru te Balaam me latula e Beor, ale masaga ge abi la mapa tela vulovulo ale kama kora. ¹⁶ Alamoli eia abi la merera la iriru tetala loio tela Donki ale mera mae la tahalo magiri robo e Propet oio moli vola. ¹⁷ Egite la valalua aleie mae la vilelo ale la lalula ouka mela tuluvu la gauru ale la hipu vai taroa. la miau la maligoma ale bitolu oio pou tali egiteu. ¹⁸ Egite meramera vikapopo mela kalisaela, egite lapulapu la valuala tela masaga la vovo. me egite lapulapu tai egite la valalua ale tovolaia ge hele loio tegite ale mahuli oilo ale kama kora. ¹⁹ Egite vei la vei selela tela vimaramarala soio tegite, alamoli egite lou pou la kilisi tela marapala, me la tahalo pou la kilisi loio tela rova vagotalo eia. ²⁰ Mae egite ge hele loio tela marapala tela mautula loio tela mari te la uru mela vimahulila e Isus Kraist egite goio ge tilo lou oilo vola me a ge vagotalo egite, la tapasile gavman goio kamakora lou soio tegite loio teale mamuga. ²¹ Age tartigi moli mae egite umala ge rovrovi la gauru tela magiri matatala egite rovia goio egite poke taro la viturila ale maroka amite vahari tia giteu. ²² La Paia moli beurivu tavu la kalaluala, me la Bolo ale puruti beurivua soio la gagae.