¹ Amuto e latatu, eau kekesi la papaga aleie somai tamuto la vuhula amuto umala ge igigo la iriru. mae la tahalo isa ge igo la iruru, etato soloio tahoka la tahalo ale ge magiri la bali gato ge kaka tegatou soio te tama gatou, e Isus Kraist, eia moli sekela matata, ² Eia moli ge viguvi la tia madila soio tela iriru tegato, kama tegato moli, tela mautu la magasa tomi. ³ Etato rovia mae etato gomai tige rovi eia, mae etato ge sautola la mera vagarila tetala. ⁴ Mae la tahalo ale vevei mae,"eau rovi e Deo" alamoli eia kama sautola la mera vagarila tetala ale eia la tahalo la vasigologolola, la merera la selela kama oilo tetala. ⁵ Alamoli la tahalo ale sautola la merera tetala, la seselela la gilogo te Deo matata sele ti oilo tetala. oilo tela ba ale etato rovia mae etato oilo ti tetala: ⁶ Mae ere isa vei mae eia magiri tola sele ti oilo te Deo tartigi eia ge tuga sele mae ale eia tatuga mae vola. ⁷ Eau masaga me, eau kama kekesi isa la mera vagarila ale halaba somai tamuto,ale la merera vagarila moli ale eme lolotia pala tela siloko la vipoupou, la mera vagarila eia la merera ale eme lolo tia, ⁸ Alamoli eau soloio kekesia la mera vagarila ale halaba somai tamutou, ale sele oilo te Kraist me oilo taume, la vuhula la maligoma oio hagavi ti ge kaluvu, me la matagaga ale sesele ge soko ti la matagagala. ⁹ La tahalo ale veia via eia oilo ti la matagaga alamoli eia kama masaga e tabarala ale eia soloilo la maligoma kara ti mae igoe. ¹⁰ La tahalo ale masaga e tabarala eia mou ti oilo la matagaga me la ba tela buroru kama oilo tetala. ¹¹ amoli la tahalo ale kama masaga e tabarala eia oilo la maligoma me eia tatuga oilo la maligoma; eia kama rovi la ba ale eia goio vola la vuhula la maligoma igo matakea ti la matala. ¹² Eau kekesi somai tamutou e latatu, la vuhula la Uru lube ti la iriru tamuto la vuhula tela isala moli. ¹³ Eau kekesi somai tamutou, e tatama, la vuhula amuto rovi ti la tahalo ale loio ti tela siloko la vipoupou. eau kekesi somai tamutou, e maure bisisi, la vuhula eme vagotalo ti la tahalo kama kora, eau kekesi ti somai tamuto e latatu, la vuhula amuto rovi ti e tama gatou, ¹⁴ Eau kekesi somai tamutou e, tatama, la vuhula amuto rovi ti ere loio tela siloko la vipoupou, eau kekesi somai tamuto e maure, bisisi, la vuhula amuto vagari ti, me la merera te Deo tabuli ti oilo tamutou, me amuto tai tatalu ti la tahalo kama kora. ¹⁵ Amuto umala ge masaga tavu la papaga la mautula ouka la papaga ale oilo tela mautula. mae la tahalo isa masaga tavu la mautula, la masagala te Deo kama oilo tetala. ¹⁶ La papaga tomi ale oilo la mautula---- la masagala tela vovo, la masagala tela milatalata, me la mahulila para osaosala, akama loio te tama gatou ouka ale a loio tela mautula. ¹⁷ La mautula vikapopo mela masagala tomi tetala tatuga ti ge kaluvu, alamoli la tahalo ale tilimuli la masagala te Deo ge magiri la tapasila ge ouka. ¹⁸ Amuto e latatu, ale la tapasi la imamala, mae moli ale amuto lolotia mae e Enti Kraist ge gomai, igoie egite Enti Kraist omai ti. me oilo moli te aleie etato ge rovia mae ale la tapasila la imamala. ¹⁹ Egite gali lomai tegatou, alamoli egite kama lomai tegatou. mae egite ge lomai tegatou me egite ge pou moli omai tegatou, alamoli la imala egite tuga taro etatou, a vahililoa gato mae egite kama lomai tegatou. ²⁰ Alamoli eme abiti la abirila tela kalulu maroka loio tela tahalo ale maroka viuviu, me amuto tomi rovi tia. ²¹ Eau kama kekesi somai tamuto via amuto kama rovi la merera la selela, ouka la vuhula amuto rovi tia me la vasigologolola isa kama oilo la merera la selela. ²² Ere isa la tahalo la vasigologolola me la tahalo moli ale tahi taro e Isus Kraist? la tahalo alele eia e Enti Kraist, la imala ale eia tahitaro e Deo tama me e latula. ²³ La tahalo ale tahi taro e latu la tahalo kama koramuli ge tahoka e tamala. me erese la tahalo veipala e latula me eia ge tahoka tia e tamala. ²⁴ Aleie a taume, la rova eme lolotia loio tela silokoloko age tabuli oilo taume. mae la rova eme lolotia loio tela silokoloko age tabuli oilo taume, tio eme ge magiri oilo te latula me oilo te tamala. ²⁵ Ale la vei selela ale eia abitia gato---- la mahulila ale la tapasila ge ouka, ²⁶ Eau kekesia muto la papaga aleie eau gabutala egite ale soukage vituga gale amuto. ²⁷ Aleie a taume, la vagarigarila ale eme abi tia loio tetala age tabuli oilo taume, ala eme kati lou ge abi isa la tahalo ge vimari eme. la vuhula la vagarigarila moliti ge vimari le eme la papaga tomi ale sele kama la paga ele ge vasigolo, age mae moli ale eia vimari ti le amutou, magiri oilo tetala, ²⁸ Ala igoe, gulikiliki, magiri oilo tetala la vuhula la imala eia ge guvi palala e tato kama ge mahela oio tela matala la imala eia ge gomai, ²⁹ e eme rovia via eia moli matata, me eme tai ge rovia mae egite tomi ale igigo la paga ale matata egite guvi halaba loio tetala.