¹ Mataw bunmo gibit gibit tilesamo Yesus garah anan Oliv haqayta nab tilah. ² Lehim usim tarommo diq in eraqim Tempel-ib a ta lah.Lehan nab on mataw bunmo in ago hib bolan in os woqim osad suleq tineygaq. ³ Suleq negsa mataw Moses ago gunun hurit kemiyta na asor giyogniz Farisi asor nenaq in aw araq wazim a boliy.Aw na aduw ame titonim le mat araq inaq ussa in ahol waqad waziyta.Wazim a bolim in liqabmo on mataw bunmo gimeb eman titur. ⁴ Tursa mataw aseseqta na Yesus buloniy,Tisa haqiy,aw ka aduw ame titonim le mat araq inaq ussa i ahol waqadmo i wazim ningo hib a bol haqiy. ⁵ God ago maror Moses igta na bilam,Aw kazaqta ka amalib gig hunegid in moqan haqad in bilam haqiy.Ari teq ninmo ezaq haqad?haqiy. ⁶ Mataw na Yesus ulum waqnan haqad nazaq buloniy,Yesus daq Ahol waq kemeq teq ni ninad em hasdaq haqiy.God ago nantut araq saw Galiliy-ib gwahtiqdaq nazaq in a hi usaq haqiy.Hikidik haqiy.na agamukan bilaq kireh tonid teq in nan na ginuwid amalib gwaldaq haqad.Teq haiq.Yesus ahol holosan woqan abakbakan ulum laquwim in abenab mar ogib tiqemyaq. ⁷ Emsamo mataw aseseqta na Yesus a ta susumun ugsa Yesus eraqim turad tigibilan,Ne gilikmanib nog diq in aholib daq meqinta haiqta naqmo in amen gig hunegan ham. ⁸ Haqad in ahol hulsan ta woqan in ogib mar a ta emyaq. ⁹ Emsa mataw na in ago gamuk na huritim in amulik-mulikmo hulosadmo tileh yaqay.Mataw marorta na ameb lehsa ta biyahta na abeb lehiy.In tileh bugan teq aw na amomo Yesus anognib tur. ¹⁰ Tursa Yesus eraqim turad tubulon,Neng ham mataw nimalib nan emiyta na edowa? ham.Mat araq nimalib nan emdaqta kabag turaq e? ham. ¹¹ Haqan aw na bilam,Mat Iyah ham araq diq kab a hi turaq ham.An Yesus bilam,Ya inaqmo nan a hi nigdaiqmo ham.Ni leh ham.Ad abeb ni daq meqinta na ta hi em ham. ¹² Ari Yesus in no mataw ta gibilenim in kazaq bilam, Yaqmo go ka saw anuwan ham. Mat ya imuzeq boldaqta na in romriqab a hi luwdaq ham. Haiq ham. In ya inuwanib in kayeqmo tuqosdaq ham. ¹³ Haqan Farisi gamuk an huritim in Yesus buloniy, Ni nimomo nihol anan bilaqaq haqiy. Mat araq nisen baysihim gamuk a hi emaq haqiy. Nazaq iyan ningo gamuk na in helta a hi haiq haqiy. ¹⁴ Haqan Yesus amenin emim gibilan, Helmo ham ya imomo ihol anan bilaqaiqta ham. Ta taq yaqgo gamuk ka in heltaqmo ham. Teq uliq edob ya lehdaiqta na ya tuhuritmo ham. Ari ne yaqgo uliq diqmo ago hi huritayta ham. Ad ya edob lehdaiqta an ne a hi huritaymo ham. ¹⁵ Ne mataw og kabta gigo ginadta amalib mataw gilum kemayta ham. Yaqmo mat araq a hi ulum kemaiqta ham. ¹⁶ Ari teq ya mat araq ulum kemnan haqad an ya imomo mat na nana a hi bilaqdaiq ham. Haiq ham. Ya imam iqeman bolta na inaq i araqibmo nan na bilaqamta ham. Nazaq iyid i gigo nan in heltaqmo iydaq ham. ¹⁷ Negmo gigo meror bilam, Mataw giger an ulumsiheq nan amulikmo bilaqid teq nan na in heltaqmo tiqydaq haqad in bilam ham. ¹⁸ An nazaqmo ya iholyon gamuk bilaqsa ya iman iqeman bolta na in ya iyon gamuk bilaqaqtamo ham. ¹⁹ Haqanmo Farisi buloniy, Ta ni nimam edob osaq? haqiy. Haqan Yesus bilam, Ne yaqgo a hi huritim iyan ne ya imam ago a hi huritaymo ham. Ari ne yaqgo huriteq teq ne ya imam ago tuhurit daqaymo ham. ²⁰ Yesus Tempel-ib bit adugan mani eman usta uab osad in on mataw suleq negim gamuk na