¹ Ari Yesus lehad luwimmo in mat araq ame haiqta ahol tuwan. Mat na anen agemab nazaqmo gwahtimta. ² Ahol waqsa in ago disaipel era tisusumun ugiy. Tisa haqiy nog diq daq meqinta eman mat ka anen agemab usadmo ame hiqiy? haqiy.Mat kaqmo daq meqinta am o haiq in anen amam daq meqinta emiy? haqiy. ³ Haqan Yesus amenin emim gibilan, Mat ka daq meqinta a hi am ham. Ta in anen amam daq meqinta a hi emiymo ham. Haiqgam ham. Mat ka aholib God ago kabiy emid ulal iysa on mataw ahol waq kem daqay haqad in ame hiqiyta ham. ⁴ Muran saw tihastitayan usaq ham. Sa i mat ya iqeman bolta na ago kabiy saw anuwanibmo emuq ham. Tarom teq tiqiydaq ham. Iyid teq mataw kabiy araq a hi em daqay ham. ⁵ Ya og kab osad ago saw anuwan iyim osaiqta ham. ⁶ Haqadmo in ogib kusluwim og inaq buliyim in waqim mat ame haiqta na ameqnagnib tiqam. ⁷ Emadmo in bulon,Ni leheq yuw akurorqanta anan Silowam haqayta nab ni nime ahol ham.( Gamuk Silowam na alulin in kazaq, "Eman leah" haqayta.) In nazaq bulonan mat ame haiqta na lehim ame tisuhol. Suholim ame tihastitayan in saw ahol tuwaq kemadmo muleqim ta bol. ⁸ Bolon ago uliqab walmataw teq mataw kwaziqmo in mani anan sun negsa ahol waqiyta na tibilaqiy, Ezaq? haqiy. Mat danib mani anan sunad osyaqta na amatin kawaqmo daqag haqiy. ⁹ Haqan asor'Eqe' haq yaqay. ka mat naqmo daqag haq yaqay. Sa asor 'Haiqgam' haq yaqay. ka in mat naqmo nogta teq ka in mat ta araq haq yaqay.Haqsa mat na bilaqyaq,Ka yaqmo haqyaq. ¹⁰ Haqsa teq mataw na tisusumun ugiy, Ta ni ezaq tonim nine na dimniy? haqiy. ¹¹ Haqan in gibilan, Mat anan Yesus haqayta na ogib kusluwim og inaq buliyim in waqim ya imeqnagnib am ham.Emim in ya ibilan, Ni leheq yuw Silowam- ub nime ahol haqad in bilam ham. In nazaq gibilenan ya le ime buolan tidimniy ham. An muran ya saw ahol tuwaqdaiq ham. ¹² Haqan mataw na buloniy, Ta mat na edowa? haqiy. Haqan in bilam, Yowo ham. Ya a hi hurit ham. ¹³ Haqanmo mataw na in mat ame hiqiyiy osta na waqim ad Farisi gigo hib tilehiy. ¹⁴ ( Na Yesus ogib kusluwim og inaq buliyim in waqim mat na ameb eman ame hastitayta na in Juda gigo lotu akamnib kabiy na amta.) ¹⁵ Nazaq iyan Farisi in mat na tisusumun ugiy, Ni nime ezaq diq tonim dimniy? haqiy. Haqan in gibilan, Mat na ogib kusluwim og inaq buliyim in waqim ya imeb am ham.Eman ya le ime suholim ya saw tuwaqdaiq ham. ¹⁶ Haqadmo Farisi asor bilaqiy, God mat na eman a hi bolta haqiy. In i gigo lotu akaman ago gunun a hi muzinaqta haqiy. Haqsa ta asor bilaqiy, Ezaq tea mat aholib daq meqinta usaqta na in anad Emsamo daq azawayin inaq kazaq gwahtiqdaq? haqiy, Farisi nazaq haqad in gimo gihol Husserin dauh giger tiqiyiy. ¹⁷ Nazaq iyan Farisi in mat ame hiqiyiy osta na a ta susumun ugiy,Ni mat nime eman hastitayta na anan ninad ezaq emaq? haqiy. Haqan in bilam, Mat na in God ago nantut araq ham. ¹⁸ Ari Juda mataw na in mat na ame haiqmo osim teq ame dimniyta na anan helmo a hi haq yaqay, Nazaq iyan in mat ame dimniyta na anen amam gimen nan eman in tuwoliy. ¹⁹ Bolan in susumun negim gibileniy,Ka ne giger itatin e? haqiy. Ka ne ame haiqmo emiyta te? haqiy. Ezaq tonim in saw ahol tuwaqaq? haqiy. ²⁰ Haqan in anen amam gamuk amenin emim bilaqiy,Ka i giger gigo amunta haqiy.Teq in ame haiqmo i emta haqiy. ²¹ Ta teq muran in ezaq tonim ame saw ahol tuwaqdaiqta na ago i a hi hurit