¹ E Saimon Pita, isa la tahalo la igolu me eia la Aposel te Isus Kraist, goio tegite ale abi la tautaulailo ale tartigi sele visauru mae ale amite abitia, la tautaulailo oilo la magiri matatala te Deo tegatou mela tahalo la vimahulila e Isus Kraist. ² La gilogo me la tia madila ge kusi uru oilo la ba la mari te Deo me loio te Isus la Uru gatou. ³ La papaga tomi ale loata la ilo lalage mela vagari la mahuilila mela vulovulo le Deo eia abitia gato loio la mari te Deo, eia tola etato loio tela marasala tetala ale tartigi. ⁴ Loio moli tealeie eia abia gatou la veiselela ale tartigi, la vuhula eme taige abi la mahulila te Deo, e tato lake taro ti la marapala ale oilo tela mautula ale sibitala loio la masagala ale kama kora. ⁵ Ale la vuhula ale, eme ge vagari ge tau la vulovulo ale tartigi soata la tautaulalo taume, me loio teale tartigi tau lou la mari loata, ⁶ Loata la mari tau la hatetolala tau lou la tuhakala soata, loio tela tuhakala tau lou la vulovulo le Deo, ⁷ Loio te vulovulo lae Deo gabutala e tabarramu, me loio te la gilabu le tabaramu tau la gilogo. ⁸ Mae egite la papaga aleie a oilo taume ouka a kusi oilo taume, eme kama ge dupi ouka eme kama ge magiri bulahu moli via eme kama ge tau la vavuamu oilo la mari tela Uru gatou e Isus Kraist. ⁹ Alamoli la tahalo ale kama tahoka la papaga aleie la matala kama malau eia matakea, eia gabutaro tia mae eia maroka ti loio la vulovulola ale tugati a akama kora. ¹⁰ Oilo vola, tabarabaragu, eme ge vagari via eme ge igo la tilola taume eia ge la tururi ale magiri vagari sele. mae moli eme ge igo la papaga aleie, eme kama ge boru. ¹¹ Me oilo tela gauru alele la papaga usu ge gomai taume eiage la mata taume ale ge goilo la mautu tela Uru gatou e Isus Kraist ale la kaluvu;la ge ouka. ¹² Ala la imala tomi eau ge raragi moli ge tututoleamu egite la papaga aleie, ale moli eme rovi ti egite, eme tai vagari sele ti oilo la merera la selela ale eme tahoka tia. ¹³ Eau gabutala via eia tertigi tegaku, mae eau oilo la kale aleie, eau ge vahiliti la tia muto tela gauru la tututolala. ¹⁴ Eau rovia via la tau taro la kale taku eia hagavi ti, la vuhula la Uru gatou e Isus Kraist igo matagaga tia somai tegaku. ¹⁵ Eau ge vagari tavu selea ge hiloa mae mulmuli tela tulugalugataku la imala tomi eme ge gabutala la papaga aleie. ¹⁶ Amite kama tilimulia tela mari la vigile mulila te ururu la imala amite igo matagagea muto la vagari mela gomaila te la Uru gatou e Isus Kraist, me amite magiri tela veiselela tela pulou la uru tetala. ¹⁷ Eia abi la tilogo mela marasala loio te Deo tama tela imala la golu gomai tetala loio la marasala tela uru, a vei mago," ale e latugu ale eau masaga selea, oilo tetala eau moge sele leia." ¹⁸ Amite tomi lolo la golu alele loio la ilo lalage gomai tetala la imala amite tomi vikapopo le eia oata la olu al;e maroka. ¹⁹ Amite abi la merera la veilahala tegite la Propet me eia matagaga sele, ale amuto ge paki taho sele ge loloa a mae la Lamu ale matagaga oilo la ba ale maligoma kara mae la logo ale halaba guvi mela matabu la kavkoki hiliti oilo la hatemuto. ²⁰ Loata vola, eme tai ge rovia mae la mera lahala tegite la Propet kama loio tela tahalo bulahu moli isa ge lubea, ²¹ Me la mera lahala tegite la Propet isa kama gomai tela masagala tela tahalo. alamoli la tahalo meramera loio te Deo la imala la kalulu maroka vituga eia.