1 Aira oroe,a'a mo namea oparai piriane,avaeai rokoa iki ene vairu kavai u imane.Ni nane'e maika mi,ou voanu miki avaea upu u ni ama ua nikava ka'a pea. 2 A'a mo nu mu'u monou iki'i uaki mo Eloi nu mupu kauoki. 3 Uku a'a moa lae kora'a u pei moane ua oea lia ka'a pani,u u'u e'e monou euae oparai rokoke. 4 A'a monou monou u e'e iaki more more oka,mo kapoi u iakinu ima mo lipi ua monou kurua ka'a mo a'a moau ama airia lia ka'a pea. 5 Uku enei uriria ene mu'u eneia monou uakia ka'a. 6 Pamea mia a'a u pei ima uriria u ipokia a'ane auaku navai. 7 Ouae e'e apa rokoai.Eloi lori a'a pea,a'a u oima ae,u mo'oko kaupu kia ka'a. Uku a'a u rokoa laruai oi peima aeano,namea rokoa mere lipi ovara varomo ikiri manea ka'a.Koa u iri uru avaea ia'a laruai aeaka oia,ou avaeau mere opai rokoa mia ka'a. 9 Pa eapa liai ene ima laruai,pani ima moe ene kaupu kia ka'a uru ima navai,eneia eapa liape liane. 10 Kapoi,oka ima mia pani,a'a uriria ima ekavai, ia'a lia vake pirima rokoa laruai rokoa iki. 11 Oi na eve mikia ni kikiri nie omoro. 12 Ko'o oroa oro lae miki kape inamu ima miki'i oiai lae ria omu lae miki akuru liai.Oro ei voa monou liako a'ana ea'a kore uku amuanu iri keoa eiai. 13 Mupu laruai akuru li rokoa ikia omu e'e monou apea,ai omu lae nioko akuru liai ou voanu miki oro ni kape kuru oia opara ou lia. 14 Ai na mau'u mo ama kuru oie ene ioka Iesu nu iri keoai,uku uau mere ei kae upa iri keoa upai aie naiau mere. 15 Uku pei mo eria akurupe o akuru,ai oie pei monou u kaia mo kae ane. Ei rokoai rokoa iki ,airu mo umu noro ane amuanu pairi Isaraera oko ou opara. Emuki mere ou ena'a a'a mo umu lipi'i apa ainimi mokiai,uku na kape okoro ane ioka Iesu ei ai mi rokoa. 18 Ene ioka Iesu nu umu airu u noro ane opai opai keia ka'a nomu avae ane, ovake airavake.O'o ai