¹ E Pita, eia la Aposel te Isus Kraist, ale goio tegiteu la mosi ale bubura, amuto la hilovila, tela baba tomi e Pontus, e Galatia, kapadosia, e Asia, me Bitinia. ² Aleie eia la mari kovula te Deo e tama gato, ale loio tela igolu la vimarokala tela kalulu maroka, tela iroromulila me tela kasoso la vipurula veila te Isus Kraist. la gilogo ge tamuto, me la tia madila tamuto ge bola uru sele. ³ La mogela mela visalela ge te Deo tama gatou me tela Uru e Isus Kraist! oilo tela gilogo ale uru sele, eia abitia gato la gauru la pigo halabala oilo tela tautaulailo loio tela hiliti rivula te Isus Kraist loio tela pileho. ⁴ Age tela vuliti ale eia raragi tiamu ale kama ge eia ropo, eia kama ge mumugu, me akama ge kokovu. eia taugale tiamu oilo la ilo lalage. ⁵ La bigomu te Deo magiri robo ti eme oilo tela tautaulailo mela mahulila ale raragi ti ge sibitala oilo tela tapasi la imamala. ⁶ Eme ge moge sele te aleie, mae eme oilo le ilo buruko sele tela tikumula ale usu pahi. ⁷ Ale a gomai ge tovolai la tautaulailo taume, ale eia tartigi peho sele me a muga la Gol ale marasa sele, ale la havi gutu tia. a sibitala mae la vuhula la tautaulailo taume ge visibitala la vavuala oilo visalela, ale marasa, mela tilogo oio tela igo matagagala te Isus Kraist. ⁸ Eme kama hilo eia, alamoli eme masaga eia, eme kama hilo eia igoe, alamoli eme tautaulailo oilo tetala eme moge mela sagela ale oilo la hatemu isa kama hiloa mea volu mela marasala. ⁹ Igoe eme lou abitila vavua la tautaulailo taume, la mahuli la kalumu, ¹⁰ Ge matamuli lou la mahulila aleie, egite Propet mera laha pala ti tela gilogo ale ge gomai taume, eme ge malopi tavu la pamulila eme ge gabutala muli tahoa. ¹¹ Egite pamulia via ge rovia erese la tahalo ouka la imala via la kalulu le Kraist ale oilo tegite ge turi mulia gite la rova eia veipala tia araura oilo la iligiligi te Kraist mela marasala ale ge tilimulia. ¹² A sibitala matagaga soio tegite via egite kama igogolu molia giteu, ouka emei, la imala egite meramera oio tela papaga aleie igoe egite igo matagaga tiamu loio tegite ale valolo la merera la lotu soio taume loio tela kalulu maroka ale loata la ilo lalage la papaga aleie egite la Angelo masaga sele via ge hiloa. ¹³ Tio amuto ge galiau robo la ilo la gabutala mutou. amuto ge mata rara, tau la tautaulailo tamuto oilo la gilogo ale ge vahari me tela imala ale e Isus Kraist ge guvi palala. ¹⁴ Amuto ge roromuli gulikiliki, umala tatau amuto soilo la masagala ale kama kora amuto tilimulia la imala amuto soloio paua. ¹⁵ Alamoli age mae sele la tahalo ale tola emei eia maroka, eme, tai, eme ge maroka sele oilo tala vulovulo mu tomi. ¹⁶ Egite kekesi tia," amuto ge maroka sele, la vuhula eau sele maroka viuviu." ¹⁷ Mae eme ge tola mae "tete" eia moli la tahalo ale ge mata mulmuli la igolula tela tahalo isasa tilimuli la imala tela tulugaluga taume mela tilogo. ¹⁸ Eme rovia tia mae akama mae la Silva ouka la Gol ale ge ropo ale eia loto rivu emei loio tela vulovulomu ale paua ale eme abia loio te tatama mutou. ¹⁹ Akama ge maele, e Kraist loto rivu tile emei la kasosola ale maroka, ale mae la Sipsip ale la mugu kama oio tetala. ²⁰ La hilovila oata ti te Kraist mamuga ti tela vipoupou tela mautula, alamoli aguvi pala somai taume omai tela tapapasila imala. ²¹ Loio moli tetala eme tautaulailo oilo te Deo, eia moli vahiliti rivu eia loio tela pileho me eia abiala la marasala, ila la tautaulailo taume mela gabutala ale vagari age oilo moli te Deo. ²² Eme ge igo maroka la kalumu oilo moli tela iromulila taume soio tela seselela. aleie age la vuhula sesele la gilogo taume tavu e tabaramu, ala eme ge masaga sele e tabaramu oilo tela hatemu. ²³ La piligo halabala taume, kama loio tela vavua ale ge ropo, ouka a loio tela vavua ale kama koramuli ge magoa, loio tela merera te Deo ale mahulili me akama koramuli ge kokovu. ²⁴ La vovo tomoli eia mae la galamasisi, me la marasala tetala eia mae la sese la garasi. la garasi ge tagara me la sesela ge puru, ²⁵ Alamoli la merera te la Uru ge tabuli la tapasila ouka." la merera eia la lotu ale valolo tila somai taume.