Oai eria ima rokoa ioka iesu u eni'i karikie. kani'i oi, ouaiai, mo pa aia liriai a'anu iaki aivarai. 2 Inamu kae, nai, paulo, kuruai niau nia ni nanea kape ama ei'i, ioka iesu u ni oka uriria mere ni ama painikavaka'a pea. 3 Na opara iki'ikama keia mo'oko ou a'a oroau u nane'e kape eieai ai u ei vupu uriria kamaia liaka'a. 4 Ni ioka iesu au mere eiki keia, ni vupui ni ananaiki'i kavai; ni ai ama ipaliaka'a pea. 5 Oai anana u avaea, u pirima rokoa, ene umu miki'i maika ou lae korava u anana. 6 Ioka iesu laruai kape eia a'a mo kape eiape a'a ou miki u pei uriria, ai pirima rokana monou iaki ananai umui. 7 Ni ima miki enave, koama einikave nia ei miki kamai lia mere? 8 Ei opara u mako momerema anea pea ai u koa laea nilau a'a. 9 Voa mau'u miki u voa ovara miki laokavaka'a. Na lae venea eloi laruai ou ni lae korava mo ama miaka'a pea. ou ni lae korava koama lipiemakei'i u kavane eloia miokuaka'a, u eka'a voa a'a u koa. Ovake airavke, ai naia ama kuruma kei kape eia voa u ima, oieiaia na a'a lipi ekama keia? ou voa liane iri keoa muru keia lae muru u ou laiokave. Ai ko'oroa noro opara lipi varomo li'i noroau, na lae kora'a oro omu nane'e lipi auokuaka'a! Ni nilaue ei kopai rokoai, ovake airavake. aikava ni kopai rokoa pani va'aunu lae korava namea lipi oparai iaki pa liai; ai, umu anana paiakanavai. Uku ou vupu uriria u lae ova monou:"ni a'a umu li ni nane'e umu lia opara."15 Aikava noroa veiamina'a ama poroaminae nomu nane'e, oiliviai ou noro ama aneainavaka'a pea. Ai kurua, avaea nu rokoai roko mo ni pani va'aunu namea laekorava lipi ama uakiaka'a pea. Pani va'aunu lae korava namea opara u lari miki avaeanu iaki, mo avaea oko u lari miki pani va'anu lae korava namea opara. ai ei vake u aina aina ovara omu e'e, eivake u nia lae kora'a voa ama liaka'a pea. Aikava ni avaeanama nilae rokoe, ni vupunu alauiapea. Eai namea opara nu iaki u eai omro ovara mo enea oiai: ae'e mo vake voa lipi lipi, 20 a'anu ae'e mo a'anu vake namea, laekorava lipi lipi, opara lipia'a, avioia lipi mo iara, 21 imunu lapuane, lae iara iara, ama imainavaka'a pea, lae lari ema, amaina'a rokoa, ere na'a rokoa, na omoro eni'i nakia, ei lipi uriria lima keia a'a uriria oro eloi nu eie ama ikiriaka'a pea. 22 Aikava avaenu uru u umu, kopai, airu, a'a opara, kevere miki, ima miki, pirima rokoa, 23 A'a miki, ni nane'e maika; ei peipei lari lia vupu a keia pea. 24 A'a u koa u ioka iesuau u imukave ei namea opara uriria imana mo lae korava. 25 Ai enea aveaima rokoe, ene avaeai enevai laeria. 26 Ene nane'ea aneaiapea ei lae namea namea lae koravai rokoai apea.