Aumeia eve mekai mekai ane leako mo leako moane leko mere na mo'oko inue Ierusalemai'i Barnabas ane,ou larua Titus oko orae enei ane. Naia inue miki u ioka rokoa voa eiai mo karikie oro eiai ia'a omoro kurue namea a'a nu okai.Na airiai kurue a'a varomoa ei ia'a voa lae kora vai,ei vake u na ipa liai uku na ei ia'a voa ama- mienave- o a'amienave pea 3 Ei vake u Titus apea,koa u naiane rokoe mo u Greek a'a,lae korava venea kurue akuru liai 4 Ouae ovake airavake ikiri mane avapui inamu kaeai ene opara ia'a Ioka Iesu laruai.Oro enei lae rie eneia omu aivara rokoai, ene oro a'akamaia lipea oroau ikiriai ou pani miki'i,ou eiai ei ia'a omoro nu miki u keia ka'a niane opai opai. 6 A'a u koa u lae korama keia u ia'a a'a liai (oroa lia ka'a pei uriria miki naiau lae koravape liane,Eloi u ima ama kai'i kia ka'a pea eneiau)-oro,naia kurua a'a u koa ia'a a'a liai u naiau na paioka eria. 7 Karikie oparai, oro oie naia liai lae korave opara akuru liape a'a oroau,ipi ipia petero ua lie iaki opara ei ia'a omoro akuru a'a laruai. 8 Uku Eloi,u koa Petero laruai iaki aivara liai akuru a'ane,mo'oko iaki na laruai liai akurupe a'a u. 9 Ekei pani'ia James,Cephas,mo Iouane,oro ko'oroa miki eie ei ia'a lavi lao kavai,ei ima u mi ikue nai au, oro eve miki mekai anana akue kaupu kia kiripai Barnabas mo nai.Oro lae monou lie enavai akurupe a'au. 10 Oro nanuku monou lie eneia rurupu a'a lae kora eiai,u naia na umui liai lae korave keia voa. Ai ekei pani ia Cephas u ane Antioch pairi'i,na u larilie u paku miki'i uku akuru miki'i u lipi. 12 A'a moa anea pakui Iakopo au mere,Cephas u namea iki ane navai nave. Ai ou a'a oroa ane voana,u oai lie mo u lai kie namea a'au mere.U kore lie uku a'a varomo oro akuru eiai iara voa kuruma keia 13 Ai kapa akuru a'a varomo oroko ou ikirie ei lipi'i.Mo Barnabas oko lae ou na omie omu lipi oparana. 14 Kava naia omu avioia inamu oi voana u ei ia'a omoro nu miki'i ma kau oki pea,nai kurue Cephas omu uriria nu pakui,"ni akuru a'ana ai kava ni namea a'a opara lima keia mo ni akurupe a'a eka'a voama okiai ua akuru a'a opara rokoai?" Ene ene nane'e ene akuru a'a uku ene kinia mere mo ene eria rokoa ikiapea namea a'a; Ai ene ipa a'a mo u ama ipia ipia eaka'a pea vupunu iaki ai kava ana miki u pirima rokoai keia iesu ioka laruai. ai enei oko anea pirima rokoai ioka iesu ouvake ene iki'ikava ka'a u vupunu iaki apea. aikava vupunu iakiapea.vupunu rokoa u kape'e ama iki'i kava ka'a pea Ai kapoi,eneia veve ema keia laruai u ikikavai ioka Iesu au,enei oko auakue namea a'a,ai Iesu u namea ama kopai li'i mao? Miki miki u eria! Uku naia lao kave aruruku na kapoi ua'a,naia kapoi miki ea na vupu vepea a'a. Uku vupu eiai na vupui imua,ou eiai na rokoai Eloi eiai. 20 Na iri keoa upai ou imue ioka Iesu ane.Ei rokoa nai ama rokoma keia pea,ai ioka Iesu na laruai.Eai naia rokoma kei rokoa kape'e na pirima rokoai rokoa Eloi nu ukua laruai,koa u umu nai mo u rokoa iri keoa ai aie nai eiai. Na Eloi nu ima ave lae ama aia ka'a pea,uku anana ua ama evere ki'i mupunu ananai,ioka Iesu u eria miki imue!