haqiy. Ad nog diq in ame eman hastitayta na i a hi huritamo haqiy.Ne inmo susumun ugiy haqiy.In mat ayah tiqiyta haqiy. Inmo aholmen gamuk tibilaqdaq haqiy. ²² Mat na anen amam in Juda mataw aseseqta na ginan rabad iyan in nazaq bilaqiy.Na ezaqgo Juda mataw na tekomo an adugan wazim bilaqiy. Mat araq Yesus anan Krais haqid teq na i bit humab wolayta muzid in i ginad lotu a ta hi emdaq haqad in bilaqiy. ²³ Nan asen naqmo ago mat na anen amam bilaqiy,In mat ayah tiqiyta haqiy. Ne inmo susumun ugiy haqiy. ²⁴ Nazaq iyan Farisi in mat ame hiqiyiy osta na gime gigerta bulonan bolan in buloniy, Ni God amomo abin wazid eraqsa teq ni gamuk heltaqmo i gibilen haqiy. I mat na ago tuhurit haqiy. In daq meqinta emaqta haqiy. ²⁵ Haqan mat ame dimniyta na in gigo gamuk amenin emim gibilan, Mat na daq meqinta emaqta o haiqta na ya a hi hurit ham. Ya nagah amulikmo ago hurita na in kazaq ham. Kwaziqmo ya ime haiqmo osta teq muran ya saw ahol tuwaqdaiq ham. ²⁶ Haqan mataw na buloniy,Mat na ezaq diq gitenan teq ni nime hastitay? haqiy. ²⁷ Haqan in gibilan, Ya tigibilenta teq ne huritan gituw hiqiyaq ham. Ne ginad ezaq diq emad ne a ta huritan bilaqay? ham.Ne inaqmo ingo disaipel iynan haqad ne susumun yagay ye? ham. ²⁸ Haqan Farisi in mat na bilawuniy buloniy, Ninmo in ago disaipel- ta haqiy. Ari igmo Moses ago disaipel- ta haqiy. ²⁹ God in Moses-mo gamuk bulonta naqmo ago i tuhuritta haqiy.Ta teq mat nawa na in edob bolta na i a hi hurit haqiy. ³⁰ Haqan mat na in Farisi gigo gamuk amenin emim gibilan, Ne gigo gamuk nawa ne bilaqayta na in lul araq diq ham.Mat na edob bolta na ago ne a hi huritayta teq in ya ime eman tihastitay ham. ³¹ God in mataw daq meqinta emayta giwaz a hi huritaqta ham.Na ago i bunmo tuhuritta ham. Ari mat God abin wazinad anad muzinsa teq God in aqez tuhuritta ham. ³² Kwaziq diqmo og mutur gwahtimta nab iyim bolim bo muran kam kab aw araq amun ame haiqta eman teq abeb mat araq in ame eman hastitayta na awagamun araq diq i a hi huritta ham. ³³ Ari God in mat na emid a hi bolta iyid in daq araq a hi em nagta ham. ³⁴ Haqan mataw aseseqta na amenin emim buloniy, Ni ninan niqamta nab ni daq meqinta emad luwim bo muranmo haqiy. Ni mat nazaqta iyim osadmo ni i suleq igaq e? haqiy. Haqadmo in mat na baymuzan tilah. ³⁵ Ari Farisi mat na baymuzan lahta na ago Yesus huritim in mat na nagunim le ahol waqad tubulon, Ni mat Atatin anan helmo haqaq e? ham. ³⁶ Haqan mat na bilam, Mat ayah ham, Mat Atatin na nog? ham. Ni ya ibilenid teq ya in anan helmo tihaqdaiq ham. ³⁷ Haqan Yesus bulon, Ni mat na ahol tuwan ham.Mat na muran ni ninaq gamuk emaq kaqmo ham. ³⁸ Haqan mat na bilam,Iyahta ham ya ninan helmo tihaqaiq ham. Haqan in abakbakan ulum laquwim turad Yesus abin tiqiluw. ³⁹ An Yesus bilam,Ya mataw gilum kemnan haqad og kab bolta ham. Gilum kema mataw gime haiqta na saw ahol tuwaq daqay ham.Sa mataw bilaqay, I saw ahol tuwaqdaiq haqayta na in gime tihiqiydaq ham. ⁴⁰ Haqan Farisi asor Yesus agerab turad gamuk na tuhuritiy. Huritim in Yesus buloniy, Ezaq? haqiy. I inaqmo gime hiqiyiy osauqta te? haqiy. ⁴¹ Haqan Yesus gibilan, Ne mataw gime haiqta iyeq teq ne gigo daq meqinta na amenin a hi waq nagiy ham.Ta teq ne bilaqay,I gime saw waqauqta haqayta ham. Nazaq iyan ne gigo daq meqinta na giholib us tutsa ne teq amenin tuwaq daqay ham.