¹ Ale loio ti tela siloko la vipoupou--- ale amite lolotia, ale amite hilo selela la mata miteu, me ale amite hiloa me la lima mite pilau taia---- gabutala la merera la mahuli. ² Oio tai la mahulila igo matagagea, amite hilo taia, me amite magiri tela veiselela soio vola. me amite vikara matagaga soio tamuto la mahulila ale la tapasila ge ouka, ale vikapopo me tama gatou, me ale igo matagaga tia somai tamite. ³ Eia moli ale amite hiloa me amite loloa me eia moli amite veipla la isala somai tamuto, ala amuto tai ge vikapopo le amiteu, la lotu vikapopola tamite a vikapopo me tama gatou me latula, e Isus Kraist. ⁴ Ala male, amite kekesi la papaga ale somai tamuto la vuhula la sagegela tamuto ge viruru. ⁵ Ale la merera ale amite loloa loio tetala ala amite valolola somai tamutou: e Deo eia moli la matagaga, oilo tetala la maligoma isa golgolo kama oio. ⁶ Mae etato ge veia via etato lotu tomi le eia alamoli etato soloio tatuga oilo la maligoma, ale etato vasigologolo me etato kama tovolaia ge tilimuli la seselela. ⁷ Alamoli mae etato ge tuga oilo la matagaga mae ale eia oilo la matagaga, ale etato lotu vikapopo me le tabarabara gatou, me la kasoso le Isus e latula vimaroka ti etato loio tela iriru tomi. ⁸ Alamoli mae etato veia via etato kama tahoka la iriru, ale etato vasigologolo lou etatou, la seselela kama oilo tegatou. ⁹ Alamoli mae etato ge veipala la iruru tegatou eia tautaulailo sele ge vimaroka etatou loio tela iriru tomi ale kama matata. ¹⁰ Mae etato ge veia via etato souka igo isa la iriru, etato igo eia sogala mae la tahalo la vasigologolola, me la merera tetala kama oilo tegatou.