gibilanta. Gibilensa araq diq bolim Yesus wazim a hi irqur. Na ezaqgo Yesus ago kam a hi gwahtiqsa iyan na ago in a hi waziy. ²¹ Ari Yesus a ta gibilenim bilam, Ya ne gihuloseq tilehdaiq ham. Lehid teq ne ya inagunad tiluw daqay ham. Luwad ne gigo daq meqinta ne giholib soqoteq ussamo ne inaq tmoq daqay ham. Moqeq ya lehdaiqta nab ne a hi leh daqay ham. ²² Ari Juda mataw aseseqta na in gamuk na huritim in gimo an bulonim bilqiy, Ezaqgo in i ginan bilam, Ya uliq lehdaiqta nab ne a hi leh daqay ham? haqiy.Luweq inom ahol wol emid moqdaqta na ago in bilaqda haqiy. ²³ Haqsa Yesus gibilan, Ne mataw og kabta ham. Teq ya ulilibmo osim gehitiyta ham. Ne gibe alulin og kab usaqta ham. Teq ya ihol alulin og kab a hi usaq ham. ²⁴ Ya ne gibilenim, Ne gigo daq meqita ne giholib sogoteq ussamo ne inaq tumoq daqay hayta ham. Ne ezaqgo ne ya inan helmo a hi haqeq teq ne gigo daq meqinta ne giholib ussa ne inaq tumoq daqayta na ago ya nazaq gibilenta ham. ²⁵ Haqan amtaw na susumun ugim buloniy, Ni iog? haqan. Haqan Yesus gibilan, Ya kabiy alulin emim gibilenim gibilenim boltim naqmo ham. ²⁶ Yaqgo gamuk kabemmo ya ne ginan bilaqdaiqta usaq ham. Ad Ya ne gigo daqmeqinta kabemmo gilum kemeq ginan bilaqdaiqta usaqmo ham. Nazaq iyan ya in ago hib nan huritta naqmo amlib ya on mataw og kabta gibilenaiq him. ²⁷ Ari Yesus ni amam anan gibilensa mata na ginad a hi em has yaqay. ²⁸ Nazaq iyan Yesus gibilan,Ne Mat Atatin Wazid eraqeq tursa teq ne yaqgo tuhurit kem daqay ham. Ya daq araq inagdib a hi emiqta ham.Ya gamuk kagan bilaqta ka ya imammo isihunan ya bilaqaiqta ham. ²⁹ Mat ya iqeman bolta na in ya niaq osauqta ham. Osad ya tutimmo in anad muzim daq emaqta ham. Nazaq iyan in ya ihulosan ya imomo a hi osaiq ham. ³⁰ Yesus gamuk na bilaqan on mataw kabemmo huritim anan helmo tihaqiy. Gamuk helta naqmo in on mataw giqamun hasid in samanmo tiluw os daqay. ³¹ Ari Yesus in Guda on mataw in anam helmo haqiyta na gibilenim bilam,Ne gituw a hi hiqiysa yaqgo gamuk muzinad yaqgo gamuk muzinad teq na yaqgo disaipel-mo diq tiqiydaqay ham. ³² Ad ne yaqgo nan helta an ago ginad tiqem has daqaymo ham. Ginad em hassa nan helta naqmo ne giqamun hasid ne samanmo tiluw os daqay ham. ³³ Haqan mataw na amenin emim bilaqiy, I Abraham ago anaynayniz asor kawa haqiy. I mat araq ago kabibiy mataw samanta a hi osauq haqiy. Ni ezaq haqad i ginan bilam,Ne giqamun hasid samanmo tiluw os daqay ham? haqiy. Ni nazaq bilaqsa i ginad a hi em hasauq haqiy. ³⁴ Haqan Yesus in gigo gamuk amenin emim gibilan,Ya helmo ne gibilenaiq ham. Mat daq meqinta emaqta na in daq meqinta naqmo ago kabibiy mat samanta iyim osaqta ham. ³⁵ kabibiy mat in ago ayahta ago bitab tuteqmo a hi osdaqta him. Ari mat ayahta na atatin teq in amam ago bitab tuteqmo tuqosdaqta ham. ³⁷ Nazaq iyan Mat Atatinmo ne giqmun hasid teq ne saman diqmo tiluw os daqay ham. Ne Abraham ago anaynayniz osayta na ya inad emaiq ham. Ta taq yaqgo gamuk ne gigemab usdaqta na abnan haiq ham. Nazaq iyan ne ya inol emid moqgo adanteqin nagunay ham. ³⁸ Ya imam ago hib osad nagah ahol wayta naqmo ago ya bilaqaiqta ham. Sa nazaqmo negmo gimam giblanta nazaq ne daq emaytamo ham. ³⁹ Haqan Juda mataw na amenin emim bilaqiy, I gimam abraham-mo haqiy. Haqan ta Yesus gibilan, Ne