Avava Galatia oro! Koa ama ai namie ei lipi noroau? nomu pakui mo nomu iamu miki'i ioka Iesu u a'a uririanu pakui iki'i kave iri keoa upai aie. 2 Ei pei monou miki naia ipa lia noroau:ni avaea ia'a ama mie mupunu iaki mere nia miki e mo nia virie oparai? 3 Ni avava mikia? Ni mo'oko rokoai avaeai,ai ni ama eria li'i mao kape'e? 4 Ni oka kani pei aira miki'i miki eria -ama lie uoko miki eria? 5 Ai kava u koa avaea mi nikue niau iva iaki liai nomu okai mupuane nia virie oparai pirima rokoa laruai? 6 Oai ai aberamo "mikie eloi mo u ima aila miki lie uau u rokoa anana miki," 7 Ai ou oparai monou, lae korava, ouriaka oro ou pirima rokoa oro aberamo nu ukua. 8 Oai ia'a omroa, oima keia eloi u opara iki'i kavaka'a namea a'au pirima rokoai, u ia'a omoro kurue u eve pakui abera amoau, kurue, " niau mere pani peava ia'a eiaka'a. "9 Ai oueai, pirima rokoa oro ia'a ei keia aberamo ane, u a'a miki pirima rokoai. Oai oro ko'oroa miki'i iaki lima keia vupunu alaui oro ima mo ama miaka'a pea; mo ai uku u kikiri keia, "oka kani u ou keia, oka kani u a'a uriria ko'oroana oro epiri keia kirikeia peipei ia'a pukai keia vupua." Eai miki u akuru u a'a mo ama iki'i kava ka'apea eloi nu pakui vupua, uku anana a'a oro pirima rokoa iki, ekei a'a u upunu iakima lima kei'i u ou oparai rokoaka'a." 13 Ioka iesu u enei imaie vupunu oka kani mere ai vupu u eneiau u oka kani- uku u kikiri keia,"ei oka kani u a'a uririai mo koa omu eve iri'i"- Ai ou vake ou aberamo ima u aneaka'a ei namea a'a oroau ioka iesu laruai, ai ou vake ene pirima rokoana miaka'a avaeana mikie keia pei. Ovake airavake,mara na kuruai ene a'a oparai. ai a'a moa-iaki ovara mo mianea mo mikiea vupane a'a mo u ama laiokavaka'a pea o voa varomo ama kaikiaka'a pea. Oai eai u ave'ea voa ou kurue aberamo au mo u airu a'au. ai u a kuru keia pea,"oai airu a'au,"aia ena'a aira miki, aikava ouvake u monou miki, "mo ni airu a'a,"koa u ioka iesu. Eai u naia laeria voa u e'e: Ai vupu, u ane aumeia 430 leko mere, u ei ia'a omoro a laiokave pea lae'e ou pani eloia kaiki pani'i. Ai ou mari ua ama ane'e vupuane, li oia u ave'e omoro apea. ai eloia miokue ave'ea omoro Aberamo. 19 Oia, li, vupunu miki? u aia ikirie uku namea eiai, ena liviai Aberamo nu airu a'a na ane ane ei ave'ea omoro uau mere kari kie a'au.Ei vupu u ema e anerua oka iaki liai a'au. 20 Emuki oka iaki a'a u ei voa kuruma keia a'a monou miki,ai Eloi u monou 21 Ai vupu u Eloi nu ave'ea omoro koua?Ai kava u miki eria! Uku vupu u akue ai ene vupui enei rokoa ama aku mao,ou vake ou anana u vupu mere anea ka'a. 22 Ia'a uru u epiri pokoia nameanu alaui.Eloi ia ei voa lie miki u ave'ea voa enei iakavai ene pirima rokoa ioka Iesu laruai venea mi ekue u miki e'ea iki'au 23 Eai pirima rokoana anea pakui, ene apiriaka pokoia vupunu alaui,apiri pokoie kipura ena liviai pirima rokoana enei au iki'i lie ane. 24 Ai ou eiai vupua enei maika li ane liviai ioka Iesu ane'e,ai ou vake ene,ene pirima rokoana akuru aia ka'a. 25 Ai kava eai ou pirima rokoa ou ane,ene mo ou maika a'ana mo enei ama maika lia ka'a pea. 26 Uku ai nomu uriria Eloi nu ukua pirima rokonu ananai ioka Iesu laruai. 27 mo ai aira miki varomo noro ko'oroa ere keaka rokoa iesu laruai noro kapua rukiaka rokoa ni nane'e ioka iesu ane. 28 Oai oura'a ni akuru a'ana, namea a'ana, o ai aivara a'ana, o eria a'ana, o mo ae'e ana o mo vake ana, ou ai nomu uriria miki monou iesu laruai. 29 Ai mo'oko ni iesu laruai ana, ai ni aberamo nu airu a'a mo u ave'ea omoroe ni aunikave keia.