¹ 1 Pooro,Iesuro hivo'a mere papui Iehova nioika via Sostene nimo nianaamui , ² Koronti ado Iehova painaida ii'aumoTanamotoi Iesuro taana ma e'idiou moiri idodiai uubi via tuunioha Iesu nimo Paidubuito ahooumo vati vatiida. ³ Nimo Abiai Iehovaire via Paidubui Iesuire, niiti miaire via mioire nio rautu ita oo'a. ⁴ Mo tunioha hivioi Iehovaido keito vade niaidioka,nuu miai Iesuado nio imohairi. ⁵ Ka Iesuado niori tuunioha naanaida modobo pidodiai,tuunioha ooradueidaire via tuunioha uumoidaire. ⁶ Ia'aida Iesuado nio tuiaida iorododiaimoi naanai koko tauo pii'iumo. ⁷ Ka nuurika nioado uriio oroi'ioi orovabai ata bia oromotii kaumo Iesuro naana idodiairi oromoti diodioumo everai. ⁸ Nuuro nio pupuo ivaidioi ouka ivodauo oropoi'oito mabu Paidubui Iesu oou hivio mabuida nio naa ataado ibu'ioi bia oukaumo. ⁹ Iehovaro nuu merei Iesu gurupui goroida e'idioumo uubi dodo ii'i bia ouka. ¹⁰ Nianaamuo doo'ou nio ainimaaka, Paidubui Iesu painaida nio ee aroo kaumo iida himia himia e'idioi nio tuiaida oo'aute ii kopiha ma oroobai kaa'ubuo iraromoire via kaa'ubuo ododiai rautu. ¹¹ Moo nianaamuo,nio mooro uumo tauo pinii'i. Himia himia uubiiri nio atuu uumoi rautu bia e'idio kaumo . ¹² Ihu everai nooradueka,nio mereatairo arooika ''Mo Pooro rautuka,'' atairo arooika,''Mo Aporosi rautuka,''atairo arooika,''Mo Kefas rautuka ,''atairo arooika,''Mo Iesu rautuka .'' ¹³ Iesu agoromote autiumo. Pooro noori agaiaumo. O no oboi Pooro painaida agovoru ooumo. ¹⁴ Mo Iehovaido keito narooka mabu mooro nio mereata obo ovoru'oo biaka,ii Krispasra Gaiusra. ¹⁵ Kaida mereataro tana arooka ihu everai,no moo painaida povoru'ooumo oboi. ¹⁶ Stefenas motoi uubi rautu via mooro obo tauo pinivoru'o.Aa'o ipiida mo miaha uumo biaka uubi aamia obo anivoru'o. ¹⁷ Iesuro mo obo ivoru'outiiri otiodai biaka inai oroi'ioi vadei manooraduutiiri pinotiodai- uumohi'a vadeipito biaka mabu Iesu satauroi eraara tataha tana oo'aka. ¹⁸ Ihu oroihiumo uubiido satauroi hapuoi ooraduei mamaa naaka, ii Iehovaro oroi'ioi imee'a uubiido ia'aaida nuu eraaraika. ¹⁹ Tauo pi'atiumo,''Mooro mia iraromo uubii uumoi imotee'auti nouka via uumo uubii naana tana ova'ati kaumoiri nii iivahirutii nouka''. ²⁰ He'eera mia iraromo merei. He'eera uumoi gorohi'ai rautu e'idio merei. He'eera ihu hepu geemai uubii hobou naanai imoaduuti merei. Iehovaro ihu hepugeemai uumoi agovehe'ai avaavoito ma oo'airi. ²¹ Hepugeemai Iehova uumoi goroida oo'a modoboi niiro nuu uumo ii'iumo biaka,vadei orohaito ieidaimoi uubiido Iehova gee'ika nii oroi'ioida ma ideeairi. ²² Jiu uubi nioka naanai oobodii beha ma oobodiumo iivia Guriiki uubi naana idodiai uumoi ioho kaumo. ²³ Nimo via Iesu satauroida iihiai odii nimoaduuti kaumo. Jiu uubiido eremaa'iiti naa vadeka ii Guriiki uubiido oorio oorio naa vadeka . ²⁴ Inai niitiado Iehovaro bo'uio iaho, ka Iesu odii niido Iehova ne'ei eraaraika via Iehova ne'ei mia ooradueika. ²⁵ Iehovaido mamaa nai uubiido miaka, via nuuido ha'ima dohobo eremahibidio nai uubiido pupuo naaka. ²⁶ Nianaamuo, nio vioi aha mairaromoi.Nio uumoito naana idodiai uubii hiirohi'aro e'idioumo biaka mabu duupii oroi'ioito e'idiou moiri. Eraara hi'a rautui atuu everaika hiirohi'aro e'idioumo biaka. Uumo paipai femli ado atuu everaika hiirohi'aro ooumobiaka. ²⁷ Inai Iehovaro hepu geemaida mamaaha ii'a naanai aipirubomai mia e'idio oroi'ioi hiipo ma ovairi.Pupuo tataha naanai rautu via aipiruubomai mabu pupuo e'idio oroi'ioi hiipo ma ovairi. ²⁸ Iehovaro hepu geemaida gorohi'a naanaire via uubii ha'ima naanai piruubomai via oodaida ii'a tataha naanaire mabu atana tana orododiaika. ²⁹ Mabu duupi ata Iehova oohoida hobou tana orohodoka. ³⁰ Inai Iehova ne'ei mia iraromoi Iesu ne'eida oo'airi nimo nuu nioi daaka,mia hi'aire,taana hi'aire,via horahi'a e'idioire. ³¹ Ka nuuri ii'a everaika,''Oroviourio merei Iesu nioida moroviourioka''.