Abraham atataniz daq iyeq teq Abraham daq emyaqta nazaq ne em nagiymo ham. ⁴⁰ Ya God ago hib gamuk helta huritta naqmo gibilensa ta ne ya inol emid moqgo adanteqin tinagunay ham. ⁴¹ Ne gimam diq ago daq ne muzayta ham. Haqan mataw na bulonaiy, I ginenan in danatab mataw ginaq daq meqinta emad luwim i a hi giqemiy haqiy. I gimam amulikmo na God-mo haqiy. ⁴² Haqan ta Yesus gibilan, God in ne gimam diq iyid teq ne ya inan ginad bilaq nagiy ham. Na ezaqgo ya God inaq osim teq ya bolim kawa osaiq ham. Inmo ya iqeman bolta ham. Ya inadibmo a hi bol ham. ⁴³ Ne ginad soqotim ussa ne yaqgo gamuk anan helmo a hi haqayta ham. Nazaq iyan ne yaqgo gamuk ka huritim ginad a hi em hasay ham. ⁴⁴ Ne gimam satan alulibmo ne gwahtiqiya ham. Nazaq iyan ne gimam na ginad emayata ham. kwaziq diqmo satan muturgwahtimta nab in mataw ginol emim bo muran kawa tiqataq ham. In daq helta a hi muzinaqat ham.Na ezaqgo in a holib daq araq helta haiqgam ham.In nan katiyta anamren ham. In aholib nan katiy tamo ussa iyan in nan katiyta naqmo bilaqad luwaqta ham. ⁴⁵ Nazaq iysa iyan ya nan helta gibilensa ne anan helmo a hi haqayta ham. ⁴⁶ Yaqgo daq meqinta edowa? ham.Ne gilikmanib nog bilaqdaq? ham.Ari ya nan helta bilaqsa teq ta nagaqgo ne yaqgo nan na anan helmo a hi haqay? ham. ⁴⁷ On mataw God alulib gwahtiqiyta na in God ago gamuk huritayta ham.Ta ne God alulib a hi gwahtiqyta na ago ne God aqez a hi huritayta ham. ⁴⁸ Ari juda mataw aseseqta na in Yesus ago gamuk amenin emim bilaqiy, I bilaqauq. Ni i gibabun bugaw meqinta usaq haqauqta na in helmo diq haqiy. ⁴⁹ Haqan ta Yesus amenin emim bilam, ya Bugaw meqinta haiqgam ham. Ya imammo abin wazinad luwaiqta ham. Ta teq ne ya ihol abin bilawunaiqta ham. ⁵⁰ Yaqno ihol abin ayah iydaq haqad ya kabiy a hi emaiqta ham. mat araq ya ibin emid ayah iynan anad bilaqsa nawa osaqta ham. Mat naqmo teq I tigilum kemdaq ham. ⁵¹ Ya helmo ne gibilenaiq ham. On mataw yaqgo gamuk muzin daqayta na in a hikidik moq daqay ham. ⁵² Haqan Juda mataw na buloniy, Muran ningo tuhurit kemaiq haqiy. Hel diqtaqmo ni niholib Bugaw meqinta usaq haqiy. Ta teq ni bilam, On mataw yaqgo gamuk muzin daqayta na a hikidik moq daqay ham haqiy. ⁵³ Ezaq? haqiy.Taq ni Abraham uriyamaq e? tumoq bugiymo haqiy.Ni nihol anan ezaq daq haqad nazaq bilaqaq? haqiy. ⁵⁴ Haqan Yesus bilam, Yaqmo ihol abin iluwad teq ya ibin na ayah a hi iydaq ham. Ta teq ya imam inmo ya ibin iluwaqta ham. Mat ne anan bilaqay, I gigo God haqayta naqmo in ya ibin iluwaqta ham. ⁵⁵ Ta teq ne ya imam ago a hi huritayta ham. Ari yaqmo in ago tuhurit kemay ham. Ya in ago a hi hurita nazaq ya a hi bilaqdaiq ham.Ya nazaq bilaqeq ya mat katiyta ne ginadmo tiqiynag ham. Teq ya God ago huritim ya in ago gamuk muz bugaiqta ham. ⁵⁶ Ne gises Abraham in yaqgo kam ka ahol waqnan anad ayahmo bilamta ham. Ad in yaqgo kam ka ahol tuwaqim in agem dimun diqta iyaq ham. ⁵⁷ Yesus nazaq bilaqanmo Juda mataw aseseqta na tubuloniy, Ningo uliq 50 nazaq a hi iyaq haqiy. Ni ezaq tonim Abraham ahol wam? haqiy. ⁵⁸ Haqan Yesus gibilenim bilam, Ya helmo ne gibilenaiq ham. Abraham a hi gwahtiqsaqmo yaqmo tuqosta ham. ⁵⁹ In nazaq Haqan mataw na gig waqim Yesus amen hunegeq wolnan tonsaqmo in gimeb ulilemim Tempel ago gel asan ban gwahtiqim tilah.