1 Una dainai varavaragu helagamui, Basileia boiboina vada e ahulaimui, Iesu balaloa, ahediba tauna bona hahelaga tauna ai vada ela dika igwau taona. 2 Ia na eabia hidi tauna enai e heabidadamava, bona Mose Dirava ena rumai e heabidadamava hegeregerena. 3 Badina be ia ese hairai namo hereana eabia Mose ena ehereaia, hegeregerena ruma ikarana tauna e matauraia bada a ruma be sibona, 4 ruma iboudiai ikaradia na mai taudia, to gau iboudiai na Dirava ese e kara dia. 5 Mose eabidadamava, hesiai gaukaradia e karava Dirava ena ruma idoinai lalonai, badina bae gwaurai gaudia iboudiai bae herevalai dia vairai. 6 A Keriso eabidadamava natuna enai daika be Dirava ena ruma ehabiagulaia, ita na ia ena ruma, bema ita baita haheauka momokani bona eda helaro ai baita heagi. 7 Una dainai, ina na Lauma Helaga e tomu, "hari dina ai, bema oi na ia gadona ba kamonai 8 kudoumui basio ha-auka, o dadaraia tano gagaenai o tohoa neganai. 9 Unuseni ai umui tamamui ese lau e tohogu, bona lau egu gaukara e ita lagani haria-hui. 10 Una dainai unu taudia ediai na badu. Lau nato, `Idia nega iboudiai kudou dia e kahu, bona idia na egu dala asie diba.' 11 Ina na egu badu ai na hereva: "Idia na egu laga-ani ai na basie vareai diba." 12 Nahuamui ba toho, varavaragu, badina be umui ta ese kudoumui dika dia daidiai, Dirava basio ura henia. 13 A dina iboudia ai ba hahealo heheni, ela bona e boirimu, "hari dina," una ese umui ta bogaragimui ai kara dika ena koikoi ese lalomui basine ha-auka. 14 Badina be ita na Keriso ida ta hebamo, bema ita na eda heabidadama baita kahua tarikatarika amo bainela dokona. 15 Ini daidiai vada e hereva, "hari dina, bema oi na ia gadona o kamonaia, kudoumui basio ha-auka, basio dadaraia," 16 badina daika ia gadona o kamonaia bona o dadaraia? O idia iboudiai be dia Mose ese Aikupito amo sehakau dia lasi a? 17 A daidia ia ese e badu henidia lagani-haria hui? asi e kara dika taudia, mase tauanidia, tano gagenai. 18 Bona daidia ia ese egwau hamata henidia taudia na ia ena laga-ani ai basie raka vareai, a daidia egwau ede-ede taudia a? 19 A itaia idia na asi edia kamonai dainai asi e raka vareai.